سيارات السياحه !

**mohamed_hamdi** · 23-11-2011 09:41 AM

أنا حزين جداً ان مافيش رد واحد على صاحب الموضوع مع احترامي ليه رد و قاله انه بيفكر إزاري يتحايل على القانون و على الجمارك و بلده و نسي ان ربنا مطلع على التحايل ده. بالتأكيد الجمارك ببالغ جداً لدرجة السرقة في السيارات فوق 2000 سي سي و اللي لتوصل ل 250 ٪ من ثمن العربية و لكن ده نظام بلدك لو مش عجبك اركب على قدك و خلاص بس لا تتحايل على القانون. امشي عدل يحتار عدوك فيك.
الحاجة التانية ان أكيد اللي هايجيب فئة كبيرة زي ال x6 مثلا معاه على الاقل 400000 جنيه ممكن يجيب بيهم حاجة محترمة جداً و مرخصة طبيعي و بدون تحايل على القانون و الأهم من كل ده ضميره مرتاح.

خالص احترامي للجميع.

**Evo** · 24-11-2011 12:49 AM

لو عاوز تتكلم عن الحق والحرام والحلال الجمارك حرام أساسا واسمها في الاسلام المكوس
تاني حاجة نص البلد راكبة عربية نصين وسياحه وتهريب ليبيا وجمارك برة مدة السماح
وهيئه دبلوماسيه

لما يكون عربيه تمنها برة 200 ألف في مصر بمليون ده حلال ولا حرام ؟!

**محمد عز** · 24-11-2011 05:52 AM

حقيقى هتركب العربية من غير جمارك ولكن :

سائق السيارة لازم تكون رخصته اولى او تانية (مهنية) لان نمر العربية سياحة.

طول ما انت ماشى بالعربية لازم يكون معاك حاجة اسمها (امر شغل) وده بيتكتب فيه العربية جاية منين ورايحة فين بصفة يومية.

موظفى او مفتشى الجمارك لو لاقوا فيها مصريين ممكن يقول ان العربية شغالة مواصلات وممكن يحجز العربية لحد دفع الجمارك وتغيير النمر.(حالة نادرة بس خلى بالك منها).

مش عارف الكلام ايه مدى صحته

لكن انا اجرت اكتر من مرة عربيات وكانت بنمر سياحة من سيكست ويورب كار

ومكنش فيه اى مشكلة ورخصتى رخصة خاصة ووقفت فى كماين كتير جدا وسافرت بيها شرم الشيخ

ومحصلش اى مشكلة