آخر مرة أروح مودرن أبورواش

**Bishoy.Girgis** · 23-10-2011 12:46 AM

المشاركة الأصلية كتبت بواسطة nabeeh010

سألت بالتليفون علي الابانوس ؟؟؟

وتحس أنهم تايههههين!

هو موجود هناك عبارة عن ستيكرز و اعتقد عامل حوالي 600 جنيه بالضريبة

**Youssef.Awad** · 23-10-2011 02:43 AM

بصراحة ربنا يكون فى عونك لأنى لو مكانك كنت دخلت جبتها من جوة الورشة بالمفتاح التانى - لأنى باسلم العربية بالمفتاح النبيتى ومعايا الاسود - وكمان مش ذنبنا نستحمل ظروف توكيل سمعته من سىء لأسوأ مهما كان
مبدأى فى الحياة هين قرشك ولا تهين نفسك لأن الدنيا ما بتقفش على حد ولا اى نيسان هاتقف على مودرن والبقاء للاصلح

**Sehsss** · 23-10-2011 05:56 PM

المشاركة الأصلية كتبت بواسطة Peaceman

اولا مبروك يا سحس علي الصيانة و عقبال صيانة الـ 100000
علي فكرة و انا بقرأ الموضوع بتاعك تشوف تعبيرات وشي من الكلام اللي انت بتقوله علي اللي عملوه معاك ده
بص يا جميل المفروض ان في موضوعات كتير في القسم بتتكلم عن تقصير مودرن الفترة اللي فاتت دي كلها و المفروض انك متابع و هما فعلا غظب عنهم .. الايام ديه التوسعات اللي بيعملوها ملغبطة الدنيا عندهم و هما ان شاء الله في خلال شهرين بالكتير او يمكن اقل كمان هتكون الدنيا اتنظمت و بقي في هيكل جديد خالص للتوكيل كل العملاء هينبسطوا منها
فمعلش نستحمل شوية لأن علي كلامهم هيكون التوكيل منظم بطريقة ترضي جميع العملاء

ربنا يبارك فيك وشكرا على اهتمامك، أنا اللي حارق دمي إن الإنذار اللي مركبه عندهم بـ 550 جنيه بايظ وبيهنج والكهربائي بتاعي قلق يشتغل فيه وقاللي روحلهم التوكيل وأنا مش فاضي أهرش علشان أروح تاني وأقعد والقرف ده، وعاوز حد بيهم يشيلهولي خالص علشان قارفني

**Ahmed.TV** · 23-10-2011 06:34 PM

محمد باشا .. متعملش حاجة فى الانذار .. وكلمنى على التليفون .. وربنا يقدرنى واحل لحضرتك .. كل المشاكل اللى عندك .. باذن الله

**Youssef.Awad** · 24-10-2011 01:44 AM

ياخبر 550ج !!!!!!!!!!!
ربنا يكون فى عونك وبما ان حضرتك ساكن فى المقطم فهيكون السبع المعادى اقربلك كتيييييييييير عن طريق الاتوستراد

**Sehsss** · 24-10-2011 01:56 AM

المشاركة الأصلية كتبت بواسطة y2y1500

ياخبر 550ج !!!!!!!!!!!
ربنا يكون فى عونك وبما ان حضرتك ساكن فى المقطم فهيكون السبع المعادى اقربلك كتيييييييييير عن طريق الاتوستراد

تمام ياباشا، ومن هنا ورايح على السبع على طول، بس الأستاذ أحمد t.v كلمته وقاللي إنه هايكلمهم ويظبطلي الدنيا علشان يصلحوه بس إن شاء الله بعد يوم الخميس، وبصراحة الراجل ده محترم جدا، أنا أول مرة أكلمه بس واضح إنه راجل جدع وخدوم جدا، وربنا يقدره على قضاء حوائج الناس