عزيزي مهندس طارق ........ عفوا مركز كم في قليوب .........

**manover40** · 18-05-2008 09:58 PM

ـ ذهبت اليوم لصيانة الالف لسيارة لانسر 1300 خليجي و كنت اتصلت قبلها بيوم لحجز موعد و اخبرتني من قامت بالرد لا توجد مواعيد الشغل بيبدأ الساعة 8 و الحجز باأسبقية الحضور ....
ـ ذهبت في تمام الساعة 9 ص و ذهبت لمكتب وصفه لي واحد واقف بجوار البوابة الخارجية و كالعادة موظف شغال ـ وواحد بيهرج ـ و ثالث عند المدير و بعد شد و جذب قام مدير المكتب علي ما أظن بكتابة استمارة الصيانه و أخذ الرخصة .
ـ و بعد 1/2 ساعة حضر موظف و فتش علي العربية و كتب خدوش في الصاج و خدوش في البربريز الامامي و الكاسيت غير أصلي و حاجات كتير و قلت له ايه ده فين اللي انت كاتبه ده . رد بعدم اكتراث ده كلام روتيني
ـ بعد ساعتان زهقت لان النور مقطوع و المكيف مش شغال في الاستراحة قلت اروح للمخزن اسأل علي ذراع الايريال و طبعا حسيت ان انا في ديوان محكمة فالموظفين مخنوقين من نفسهم و رد أحدهم مفيش ، واحد قال لاء فيه ، رد اخر النور مقطوع و الكمبيوتر عطلان ، و رد ثالث اسال عليه في شارع السودان ، و رد رابع او خامس هو شكله ايه الدراع ده و بصراحة كنت مذهول .
ـ خرجت أسأل علي السيارة و بصراحة كنت بقي اتخنقت لقيت الناس واقفه علي باب الصيانه بتسأل علي عربياتها ووسطت احد الاشخاص للسؤال عن موقف السيارة و علمت انها خلصت و دوخت علي الاخ اللي استلم العربية لحد مالقيته و جاب العربيه و خرجت الفاتورة و قلت له فين الفلتر اللي انت غيرتموه ... و اندهش الموظف و قال لي هو انت عاوزه !!!!!!!!!!!!
ـ طيب اعرف منين انه اتغير مش ده حقي و لا انا غلطان ؟؟؟؟؟؟
ـ بالمقارنة بقي بمركز خدمة تيوتا في ابو رواش لا تعليق !!!!!!!!!!!!!!
ـ نسيت اقولك عن جفاء المعاملة من أغلب اعضاء المركز حتي من البنت اللي في بوفية الاستراحة !!!
ـ مهندس طارق بجد انا اتعامل مع مركز خدمة تيوتا في ابو رواش و مركز خدمة حسام ابو الفتوح اسبرانزا في ابو رواش ايضا و لا مجال للمقارنه بين مارايته عندكم و ما كنت اراه في تعاملاتي مع المراكز السابقه .
ـ اسف علي الاطالة .
و لي سؤال عند الزملاء الاعضاء هل مركز خدمة الرواس المعاملة فيه مثل مركز المصرية و لا احسن و لا اوحش ؟؟؟

**مصراوي جدا** · 19-05-2008 11:05 AM

استاذ manover40 أنا طبعت رسالتك وقدمتها لمدير الاستقبال ورد بالآتي:

أولا : كما يعلم العميل أن حجم مبيعات سيارات لانسر الآن زاد كثيرا عما سبق مما يستدعي زيادة مراكز الخدمة لتناسب تلك الزيادة ، برغم ذلك فان سعة مركز الخدمة ما زالت كما هي ونحن نعترف بذلك ، وهذا يسبب أحيانا بعض التجاوزات التي قد لا نرضى عنها جميعا .. وعلى العموم فان ادارة الشركة ادركت ذلك من قبل وهناك مراكز خدمة على مستوى عالي تقام حاليا تحت الانشاء.

ثانيا : نحن نحث العميل عندما يرى أي شيء غير راضي عنه في مركز الخدمة أن يتقدم على الفور بالشكوى للمهندس مدير الاستقبال أو مدير الورشة لاتخاذ اللازم نحو المخطىء .. فان ازدحام المكان لا يعطى الحق للعامل بالتجاوز في عمله وواجبه.

ثالثا : ان انقطاع الكهرباء ـ وهذا ظرف خارج عن ارادتنا ـ يسبب لنا كثيرا من المشاكل حيث أن معظم الأعمال عندنا وخاصة قطع الغيار تعمل على انظمة الكمبيوتر . ومولد الكهرباء الذي يتم تشغيله عند انقطاع الكهرباء لا يمكنه تشغيل الأجهزة الحساسة (كالكمبيوتر) وانما يستخدم داخل الورشة لتشغيل كواريك رفع السيارات وفي الانارة

رابعا : بعض العملاء يرفضون وضع قطع الغيار المستهلكة داخل سياراتهم ، لذلك فنحن لا نضع قطع الغيار المستهلكة للعميل الا اذا طلب ذلك مقدما ، ومن حقك طلب أي قطع غيار مستهلكة والجديد منها مثبتا في الفاتورة.

مع خالص الشكر والتحية

مهندس عبد الجليل
مدير الاستقبال

**Daash** · 07-11-2008 10:11 PM

طيب يا شباب التوكيل شغال السبت ولا ايه نظامة عشان عاوز انزلة بكرة

**mada121977** · 07-11-2008 11:10 PM

هما شغالين السبت بس لازم حضرتك تروح بدرى علشان بيبقى زحمه جداا يوم السبت

**iunknown** · 07-11-2008 11:16 PM

المشاركة الأصلية كتبت بواسطة elpasha009

الحق يقال يا أستاذ manover40 أنا عربيتي عاملة 50 ألف وكل صياناتي في التوكيل وعمري ما إشتكيت من معاملة أبداااااااا.
بجد الناش هناك ذوق جدا.ممكن يكون إنت بس كان حظك وحش:)

أقدر اٌقول نفس الكلام
مهندس الاستقبال والمهندسين والفننين في الورشة وحتى الناس في المخزن المعاملة لا يمكن توصف بالجفاء أبدا

انا رحت 3 مرات (صيانة 1000 وحادثة وصيانة 10000 ) وفي كل المرات الحمد لله بقابل ناس زي الفل(باستثناء سوء تفاهم حصل افي الحادثة )

ان شاء الله في الـ 20 أتشرف بمقابلة م/طارق

**masriano** · 08-11-2008 05:57 PM

انا بروح مركز صيانه الرواس الى جنب مسرح البالون دا..
الناس هناك كويسه بصراحة ومحترمين..

بس انا بصراحة نفسى اروح بتاع قليوب دا - لو كان ينفع - في صيانه ال 10000 عشان أقابل مهندس /طارق .. بجد بحترمك جدا.