الموضوع: باص الجمعية والرفرف ؟

بسم الله الرحمن الرحيم

السلام عليكم ورحمة الله وبركاته


الواحد جاب اخرة الصراحة من السواقيين الـ ........ !!

من سنة ماشي في امان الله باص جمعية الي هو الكبير بدون اي مبرر انا ماشي جنبة حدف عليا بهدل لي الرفرف اليمين الي قدام,,

السبب العربية الي جنبة حدفت عليا وانا ذنبي اية اخبط فية ماتجيش تخبط فيا انا ؟؟

يقولي اعملهالك اسمكرهالك ومش عارف اية ..



----------


انهاردة برضوا ماشي في امان الله باص جميعة برضوا ( زي ما يكونو متفقيين عليا ) دخل في الرفرف اليمين بس الي ورا المرة دي بقي ,,

السبب السواق " العربية الي جنبي دخلت فيا " ,, طب انتا ابن ....* صحيح !! مانتا شايفة طالع من الشارع ده من بدري بتجري لية ؟؟؟

تيت تيت تيت ووقفت الشارع والناس حصل خير بسيطة ومش عارف اية ؟؟


----------


الواحد اتخنق من سواقة الناس دي المصيبة انا ماشي في حالي وفي حارتي وبنفس سرعتي ولا باخد يمين ولا شمال وبيخشوا برضوا فيا ؟؟

ولاء برضوا عربية نص نقل دخلت ببوزها في الرفرف الشمال الي قدام ..


انا كدة فاضلي الرفرف الشمال الي ورا علية الدور ربنا يستر ؟؟

كلهم نقل نقل مافيش مرة ملاكي

-------

الحمدلله كلهم بساط الي حد ما بس برضوا اعوجاج باين والدهان اتشال ..

ما هي المشكلة اني لو حاولت اخش فيه انا العربية هي الي هتزعل مش هو :(