عيزة اشترى عربية ... ساعدونى من فضلكم

**eng_nagwa** · 18-05-2008 10:44 PM

انا عايزة اشترى عربية مع العلم انى اول مرة اركب عربية ولسة بتعلم السواقة:) ... انا عرفة انه صعب ابتدى بعربية جديدة بس انا معرفش حد خالص و لا حتى فىحد فى اهلى ممكن يساعدنى فى شراء عربية مستعملة ... انا عايزة رايكم فى عربية تكون كويسة ... طبعا انا مش عارفة اية المواصفات الكويسة ويكون سعرها لحد 70000

**mohamed1992** · 19-05-2008 12:54 PM

ممكن تشتري بيكانتو عربية حلوة وشبابية وصغيرة وبناتي وممكن بالسعر ده تجبيها اتوماتيك

**ramyfawzy** · 19-05-2008 03:21 PM

طالما لسة بتتعلمي سواقة يبقى الاحسن انك تجيبي عربية مستعملة بس ماتكونش غالية
عشان طبعا البداية في السواقة بتكون متعبة حبتين وممكن لا قدر الله يحصل تلفيات في العربية
يبقى من الاخر تجيبي عربية على الاقل مكيفة
ارشحلك:
هيونداي فيرنا
لانسر (كريستالة موديل 99)
دايو لانوس

العربيات دي قطع غيارها متوفرة ورخيصة وكمان تستحمل
وان شاء الله لما تنوي تشتري عربية ومحتاجة تقييم ليها ابقى ابعتي رسالة وانا في الخدمة

رامي (ابو احمد)

**bassam nagy** · 19-05-2008 07:28 PM

لو هاتسوقى مانيوال ممكن تفكرى فى جيتز
لو اتوماتيك ممكن تشوفى البيكانتو اوهيونداى I10

**joda75** · 20-05-2008 01:10 AM

كيا بيكانتو زيرو ولا التو زيرو 1100 ؟ ارجو المساعدة

**Mina W** · 30-05-2008 02:31 PM

البيكانتو كورى تقفيل كورى، اللتو يابانى تقفيل هندى، انا معايا البيكانتو الحمد لله 100 100 ، ممكن حضرتك تركب الاتنين و تختار بنفسك

**amr_elrashidy** · 30-05-2008 02:48 PM

اكيد طبعا البيكانتو الزيرو افضل من الالتو..انا كمان معايا البيكانتو عربية ممتازة

**yasserayad** · 31-05-2008 04:13 PM

طيب الافيو سعرها اعلى من اللى حضرتك ذكرتيه حاجه بسيطه تقريبا 1500 جنيه
اتفرجى عليها
ولو انى ارجح مستعمل اولا وبعدين الزيرو بعد ماحضرتك تبقى متمكنه من السواقه

**elhowt** · 01-06-2008 12:40 PM

انا شايف ان المستعمل هيكون متعب بالنسبة لواحدة لسة بتتعلم وكمان اي عربية مستعملة هتشتريها وانتي بتقولي مفيش حد يساعدك يبقي بلاش مستعمل علشان ممكن جداً يضحك عليكي (اسف) بس دا الواقع وكمان ممكن جداً تخسري فيها وانتي بتبيعيها ودا بردو اكيد
انا شايف انك ممكن تخسرى الف جنية في مدارس التعليم الخاصة لحد ما تتمكني شوية من السواقة وبعدين تشتري عربية زيرو علشان الزيرو افضل كتير ليكي وانتي في الاول مش هتشيلي هم لنها تعطل اوتقف منك
ممكن تشتري البكانتوا او لانوس علي فكرة عربية كويسة جداً وانا شايف ان لانوس تستحمل معاكي وتريحك