مفاجاه تنظيف بوابه ومانيفولد الياريس بالصور !!!!!!!!!!!!!

**asemx1** · 27-10-2011 12:45 PM

المشاركة الأصلية كتبت بواسطة avatar

ماشاء الله موهبة هايلة ايه الشغل العالي ده انا متاكد ان التوكيل مبيتعبش نفسه ويعمل كده..حضرتك لازم تفتح مركز خدمة والناس تيجي لك تعمل الاعمال الفنية الدقيقة دي وعجبني جدا عزل الياريس وعزل مواسير التكييف انا متابعك من فترة .وحبيت الياريس جدا .
لي سؤال هل ممكن انظف كربراتير كورولا 1300-2e 1993 بالاسبراي ده بدون ما افك الكربراتير يعني كبيري اللي اقدر عليه اقدر افك العمة وفلتر الهواء وكاس منظف الهواء واوصل لرأس الكرابراتير من فوق ..ارجو الافادة .
أرجو ان تشرح لي دورة تبريد موتور الكورولا دي ودور غطاء الردياتير (اللي فهمته من مشاركة سابقة ان المياه بتسحب من القربة الي الردياتير ومنه الي الموتور وعندما تسخن المياه لدرجة الغليان ويزيد الضغط يضغط علي ابلف الغطاء والسوسته التي فوقه فيرتفغ قاعدة الغطاء الداخليه وتخرج المياه من فتحة اعلي عنق الرادياتير تحت الغطاء متصلة بخرطوم الي القربة وهكذا )لان عندي المياه تنقص وتسخن والمروحة تشتغل بدري وتبرد الموتور سريعا وهكذا في حركات متتاليه رغم عدم وجود تسريب.. عموما لازم تكشف عند رادياتير ويضغط دورة المياه ويتأكد من سلامة كل شئ)
وبالتوفيق

ربنا يخليك على زوقك وكلامك المشجع انا بس باذن الله بمجرد يتوافر راس مال كويسه هفتح مركز خدمه وان شاء الله وربنا يقدرنى كمان بحب جدا اخدم الناس بدون مقابل لان الدعاء اهم شىء عندى انا من النوع الى بيبص للاخره مش الدنيا

..... بالنسبه لتنظيف الكربراتير فدا بصراحه منتج كويس اوى للتنظيف وعادى ممكن وهوا راكب بس دور العربيه ونضف واكبس بنزين علشان يتسحب لجوه ويشد الوساخه

.... اما لدوره التبريد فبازن الله هبقى انزل شرح لدروه التبريد وكمان صيانته بازن الله

واتمنى من الاعضاء كلهم انهم يكلمونى لو فى اى استفسارات او مشاكل او حتى وانتا رايح للميكانيكى او العفشجى وحاسس بحاجه فى العربيه يكلمنى اقوله يعمل ايه علشان انتا عارف ان اى حد من الصنايعيه دول ممكن يعملك البحر طحينه

تحياتى لك ....

**asemx1** · 27-10-2011 12:47 PM

المشاركة الأصلية كتبت بواسطة bloody_stone

لا لا لا ده كده كتير اوي والله ده انا على كده مش بعمل صيانة للعربية خااااااااالص

والله يا حبى لو تخطف رجلك وتيجى المنصوره اعملك كل الكلام دا بدون مقابل انتا عارف انا مش بعمل الحاجات دى للناس بدون مقابل ونقضى اليوم مع بعض انا ماعنديش اى مانع خالص

.... تحياتى لك

**asemx1** · 27-10-2011 12:48 PM

المشاركة الأصلية كتبت بواسطة alaa99991111

مشكوووووور والله يعطيك الف عافيه

ربنا يخليك نتمنى منكم الدعاء غيبا .... تحياتى لك

**asemx1** · 27-10-2011 12:59 PM

بس انا حاسس ان الناس مش مهتميه اوى بالموضوع دا

لو كنت قولت فى التوبك مفاجاه وفر بنزينه او جدد ماتورك بنفسك وببلاش او اى حاجه فيها توفير كان ملايين دخلوا هنا هههههههههههههههه

**swimmer25** · 27-10-2011 01:32 PM

المشاركة الأصلية كتبت بواسطة asemx1

بس انا حاسس ان الناس مش مهتميه اوى بالموضوع دا

لو كنت قولت فى التوبك مفاجاه وفر بنزينه او جدد ماتورك بنفسك وببلاش او اى حاجه فيها توفير كان ملايين دخلوا هنا هههههههههههههههه

بالعكس يا باشا توبيك مهم جدا...أنا بس شايف ان قسم التويوتا نايم أوي غير قسم الدايو مثلا عندنا..هناك أي موضوع يتفتح تلاقي مليون واحد بيرد لدرجة إني رحت قسم دايو لما كان عندي مشكلة في التكييف عشان طارق باشا هناك عنده خبرة في المجال ده

علي فكرة انا شفت موضوع مشابه علي منتدي اجنبي.....بس مكنش طبعا بالتفصيل ده وكان اعتقد موديل قديم لان كان فيه حساس ايدل وحتي كمان مفكش البوابة تمام من علي المنافولد ورش بس المنظف من برا دخله جوا الموتور وطبعا اتحرق لما شغل العربية

**newcar2011** · 27-10-2011 02:09 PM

دة انا حبيت التويوتا بسببك

**asemx1** · 27-10-2011 02:31 PM

المشاركة الأصلية كتبت بواسطة newcar2011

دة انا حبيت التويوتا بسببك

ههههههههههه وفى حد مابيحبش التويوتا يا راجل

بس بصراحه تعليق مشجع اوى

**Mohamed.Mohsen** · 27-10-2011 02:59 PM

المشاركة الأصلية كتبت بواسطة asemx1

ربنا يخليك على زوقك وكلامك المشجع انا بس بازن الله بمجرد يتوافر راس مال كويسه هفتح مركز خدمه وان شاء الله وربنا يقدرنى كمان بحب جدا اخدم الناس بدون مقابل لان الدعاء اهم شىء عندى انا من النوع الى بيبص للاخره مش الدنيا :oc_sun1[1]:

..... بالنسبه لتنظيف الكربراتير فدا بصراحه منتج كويس اوى للتنظيف وعادى ممكن وهوا راكب بس دور العربيه ونضف واكبس بنزين علشان يتسحب لجوه ويشد الوساخه

.... اما لدوره التبريد فبازن الله هبقى انزل شرح لدروه التبريد وكمان صيانته بازن الله

واتمنى من الاعضاء كلهم انهم يكلمونى لو فى اى استفسارات او مشاكل او حتى وانتا رايح للميكانيكى او العفشجى وحاسس بحاجه فى العربيه يكلمنى اقوله يعمل ايه علشان انتا عارف ان اى حد من الصنايعيه دول ممكن يعملك البحر طحينه

تحياتى لك ....

ربنا يكرمك بقدر روحك وأخلاقك العالية ويعطيك من فضله وتفتح أحسن مركز خدمة ونكون كلنا اصدقاءك وعملاءك كمان انت تستاهل كل خير ..
بالنسبة لتنظيف الكربراتير زي مافهمت الخطوات 1-افك العمة واشيل الفلتر وباقي انبوية ووكاس الهواء وابقي شايف راس اكربراتير
2-أدور الموتور 3-ارش الاسبراي وازود بنزين
صح كده ياباشمهندس أرجو التوضيح
وشكرا مقدما علي شرح دورة التبريد دي فايدة عظيمة للاعضاء تخيل انا بركب عربيات من سنين طويلة ولسة فاهم الدورة دي من كام يوم بس ..اذا كنت شرحتها باختصار مضبوط..
بالتوفيق ..