الموضوع: صراصير ... صراصير ..... صراصيييييير

المشاركة الأصلية كتبت بواسطة totaa

هو الموضوع مؤرف 3 شوياااااااات لكن مهم بجد

لكن هنا فى دبي فيه اختراع مذهل مجرد بس 3 ايام وتنسى شكل
الأخوة الأعداء خااااااااالص بس انا مش عارفة موجود بمصر أو لا
هو جل فرنساوي مخصوص لكدة
يعنى بتكلم اى شركة بتيجي تأمن البيت كله بالجل ده فى نص ساعة من غير
لا تشيل حاجة ولاتحط ..وكمان لا له ريحة ولا اى حاجة بيتحط فى كل ركن وكل فتحة
وبكل زاوية فى البيت على شكل نقط حجم النقطة قد النملة والله
اتمنى تدوروا بجد على الجل الفرنساوي ده بمصر لأنه حل جذري
وبيقعد معاك سنتين كاملين من غير ما تلمح اى حشرة حتى لو النملة المجتهدة دي
هههههههههههههههههه
وبطل يا شنورى الصور دي انا آخر مرة شوفتهم كان فى الكلية ايام التشريح
الله لا يرجعها اياااااااااااااااااااام

توتااااااااا

خلاص حنبعتلك صراصيرنا تحطيلهم الجيل ده وابعتيهم تاني
عاوز شويه منهم سبايك وشويه مضفرين

المشاركة الأصلية كتبت بواسطة totaa

دا على أساس إيه بقى يا عم شنوري؟؟ إنـــــــــه جل للشعر ولا إيه؟
والله أنا شاركت في الموضوع من باب الدال على الخير كفاعله ..ده أولا
وتانى حاجة مش عيب إن الواحد يكون مش عارف حاجة عن المنتج ده..ده ثانيا
ثالثا...دا منتج فعلا فرنساااااوي ومشهور ومستخدم بقاله فترة كبيرة وفعاااااااال جدا وأكيد لو المهتمين بالموضوع سألوا عنه هيلاقوه في مصر بس ممكن بسعر شوية غالي
رابعا..من إمتى بنتريق على بعض بالشكل ده.؟!!!!!!

ــــــــــــــــــــــ توتااااااااـــــــــــــ

اولا شكرا لكل الناس اللي وضحوا وجهه نظري
ثانيا انا مش عم بس عادي برضه مش اشكال
رابعا : لو حضرتك زعلتي من الهزار فحقك علي راسي
انا بعامل الناس هنا علي انهم اخواتي بس يظهر اني غلطان

امبارح اكتشفت ان مصدر القلة المندسة من الصراصير تخيلو فييين
في غسالة الاطباق .... بين جسم الغسالة الخارجي والاطار الاستانلس الداخلي
روحت جايب العدة
وفاكك البطانة الاستانسل اللي بداخل الباب وطبعا هما كانو مش متوقعين الحركة الجريئة دي
وكنت محضر علبة كيروكس ومركب انبوبة الرش الطويلة دي وقمت مغرق الفتحات اللي ف الغسالة بالكيروكس ..... طبعا انا متوقع رد عنيف منهم .... مثلا عملية تمشيط و قصف طيران ..... اعتقالات ..... ربنا يستر
....
وسيبتها طول الليل والنور منور ف المطبخ عشان احرمهم من نعمة النوم الهانئ ورشيت كمان الاماكن التي يتوقع ان تكون ملاذ آمن لهم .... والمتمثلة في المنطقة اسفل الحوض و جنوب التفريعة بتاعت صرف الحوض .... وشمال شرق السخان ....
....
وطبعا المدام زمانها غسلت الغسالة وشغلتها ع الفاضي بمياة ساخنة
انا كنت باقول ان الغسالة دي بتشتغل دايما بمية سخنة .... وكنت مستبعد تماما انهم يكونو فيها
لكن برضو الاهمال .... وجود بقايا الطعام في الغسالة احيانا جذبهم اليها .... واعتبروها حمام ساونا جميل ممكن يكون منعش ومجدد للنشاط
لما نشوف آخرتها معاهم
اذا كنت بأقدر على الواد ابراهيم اللمض العفريت .... يبقى مش ح أقدر على شوية صراصير .... هأو .... يبقو ماسمعوش عن الحاج احمد بقى