مطلوب سيفيك سي ار اكس 1989 1991

**mody4990** · 24-10-2011 07:03 PM

ايوه انا عرفت العربيه الي قصدك عليها وروحت المعرض امبارح بليل علشان اشوفها بس العربيه بصراحه من بره حلوه والماكينه الي فيها مرعبه والجنوط كمان بس للاسف الحلو ميكملش
العربيه من الداخل متهانه اخر حاجه ومفيهاش كاسيت ولا تكييف والعلبه الي حولين الدركسيون مش موجوده والازاز الامامي مشروخ والسقف مفتوح فتحتين ومركب فيهم ازاز بس مش معمولين حلو خالص والكنبه الي ورا مش موجوده ومفيش حتى سماعات ولا النضاره بتاعة السماعات ( الطبلوه الخلفي ) ومفيهاش مرايه يمين والمرايه الشمال مش بتاعتها والاهم من كده ان السدر بتاعها ملحوم ومصدي وفي برومه كبيره في شنطتها من تحت من عند الاستبن ومفيهاش اصلا استبن كل ده مفيهوش مشكله يتعالج بس هوه طالب فيها سعر عالي قوي في الاول قالي 45 الف وبعدين فجائه نزلهالي 35 الف بس انا مقدرش ادفع فيها غير 20 الف علشان محتاجه تبيت في الحرفيين مش اقل من شهر غير قطع الغيار الي محتجاها وعلفكره العربيه مفيهاش بطاريه
لو هو وافق على 20 مفيش مشكله بس مردش عليا لغاية دلوقتي
وبرده انا عايز رايكوا وبالاخص مستر نبيل
وشكرا

**M_Nabil** · 25-10-2011 08:15 PM

لا طلما العربية متهانه كدة يبقى بلاش منها أحسن أصبر و دور على حاجه تكون اساسيتها نظيفة وظبطها على مزاجك واحدة واحدة بعد كدة عموماً لو لقيت حاجه غيرها هبلغك بإذن لله

**mody4990** · 26-10-2011 12:11 AM

عندك حق يا استاذ نبيل انا مبطر استنى شويه ولو لقيت حاجه يكون ليك جزيل الشكر
هيا فعلا عربيه نادره ومشكلتي اني بحب الحجات النادره في اي حاجه مش العربيات بس هههههههههه

**HaSSaNCERATO** · 26-10-2011 02:03 PM

نصيجة اخوية حاول تختار واحدة ستوكايا عشان اى واحدة متعدلة اعرف انها اتنفخت جرى 20 سنة

**M_Nabil** · 26-10-2011 11:01 PM

المشاركة الأصلية كتبت بواسطة mody4990

عندك حق يا استاذ نبيل انا مبطر استنى شويه ولو لقيت حاجه يكون ليك جزيل الشكر
هيا فعلا عربيه نادره ومشكلتي اني بحب الحجات النادره في اي حاجه مش العربيات بس هههههههههه

نادرة؟ لا مش نادرة بس تقدر تقول قليلة شوية ..

طيب طلما ليك في النوادر وغاوى ليك عندى عربية تحفة و الوحيدة في مصر تقريباً بس تاخد بالك انها ملهاش اى قطع غيار ممكن توفقلها مكنه لكن الباقى الله أعلم وسعرها معقول جداً

هيه نيسان زد اكس 280 موديل 1980 سته سلندر 2800cc هاااا قولت اية؟ :) وهتبقى الين عند بتوع قطع الغيار

**mody4990** · 27-10-2011 02:18 AM

ايون أديني في النوادر يا باشا ايه بقى ها ايه بقى يا استاذ نبيل

واشكرك عزيزي حسان على المعلومه المهمه دي فعلا عندك حق بالعقل كده واحد عامل كل التعديلات دي ليه اكيد علشان يفلق بالعربيه ويطحنها اشكرك فعلا على المعلومه

**amirrk** · 06-11-2011 07:34 PM

في واحده اسود مت موجوده في صقر قريش راكنه علي طول ة كاوتش نايم معرفش للبيع ولا لأ بس ممكن تسال عليها لان شكل صاحبها راميها
المهم هي في صقر قريش المعادي عند المنطقه بتاع الورش
ممكن تسال علي مدحت اوبل هي في نفس الشارع ده

**islam_shaker** · 07-11-2011 04:39 AM

حبيبي , انت بتقرا افكاري , العربية دي عربية احلامي من صغري
وشوفت واحدة للبيع من شهر و نزلت مع صاحبها و جربتها ووديتها لميكانيكي العربية حمرا و كنت خلاص هاخدها
و عندي صور ليها انا مخدتهاش عشان مكنش معايا غير 20 و هو كان طالب 30
لو عايز تعرف اى حاجة عنها كلمني
01019804328