مشكلة المساعدين بتوع صني

**hotmail** · 21-10-2011 07:47 PM

يا جماعة أنا كان عندي مشكلة أن المساعدين بتوع عربيتي باظوا خالص و حبيت أغيرهم فرحت عند التوكيل بتاع نيسان (مودرن موتورز) ( منفذ بيع قطع الغيار) علشان أشتري الجداد و يكونوا أصليين ....المهم أشترتهم و ركبتهم برة بس للأسف طلعوا سيئيين للغاية كأني مركبتش مساعدين جداد و لا أصليين لأني لما بدوس علي الشنطة من ورا أو علي الكبوت من قدام العربية بتنزل و بتطلع معايا كأنها زي المراجيح .
أعمل ايه ساعدوني؟؟؟....

**hotmail** · 21-10-2011 09:16 PM

يا جماعة ارجوكن يا ريت حد يرد عليا
علي الأقل حد يقول لي كدة يبقي في عيب في المساعدين و لا ده عادي ؟؟؟
و هل ينفع ارجع المساعدين لو فيهم حاجة ؟؟؟

**tarekmomo** · 21-10-2011 11:52 PM

ما هى لازم لما تدوس عليها تطلع تانى عشان يبقى فية مرونة لما تاخد مطب انت عايزها تنزل وما تطلعشى
هى العربية بتدب معاك

**tarekmomo** · 21-10-2011 11:52 PM

والسوست اخبارها اية

**hotmail** · 22-10-2011 12:21 AM

مش فاهمة يعني ايه السوست ؟؟
ممكن تحاول توضح اكتر
بالمناسبة انا بقول انها بتطلع و بتنزل لأني جربت عربيات تانية ملقتهاش بتعمل كدة
العربية بعد ما عملتها بمجرد ما بدوس يإيد واحدة مش بكل تقلي بتطلع و تنزل
معلش طولت بس نرجو الاستفادة من خبراتكم
و شكرا

**Youssef.Awad** · 22-10-2011 02:43 AM

اولا عربية حضرتك عاملة كام كم ؟
مين اللى شخص لحضرتك ان العيب مساعدين ؟
المشكلة كانت فى المساعدين الاماميين ولا الخلفيين ولا الاتنين معا ؟
اخبار السوست او اليايات ايه بخلاف المساعدين وطبعا باقى اجزاء العفشة كلها ؟
هل متابعة لصيانة دورية ع العربية فى التوكيل ولا برة طول الوقت ؟
كل دى اسئلة مهمة جدا وكتير غيرها محتاجين نعرفها عشان نعرف نقيم الموقف وندلك عالمفروض تعمليه بالزبط

**WalidAdel** · 22-10-2011 12:46 PM

السلام عليكم اولا
ثانيا العربيه موديل كام و بعدين كده ولا كده المفروض قطع الغيار الاصلي اللي حضرتك بتشتريها من التوكيل عليها ضمان بالفاتوره ده لو اصلا فيها حاجه
ياريت حضرتك تصور الموضوع ده و تورينا ايه اللي بيحصل بالظبط و تحط الفيديو علي يو تيوب ولا حاجه علشان نقدر نفيدك