حد يقدر يساعدنى رجرجه جامده على السلانسيه

**mohmmedzohier** · 21-10-2011 03:59 PM

كيا اسبكترا 2005
1600 CC

اولا: المشكله دى بقلها سنتين ومفيش حد عارف ايه اللى فيها وهى

احيانا ادور العربيه الصبح فقط القيها بتدرجرج جامد لدرجه يد الفيتيس بيدرجرج جامد جوه ادوس بنزين تروح اشيل رجلى ترجع تانى للسلانسيه

وترجرج الموضوع دا بياخد بتاع 20 ثانيه وبعد يها كله زى الفل فى حاجه كمان الموضوع دا ممكن مره كل

اسبوع او كل شهر او ممكن مرتين فى اليوم هى بحالات الموضوع دا بيزيد فى الشتاء

تانيا : العربيه وهى بارد ادور العربيه حتى لو مفيش رجرجه ال ار بى ام بيبقى على الواحد او اقل كمان ويفضل ينزل احد 500 لفه تقربيا
ودا طبعا مش مظبوظ لانها كانت اعلى من الواحد وينزل لحد 850 لفه

مع العلم غيرت بوجيهات 3 مرات الاصلى

سلك بوجيهات 4 مرات

حساس tps
حساس maf
حساس idle
البوابه نفسها
الموبينه
طبعا الفلاتر كلها
وتنظيف رشاشات

ومش عارف اعمل ايه ياريت لوحد يفدنى

**heshamtaher** · 23-10-2011 07:31 PM

مشكلتك عويصة. كنت هاقول لك افحص البوبينة و اسلاك البوجيهات. ربنا معاك

**graffittiii** · 23-10-2011 07:50 PM

the same here ....

**EsmatKazem** · 15-11-2011 12:23 AM

يا باشا انا كان عندى نفس المشكله فى فيات بونتو ...
روحت لميكانيكى نضيف ... ( و نصيحتى ليك روح التوكيل ) .. غيرلى سير و بلية الكاتينه و قسم السير من اول و جديد و شده بحيث مايبقاش مهوى من اى جهه ده غير تغيير جوان غطا التاكيهات و جوان وش السلندر و الجوانين الصغيرين بتوع زور الشكمان ....
اما بالنسبه للحساسات فالافضل و (الاغلى سعرا) انك تغير علبه الفيوزات نفسها لان ممكن القفله تكون منها هى مش من الحساسات (ممكن تحتفظ بالكتاوت و الفيوزات السليمه حرصا على خفض التكلفه) ...
و اخيرا تأكد من ان كل ثرموستات العربيه راكب و يعمل بكفائه لان انا كان عندى ثرموستات معمول عشان يخلى الموتور يسخن بسرعه لما تدور و ده كان معمول اصلا للشتاء ... لما اتشال العربيه كانت بتطلع عينى عشان تشتغل الصبح فى الشتاء .

و ان شاء الله تتظبط

Esmat Kazem

**ssssss** · 18-11-2011 07:30 PM

راجع على قواعد الموتو
وهى عبارة عن قواعد من الحديد و بها كاوتش و اذا تلف هذا الكاوتش الموجود بها او تمزق فهي تؤدي الى هذه المشكلة

**ahmedezzat78** · 18-11-2011 08:07 PM

نظف حساس idle و اعمل idle learn

هل ال rpm بيفضل على 500 حتى بعد الرجرجه ما تختفى؟
لو الاجابه نعم حط العربيه على اسكانر و اضبط سرعه السلانسيه

**mmamdouh73** · 02-12-2011 11:24 PM

لمل العملية تعقد شيلها من دماغك . شغل الكاسيت بصوت عالى

**azmeralda** · 05-12-2011 02:27 PM

بس اعتقد لو قواعد الموتور هتفضل تترج عالسلانسيه دايما وهى واقفة مش ساعة تروح وساعة تجى : )

**wama00** · 27-12-2011 11:30 PM

متابع

**ahmed_gamal777** · 29-12-2011 05:56 PM

مع انى معيش عربية انجكشن ومعايا كاربيرتيرا
ولكن عن تجربة فى سيارتى -(لادا 2107 موديل 2010)معدل الهوا الازم ل الاحتراق غير مظبوط
يفضل مراجعة المعدلات -زى ما قال الكتاب (الكتالوج )فى مركز نظيف شوية او لو فى امكانية تعلية الهوا بالبرمجة -جرب ومش هتخسر -دا لو ممكن ترجع المعدل تانى الى الى موجود

لان بتقابلنى نفس مشكلتك ودايما معايا -طقم بوجيهات اجرب بية -ومفتاح تعلية هوا الكربيرتيرا

فى الاول رجرجة -لمدة 2 او3دقيقة وبعد شوية من المش تظبط -وهجنن-وساعات اعلى الهوا تظبط تمام

وقد افتى من قال -الله اعلم