طلب من الساده ملاك الانسر 1600 اوتوماتيك بخصوص الفتيس

**limo** · 08-11-2008 03:09 PM

عندى لما اجيب الفتيس من على الr الى الp بسمع صوت طقه خفيفه جايه من الفتيس بسمعها اوى لما اكون فى مكان هادى مفهوش دوشه
فطلب من الساده ملاك الانسر البومه ال1600 اوتوماتيك يجربوا الموضوع فى عربياهم ويقولولى هل عندهم نفس الصوت لما ينقلوا من الR الى الP مباشرا ولا لأ علشان اطمئن ؟علشان لو فيه حاجه فى الفتيس اروح اشوفه قبل ما الضمان يخلص
ولكم جزيل الشكر

**ahmedel_rayies** · 08-11-2008 09:50 PM

أنا كمان عندي المشكلة دي بس أعتقد دي فى كل السيارات الأوتوماتيك.

ممكن م/ طارق يفيدنا فى الموضوع داه لو سمح.

**limo** · 08-11-2008 10:07 PM

اطمئن انا سألت البشمهندس طارق وكان رده كالاتى :-
ده سؤالى :-

المشاركة الأصلية كتبت بواسطة limo

كنت عايز اعرف يا بشمهندس ازاى اقيس زيت مستوى الفتيس فى الانسر 1600 اوتوماتيك (البومه )فتيس cvt
والمفروض يكون مستوى الزيت اد ايه ؟
لان اليومين دول سامع صوت زنه مع المارشدير ,وكمان بسمع صوت طقه لما اكون على r واجيب الb هيه الطقه مش مسموعه اوى بس موجوده ؟
انا خايف ليكون مستوى الزيت ناقص فالحقوا بدل ما اشيل الفتيس كله
العربيه لانسر 1600 البومه موديل 2008 خليجى مواصفات كويتى وعليها ضمان سنه تبع مركز هاى تريد وفاضل من الضمان 5 شهور

وده رد البشمهندس طارق :-

المشاركة الأصلية كتبت بواسطة مصراوي جدا

انا عرضت الموضوع على المهندس عبد الجليل مدير الاستقبال بمركز الخدمة الرئيسي ورد بالآتي

عامة يوجد صوت بسيط عند التعشيق من أي غيار الى P خاصة لأن المجموعة الداخلية تعمل عمل المسوجر Lock وهو طبيعي جدا.

أما بخصوص كيفية قياس مستوى زيت الفتيس الاوتوماتيك فهو كالتالي:

(1) يتم وقوف السيارة على سطح مستوي

(2) يتم تشغيل السيارة على السلانسيه حتى يدفأ المحرك

(3) يتم تعشيق غيارات الفتيس أي تغذية الغيارات لكل غيار على حدا يتم الوقوف بضع ثواني عليه ثم الانتقال للتالي والرجوع مرة أخرى بطريقة عكسية

(4) اثناء التشغيل ومحرك السيارة على السلانسيه يتم رفع عصا قياس مستوى زيت الفتيس وملاحظة مستوى الزيت من خلال العلامات الموجودة عليه مثل عصا قياس مستوى زيت المحرك مع ملاحظة ان هناك علامة للقياس على البارد Cold وهي ليست حالتنا وعلامة للقياس على الساخن Hot وهي حالتنا هنا

**nasr-eldeen** · 08-11-2008 10:14 PM

السلام عليكم ورحمة الله وبركاته
هو البشمهندس طارق أجاب عن السؤال ده في موضوع من قبل أعتقد عنوانه ( أنت تسأل والبشمهندس طارق يجيب ) أعتقد .
وكان الجواب إن ده طبيعي لأن التحويل للوضع P وضع الوقف التام وفيه يتم ( عمل مسوجر ) للسيارة لمنعها من الحركة تماماً .
وده أنا بشعر به بالفعل وتوقعت ذلك لأن عندي ماكينات تعمل بنظام ( الكلاتش ) فتوقعت أن يكون هناك تشابه ولكن تأكدت من توقعي بعد إجابة إستشاري الميتسوبيشي في المنتدى الرائع بأعضائه الكرام .