الف حمد الله ع السلامة

حصلي موضوع شبيه بموقف حضرتك
بس الفرق ان السبب ان الهانم حست ان الناس اللي واقفين ع الرصيف ممكن يعدوا مع انهم متحركوش و كلنا كنا ماشيين ع سرعة حوالي 50-60 في الطريق حتي اللي ورايا الهانم ضربت فرامل فجأة بغباوة
انا لحقت و دوست فرامل و مخبطش و في نفس الثانية حسيت ان اللي ورايا هيخبط فيا و مش هيلحق شيلت رجلي عشان العربية متكلبش و الضرر يبقي اكبر
الحمد الله الراجل دخل في الاكصدام الفيبر بس و انا خبطت في اللي قدامي من الخبطة هي بصت و هي قاعدة و طلعت جريت بالعربية اكيد حست انها لو نزلت هنرميها في اي بلاعة كنت عايز اسيب الدنيا و اطلع وراها اطلعها ع الجزيرة اللي في الوسط و الراجل نزل عايز يفرتكها فيها

و طبعا كل الناس جريت تشوف يكون حد حصله حاجة او هنتخانق انا و الراجل
قولنا الحمد الله و ربنا يعوض علينا و سلمنا ع بعض و مشينا

نتيجة الحادث النمرة اللي قدام اتعوجت حاجة بسيطة
الاكصطدام اللي ورا البرشام فك من جهة اليمين و شرخ خفيف و اتعوج من تحت من جهة اليمين برده

عربية الهانم محصلهاش حاجة عشان اكصدام 128 حديد و جريت

الراجل اللي ورايا الكبوت اتعوج شوية و مبقاش عايز يقفل كويس


ربنا يرحمنا من الستات دول في كل مكان تطلعلي واحدة تقرفني في السواقة واحدة توقف الشارع كله شعان بتكلم في التليفون او واحدة سرحت او واحدة ماشية غلط و هي مش بتعرف تسوق اساسا و واحدة مرة يمين و مرة شمال ...الخ....ألخ

قولت هبقي اخد العجلة و اروح مشاويري احسن او اركب مواصلات بلا سواقة بلا هم