مفاجاه تنظيف بوابه ومانيفولد الياريس بالصور !!!!!!!!!!!!!

**asemx1** · 26-10-2011 06:37 PM

بسم الله الرحمن الرحيم

النهارده قولت اعمل مفاجاه لاصحاب الياريس والكورولا كمان واوريكم طريقه تنظيف البوابه والمانيفولد بنفسك بطريقه سهله ومبسطه وربنا يساعدنى واعملكم موضوع حلو

وطبعا كل الى عايزه فى المقابل الدعاء سرا

اولا الموضوع مش منقول ولا حاجه ومش موجود على اى منتدى او حتى على النت :D يبقى دا انفراد خاص بيا هههههههه مغرور اوى مش كدا

فحقوق الملكيه للمهندس عاصم جاد هههههههههههههه لمو اخزه يعنى

نبتدى بقى .............
اولا : الادوات المستخدمه
1-مفتاح 10 ( بيبه 10 ) بالبلدى ب 2.5 جنيه

2-مفتاح اوتوماتك بلقمه 10 (دا بتاع والدى اساسا فمش عارف سعره )

3- منظف بوابات ومانيفولد ودا الى لقيته فى بنزينه وصناعته امريكى وبصراحه بينضف وتمنه 35 جنيه

4- منظف akai جاف لتنظيف السينسورات ب 7.5 جنيه وليه بدائل كتير ممكن تلاقوها

ثانيا : الاجراءات الى لازم تاخدها فى اعتبارك قبل ما تشتغل
1- الماتور يكون بارد جدا
2- يبقى معاك صواميل بورده مقاس 10 علشان لو صاموله باظت
3- النظافه التامه فى الشغل
4- ممنوع اصطحاب الاطفال الاقل من 18 سنه
5- صلى ركعتين قبل الشغل علشان لو حاجه باظت او صاموله باظت هتعيط هههههههه

ثالثا : نبتدى بقى نفك

1- نفك الفلتر زى ما كلنا عارفين نفكه ونطلعه بره خالص

2- فك الكابل دا من سنسور الهواء وفك تثبيته كمان من مجرى الهواء

3- فك الخراطيم دى كلها

4- استخدم البيبه ال 10 علشان تفك الكوع بتاع الهواء وتفك بيه الافيز دا

5- فك السنسور دا بانك بتشده فى اتجاهك ( بيتحط حشر )

6- فك خراطيم السنسور كلها
7- كدا الكوع بقى فكه سهل شيله بقى من مكانه

8- فك قعده الفلتر الهواء بالمفتاح الاوتوماتيك 10

9- نيجى بقى للمهمه الصعبه فك الكابل بتاع البوابه

10- دى اصعب بقى هتفك الخرطوم بتاع الميه وماتقلقش الميه مش هتقع ولا حاجه خلى الخرطوم اتجاهه لفوق بس باستخدام البيبه ال 10

11- فك الخراطيم الميه الصغيره دى باستخدام البنسه

12- فك كل الصواميل زى الى فى الصور وبكدا يكون الفكينا البوابه

للمتابعه فى المشاركه التاليه ................

**asemx1** · 26-10-2011 06:39 PM

تابع ...................

13- ادى بقى شكل البوابه شوفوا متوسخه ازاى وعليها زيت

شيل برضو الفلتر السلك دا وخلى بالك هوا بكاوتش كمان

دا شكل الغرفه بتاعت المحرك بعد الفك

14- اعمل بقى زى الى فى الصور من تنظيف وتركيب
دا تنظيف المانيفولد

بعد التنظيف

نيجى بقى على تنظيف البوابه

احم

اما ننضف بقى سنسور الهواء

وسنسور الفاكيم

ودا مكان سنسور الهواء

بعد تنضيف البوابه

بسم الله ماشاء الله بتلمع

وطبعا نركب بقى الحاجات بعكس الصور بالظبط
واخيرا
15- فك البطاريه لمده 30 ثانيه ووصلها تانى علشان تمسح اى كود ايرور

ودور بقى يا معلم

النتيجه

هدوء ونعومه فى الماتور زى ما كان زيرو

تحياتى لكم ............
م/ عاصم جاد

**asemx1** · 26-10-2011 07:18 PM

صحراء جرداء لا اهل بها ولا ماء :d

**smsmsmsm1983** · 26-10-2011 07:29 PM

و الله انت رائع و ربنا يجزيك خيرا

**asemx1** · 26-10-2011 07:39 PM

المشاركة الأصلية كتبت بواسطة smsmsmsm1983

و الله انت رائع و ربنا يجزيك خيرا

ربنا يخليك دا من زوقك

**swimmer25** · 26-10-2011 07:50 PM

الله ينور عليك يا باشا ... شغل عالي أوي تسلم إيدك
بس واضح ان الموضوع متعب اوي.. شكلي هصرف نظر ولا ايه

**Mohamed.Mohsen** · 27-10-2011 12:21 PM

ماشاء الله موهبة هايلة ايه الشغل العالي ده انا متاكد ان التوكيل مبيتعبش نفسه ويعمل كده..حضرتك لازم تفتح مركز خدمة والناس تيجي لك تعمل الاعمال الفنية الدقيقة دي وعجبني جدا عزل الياريس وعزل مواسير التكييف انا متابعك من فترة .وحبيت الياريس جدا .
لي سؤال هل ممكن انظف كربراتير كورولا 1300-2e 1993 بالاسبراي ده بدون ما افك الكربراتير يعني كبيري اللي اقدر عليه اقدر افك العمة وفلتر الهواء وكاس منظف الهواء واوصل لرأس الكرابراتير من فوق ..ارجو الافادة .
أرجو ان تشرح لي دورة تبريد موتور الكورولا دي ودور غطاء الردياتير (اللي فهمته من مشاركة سابقة ان المياه بتسحب من القربة الي الردياتير ومنه الي الموتور وعندما تسخن المياه لدرجة الغليان ويزيد الضغط يضغط علي ابلف الغطاء والسوسته التي فوقه فيرتفغ قاعدة الغطاء الداخليه وتخرج المياه من فتحة اعلي عنق الرادياتير تحت الغطاء متصلة بخرطوم الي القربة وهكذا )لان عندي المياه تنقص وتسخن والمروحة تشتغل بدري وتبرد الموتور سريعا وهكذا في حركات متتاليه رغم عدم وجود تسريب.. عموما لازم تكشف عند رادياتير ويضغط دورة المياه ويتأكد من سلامة كل شئ)
وبالتوفيق