الموضوع: عرض بريدجستون للكاوتش والخدمات(خاص نايل موتورز)

المشاركة الأصلية كتبت بواسطة Islam_galal

لا يوجد نظام متبع حتي في الأماكن قيمة المظهر
- عرض نايل موتورز مش مفعل في الاسكندرية

طبعاً العرض لا غبار عليه
مشكورة إدارة المنتدى بصراحة على المجهودات اللي بتبذل في توفير العروض دي

الجملة المقتبسة من كلام إسلام جلال هي أول حاجة جت في بالي وانا طالع امبارح المغرب من بريدجستون اللي في جامع يحيى في اسكندرية

دخلت عشان كنت شاكك ان فيه فردة مريحة شوية
الولد اللي شغال هناك طلع كان فاكرني من أيام ما رحت له من 3 أسابيع أملا نيتروجين وانا لسة مستلم العربية

فحص الأربع عجلات وقاللي ان كلهم تمام من غير ما يزود أي واحدة منهم حاجة
فاباقول له الحساب كام
قاللي اللي تدفعه
انا مكرهش في حياتي غير كلمة اللي تدفعه دي
من هنا لهنا وقصاد تصميمه إنه ميقولش، ولأن واضح ان اللي هادفعه ده هايدخل جيبه الشخصي لأني مش هاخد ايصال ولا حاجة مبقتش عارف اديله ايه
رحت مديله 2 جنيه على أساس إنه معملش أي حاجة غير انه شاف الضغط
راح قالبهم في ايده وضاحك بسخرية وقاللي طب مااااااااشي
حسسني إني مش رايح أعمل خدمة في شركة محترمة
لا كإني واقف عند بتاع كاوتش على جنب الطريق الصحراوي
انا أصلاً معنديش مانع أدفع إنشالله أضعاف اللي دفعته بس أخد ايصال
مش نظام اللي تدفعه ده
المهم بعد ما اخدت بعضي ومشيت قعدت الوم نفسي إني مدخلتش اشتكيته جوة في الفرع
ياللا خير
الجايات أكتر من الرايحات