الموضوع: انا اتجوزت تاني

المشاركة الأصلية كتبت بواسطة abdm

بص يا سيدى الموضوع بتاع تبقى ما مين فى الجنة ما عنديش أجابتة حاليا لكن هقولك موقف عظيم جدا ومش هيكرر تانى فى الدنيا لكن هو مشابة لسؤال حضرتك اللى بتسئلة عن أهل الجنة . تخيل أنت بتسأل عن سؤال للى هيحصل فى الجنة وتقريبا معترض وزعلان . ما بالك بأن الموقف دة حصل فى الدنيا بطيب خاطر بس مع ناس غير كل الناس علشان كدة مش هيتكرر فما بالك بالجنة وأهل الجنة المرضى عنهم من ذى العزة والجلال والآكرام أكيد ما فيش التفكير دة خالص .

شفت حضرتك موقف المهاجرين والانصار عندما هاجر المهاجرين الى المدينة ورحب بهم الآنصار أشد الترحيب والكرم والجود وقال الآنصار للمهاجرين والذى كان من المهاجرين سيدنا عبد الرحمن بن عوف أختار أى الزوجتين تريد فأطلقها لك وتتزوجها وأقتسموا معهم الديار وعرضوا عليهم الآموال .فقال سيدنا عبد الرحمن بن عوف بارك الله لك فى أزواجك وأموالك ولكن دلنى على السوق كى يتاجر ويبيع ويشترى . فأين نحن الآن من هذا الخلق ومن هذا الزمان . فكل هذا حدث فى الدنيا .فما بالك بالجنة .
اللهم أصلح لنا زوجاتنا وزوريتنا وأهدينا وأهديهم يا رب العالمين

هي فعلا حاجه مش هتتكرر لاني فعلا مستحيل اعمل كده
فلوس ماشي ياخدوها كلها لكن مراتي وعربيتي لا

المشاركة الأصلية كتبت بواسطة نور القمر

بغض النظر عن نظرتنا كنساء للزواج الثاني
دلوقت هو عايز يتجوز وماله حقه
وهي مش قابلة الوضع وراحت بيت اهلها وناشز
هي هتخلعه ده لو موافقش يطلق عادي بدون خلع وتتجوز تاني وحقها بردو
اهلها مش مسئولين عن الولاد ورافضين استضافتهم وده حقهم مفيش كلام
هو مش هايشتغل داده ووراه شغله يبقى قدامه حل من 2
يا يجيب داده تربيلو العيال يا يرميهم في الشارع او ملجأ
هو مش هايضحي عشان ولاده بسعادته الشخصية منجبرهاش هي كمان تضحي بحياتها وسعادتها عشان ولادهم اللي خلفوهم سوا
وبغض النظر عن مين السبب في فشل العلاقة الزجية اللي ادت لكل ده لان في النهاية الطرفين شركاء مهما حاول كل طرف يقنع نفسه والاخرين انه بدون اخطاء ولا عيوب وان الاسباب كلها من طرف واحد
المهم في النهاية الاطفال هم الضحية

شداد ممكن من فضلك متحلمش تاني :))

أسمحيلى حضرتك كبرتى الموضوع قوى وبقى متشعب قوى ودخل فى كذا دائرة .

أول دائرة أنة لو مش بيحب مراتة الآولى وفى بينهم مشاكل أهم حاجة ذى ما أنت قولتى الآولاد .فى الحالة دية يبقى بالآتفاق لو هى عايزاهم أهلا وسهلا ولو هو عايزهم يبقى أهلا وسهلا وممكن يبقوا يشوفوا الآولاد بالتراضى .
الكلام دة لو هو مش عايزها تبقى على زمتة ومش طايقها أو العيشة بينهم مستحيلة وطالما ما فيش حب يبقى علشان بردة مصلحة الآولاد يكونوا بين أبوهم وأمهم
لو هى مش بتفكر فى الطلاق وعايزة تربى الآولاد ممكن يجوز زوجة تانية ويصارح الزوجة الآولى أو ما يصرحاش حسب رد فعلها هيكون أية وممكن ما يعرفهاش خالص ويألف أى تأليفه يكون بيها برة البيت ويعيش حياتوا عادى جدا . والسبب فى عدم المصارحة هو علشان الآولاد يفضلوا يتربوا بين الآب والآم فى بيت الزوجية .

أما الزوجة الآولى لو مش عايزة الآولاد هو لازم يكون متفق مع الزوجة الجديدة على أن الآولاد هيعيشوا معاهم وهى اللى هتربيهم

الدائرة التانية : لو بيحب مراتوا الآولى وعايز يتجوز تانى وبردة فى أولاد وحاسس ذى ما أنت بتقولى أنها هترفض هذا الوضع وهو مش عايز يطلقها علشان بيحبها وعلشان الآولاد . ما فيش غير أنة يتجوز ذى ما هو عايز لو دية كانت رغبتة وبردة ما يقولهاش علشان الحياة تستمر والآولاد يتربوا بين أبوهم وأمهم

الموضوع كبير ومتشعب ولية حلول كتير كويسة ومن غير أى ضرر للأولاد لو الزوجة الآولى كويسة وبنت حلال وهو بيحبها . أما لو هى مش كويسة وصعبة العيشة ما بينهم يبقى الحلول جميعها مطروحة للتنفيذ

الخلاصة : اللى يقدر ويكون معاة المال والقدرة الجسدية والعقلية ويستطيع التعامل مع أكثر من زوجة بالعدل بينهم بقدر الآمكان فلا يوجد مانع من الشرع والدين . أهم شىء القدرة على كل ذلك

فوائد الزواج الثانى : هو زيادة الحب والألفة والمودة وزيادة القدرة الجسدية أيضا بين الزوج وزوجتة نتيجة للبعد بينهم من حين لآخر لآنة يبعد الملل ويزيد المحبة

اللهم أصلح لنا زوجاتنا وزوريتنا وأهدينا وأهديهم يا رب العالمين