أشتري أيه بالمبلغ ده

**harphosh** · 19-05-2008 01:30 PM

بيجو 305 أعتقد انها أفضل الخيارات المتاحة أمامك ومشكلة صيانتها بدأت تتحل نسبيا فيه ميكانيكية كثير أصبحوا بيشتغلوا فيها وقطع غيارها متوفره بس عالية نسبيا ، وده لا يمنع إن 128 خيار ممتاز واقتصادى بس طبعا البيجو بيجو

**HESHAM AMIN** · 19-05-2008 01:30 PM

بلاش الجولف 1 خالص
تقريبا مفيش قطع غيار
يعنى عفشة ومساعدين وصاج انسىىىىى
ولو لقيتها بتبقى ناررررر
تخيل فاعدة الموتور الاستعمال 150 جم

**sab3aawy** · 19-05-2008 01:37 PM

لو تقدر تقسط مبلغ زى 750 جم شهريا يبقى تقدر تجيب ماروتى او 128 جديدة

لو المبلغ ده كبير عليك يبقى عليك ب 128 مستعملة

**SEATLOVER** · 19-05-2008 01:47 PM

اصبر سوية وهات مازدا 323 موديلات 81 او 82 وهتلاقيها بتبتدى من 22 تقريباً

او اقسط ماروتى و اللى معاك هايخلى قسطها كويس

غير كدة و كل الباقى ..هايرجعك للمواصلات تانى

**sss** · 19-05-2008 01:58 PM

انا شايف ان 128 هتبقى افضل الخيارات لانها منتشرة بشكل اكبر بكتير و اعطالها مش صعبة و ممكن تشدها شدة محترمة "حين ميسرة" بمبلغ معقول
غير انها الافضل في سهولة و سعر اعادة البيع و في قطع الغيار و الصنايعية و الاهم ان اي عربية مهما كان و سعها بتاخد اربع ركاب مستريحين و بالكتير خمسة فلو جربتها و ارتحت في قعدتها دور على عربية نضيفة في حدود المبلغ اللي مع حضرتك او زيادة سنة

**ahmedsamir79** · 19-05-2008 02:03 PM

128 أحسن أختيار ممكن

**ams** · 19-05-2008 02:32 PM

305كانت عندنا و مكنتش بتسخن و فوق 120 بتبقى ريشه و بعناها عشان قطع غيارها
بتقل وبتغلى و كان الاوبشن الوحيد فيها انها كانت بتمشى
بس عمرها ما عملت الدنيئه الا مره واحده

المشاركة الأصلية كتبت بواسطة sab3aawy

لو تقدر تقسط مبلغ زى 750 جم شهريا يبقى تقدر تجيب ماروتى او 128 جديدة

لو المبلغ ده كبير عليك يبقى عليك ب 128 مستعملة

**د.أحمد سمير** · 19-05-2008 02:40 PM

ابعد عن البيجو أحسن ..
لسببين مرتبطين ببعض ..
إن قطع غيارها غالية ومش موجودة والميكانيكية اللي بيفهموا فيها قليلين ، وأغلبهم متركز في منطقة تدعى بيجام في شبرا الخيمة .
وده بيخلي نسبة الافتكاسات كتيرة قوى في إصلاحها علشان نحل مشكلة ياهتتكلف كتير يا مش مفهومة .
وحين تشتري السيارة ستشتريها بافتكاساتها العجيبة فلن تستطيع ولن يستطيع أي ميكانيكي فهم لوغاريتمات هذه السيارة وبالتالي هتشتكي من تكرار العيوب .. حتى تزهق فتقوم بفك كل شيء ومحاولة إعادته لأصله على نضيف فتدفع الشيء الفلاني ، وقد يقف القدر أمامك فتستمر سلسلة الافتكاسات من الميكانيكي بتاعك .

الخلاصة : الفيات 128 أفضل السيارات بالنسبة لك لسبب وجيه غير اللي اتفضل بيه الزملاء الأفاضل وقالوه ..
إنك تقدر تغير الميكانيكي بتاعك كل ساعة لو عايز ، وهتلاقي دايماً ميكانيكي فيات جنب بيتك أو شغلك وفي أي حتة . وهو ما لا يتوافر مع البيجو 305 إطلاقاً .
خصوصاً وإنك لسه جديد .. وستقضي عند الميكانيكية ردحاً لا بأس به من الزمن في البداية .. وكلنا ذقنا مرارة هذا الكأس .
تقبل خالص مودتي وربنا معاك

**الطنطاوي** · 19-05-2008 03:33 PM

جزى الله جميع من رد ونصح لي خيراً

فعلا أنا عايز أشكر واحد واحد بأسمه

--------------------------------------------
المشكلة عندي إن الماروتي صغيرة جداً عليه وكذلك 128 لاني طويل حبيتين
على العموم لو أي حد شاف عربية في حدود المبلغ ده ياريت يقولي
وجزاكم الله خيراً

**mina_ramsis** · 19-05-2008 04:03 PM

المشاركة الأصلية كتبت بواسطة qa_sa

أنت اللي باشا وربنا يسلمك من كل سوء
طيب لو أنا ركبت لها مؤشر حرارة اتوماتيك يعني المروحة تشتغل أول ما العربية تسخن. برده العيب ده بيكون موجود

ما اعتقدش علشان المروحة بتاعتها شغالة على الموتور يعنى شغالة طول ما الموتور داير و ده تهويته احسن

الموضوع: أشتري أيه بالمبلغ ده

LinkBack

أدوات الموضوع

عرض

-

-

-

-

المواضيع المتشابهه

طلب مساعده اشتري عربيه ايه بالمبلغ ده

أشتري نوع أية ومقاسة كام؟

أشتري ولا لأ

ساويرس يهدي ابوتريكة مليون جنيه.. واللاعب يتبرع بالمبلغ للجمعيات الخيرية

أشتري 318 الجديدة

الكلمات الدلالية لهذا الموضوع

المفضلات

المفضلات

ضوابط المشاركة