تقرير عن السيارة f0 بعد 15000 كيلو .... ما لها و ما عليها

**x_gomgom** · 22-10-2011 08:02 PM

بعد استهلاك تقريباً لمدة سنه و لمسافه 15200 كيلو متر تقريباً دا تقريري .....
ا-الموتور: العربيه الميزه الاساسيه فيها استهلاك البنزين مثالي جداً خصوصاً داخل المدينه (الثابت معايا اللتر بيعمل حوالي 13.5 كيلو بالتكييف تشغيل متوسط ) و على الطرق السريعه (17.5 كيلو في اللتر متوسط سرعه 120ك/س). الموتور تسارعه جميل جداً الى الان و عمرها ما قصرت معايا في الجري ولا سفر.....
- قطع الغيار : بسبب اني تعرضت لحادث قطع الغيار كانت غير متوافره في التوكيل(العربيه كان عمرها 7 شهور) لكن الحمد لله حالياً متواجده و اوجه شكري مره أخري لإداره شركه الامل للسيارات و اسعارقطع الغيار معقوله
- نظام التعليق : العربيه عفشتها ناشفه شويه لكن العربيه ماسكه نفسها و تقريباً انا مش بربط العفشه إلا في الصيانه الدوريه و ثابته على الارض مع تحفظي على ابعاد اطارات السياره لانها لا تدعم الثبات على السرعات (165/60 مقاس 14) و اقصد هنا 120 ك/س فيما فوق....
- الفرامل: التيل نوعه ردئ و بيعمل صوت صفاره مع الفرامل لكن ادائها جيد.....
- التوكيل : الحمد لله المشاكل اللي قابلتني فيها تم حلها داخل مركز الخدمه و تغيير ما لزم داخل المركز (غيرت حساس idle و TPS و تيل الفرامل) و ان شاء الله انا هعمل تقريرعن صيانه ال 15000 و هكتب تقرير عنها وللاسف ملحقتش اعمل الصيانه بسبب ظروف العمل...
السياره بصوره عامه افضل قيمه لسعرها و الصراحه هي سياره جيده جداً و على الصعيد الشخصي انا شايف انها افضل سياره زيرو في فئه 40 -50 الف جنيه و السياره ذات اعتماديه عاليه.....
وده تقرير ملخص عن السياره بعد 15200 كيلو متر....
يا رب أكون أفدت

**aboomar22** · 22-10-2011 09:12 PM

هى العربية دى لسه بتنزل ولا مش موجوده

**MOSHAKS** · 22-10-2011 11:22 PM

ربنا يكملهالك بخير ويكفيك شرها فى انتظار تقرير مفصل ولو امكن اسعار بعض قطع الغيار للسيارة لان فى ناس كتير عايزة تجيب السيارة بس متخوفة من موضوع الاعتمادية وقطع الغيار وياريت لو ترفع صور لينا نكون شاكرين

**elpasha1** · 22-10-2011 11:50 PM

ممكن صورة للعربية دى

**memos** · 23-10-2011 12:06 AM

الف مبرووووووووووك وعقبال 1000000ك وربنا يكفيك شرها

**lad** · 11-11-2011 11:47 PM

هيا بكام دلوقتى و ضمنها كام سنه و قطع الغيييييييييييييييييار اخبارها ايه و اجبها قسط منين ياريت لو حد يعرف يقول لأنى عاوز اجيب حاجه زيرو بس متكونش غاليه زهقت من المستعمل