استشارة فى الفتيس الأوتو ( بومة )

**ahmedfra** · 21-10-2011 05:03 PM

السلام عليكم
الأخوة الأعزاء ارجو المساعدة و سرعة الرد .
من كام يوم اشتريت عربية لانسر بومة 2007 اوتوماتيك . و كنت كشفت عليها فى البنزينة . و رفعوها و كشفوا عليها و قالوا كويسة و توكلت على الله .
النهاردة قلت افتح الكبوت و ابدأ اتعرف على حوض العربية . و المفاجأة ؟؟؟؟؟؟
لقيت الفتيس به سليكون لونه برتقالى كالح !!!!!!!!!!!!!!!!!!!
يا نهار اسود كده فى شغل فى الفتيس .
المهم رحت لميكانيكى و حكيت له . بص و قالى دا عادى هى كده دا سليكون الفبريكة !!!!!!!
هل دا صحيح ؟؟؟؟ احسن انا منكد و عندى مغص
ارجو سرعة الرد

**أبو إياد** · 21-10-2011 07:40 PM

فعلا ممكن يكون بتاع الفابريقه وخصوصا لو 1600 لانه ماينفعش يتصلح انا عندى واحد فتحته وفضيته كله لقيت انه ماينفعش فعلا يتصلح فيه حاجه انما لو 1300 ممكن يتعمل فيه شغل

**أبو إياد** · 21-10-2011 09:06 PM

ياريت تقولى عداد العربيه كام وحاله العربيه عموما
بالنسبه للتعامل مع الفتيس الاوتوماتيك عادى مافيش مشكله بس الافضل انك تتعامل معاه بعنايه شويه يعنى بلاش تجيبه مره واحده من الاول للاخر واحده واحده اكيد هايكون افضل اما عن الخبط اللى فى ال p يفضل التقليل من استخدام p وعند الاستخدام يجب ان يكون العجل متوقف تماما وتكون العربيه على الn وفى وضع ثبات لما تيجى تجيب ال p هتلاقيه سلس جدا معاك ومافيش اى صوت

**أبو إياد** · 22-10-2011 12:06 AM

المشاركة الأصلية كتبت بواسطة LANCAR

السلام عليكم اخي ابو اياد انا معايا بوما 1600 اوتو نادرا لما اقف علي ( p ) دايما لما بقف او اركن في اي مكان بستعمل ( n ) وبرفع الهاند ومرتاح جدا لكدة في اي مشكلة مستقبليا اني بعمل كدة ولا عادي وافضل للفتيس .. وشكرا لحضرتك

هو ده الصح
بالنسبه للزيت انا راءى الشخصى زيت فتيس موبيل

**MR . Gold** · 22-10-2011 07:55 PM

المشاركة الأصلية كتبت بواسطة ahmedfra

بالنسبة للعداد عامل 88000 كم
و ان شاء الله حعمل للعربية السرفيس بتاعها فى اقرب وقت ( شراء عربية مستعملة )
لكن طمنى على موضوع الـ rpm الى قلت لك علية فى المشاركة السابقة .
و ملحوظة كمان مع كل حركة للفتيس من p الى r الى n الى d بحس بتغير فى الـ rpm على خفيف
و ساعات اسمع صوت مع كل حركة و ساعات لأ .
اسف على الإطالة و يارب تطمنى

بعد اذن ابو اياد علي الرد بهذا الموضوع .. موضوع صوت اثناءحركة الفتيس راجع علي قواعد تثبيت الفتيس لان لو فيها حاجة عايزة تتغير تعمل صوت كدة اثناء حركة الفتيس في الغيارات .. وموضوع الار بي ام والترتيلة اللي في العربية دي ممكن يكون فلتر البنزين عايز يتغير وتنظيف البوابة والبوجيهات وخصوصا انك بتقول العربية عاملة 88000 كيلو فابالضروري انك تراجع علي تلك الحاجات وضروري الكشف علي الكتينة وزيت الفتيس ضروري لانك لاتعلم ان صاحبها القديم غير الحاجات دي ولالاء .... والف مبروك عليك العربية وربنا يسترها عليك ويكفيك شر الطريق ويباركلك فيها يارب

**أبو إياد** · 23-10-2011 08:49 AM

المشاركة الأصلية كتبت بواسطة lancar

بعد اذن ابو اياد علي الرد بهذا الموضوع .. موضوع صوت اثناءحركة الفتيس راجع علي قواعد تثبيت الفتيس لان لو فيها حاجة عايزة تتغير تعمل صوت كدة اثناء حركة الفتيس في الغيارات .. وموضوع الار بي ام والترتيلة اللي في العربية دي ممكن يكون فلتر البنزين عايز يتغير وتنظيف البوابة والبوجيهات وخصوصا انك بتقول العربية عاملة 88000 كيلو فابالضروري انك تراجع علي تلك الحاجات وضروري الكشف علي الكتينة وزيت الفتيس ضروري لانك لاتعلم ان صاحبها القديم غير الحاجات دي ولالاء .... والف مبروك عليك العربية وربنا يسترها عليك ويكفيك شر الطريق ويباركلك فيها يارب

الله ينور عليك بالظبط ده اللى اللى يتعمل بالاضافه لتنظيف حساس الايدل مع البوابه وموضوع الكاتينه ده مهم جدا وماتكسلش فيه