انا امبارح لقيت حرامى عربيات على كوبرى مايو ومعرفتش اعمل حاجه

**Ashraf_Ashraf** · 27-10-2011 05:17 PM

بالمختصر الساعه 6.3 كنت على كوبرى مايو فى اتجاهى لمنزل الزمالك الدنيا كانت زحمه مووووووت
ببص جنبى لقيت عربيه نوبيرا ستيش لونها اسود راكبها 3 شكلهم ارهابيين بجد اللى لفت نظرى للعربيه انها عليها لوحه مكتوبه باليد ملاكى فيوم ومعلهاش اى دمغ للرقم وكمان شكل اللى بيسوق استحاله من سواقته انه عرف يجى بيها من الفيوم اصلا او بيعرف يسوق كان نفسى اوقفه وحد يجى معايا نمسكه بس طبعا الناس هتجرى واكيد هو هيضرب باى طبنجه ولا اى شئ فقلت اشوف اى ظباط ولا امين شرطه بلاسلكى اقوله يلحقوا يقفوه ويتاكدوا منه مالقيتش الا فى منزل ابو العلا قلت لامين الشرطه قالى طيب ورجع ورا وسابنى والله اعلم بقى بلغ مبلغش معرفش كان استحاله اعرف اركن فى اى حته من الزحمه
مش عارف انا رغم انى حاولت لكن ضميرى والله بيألمنى ان مش مسكت فيه بس ماباليد حيله

**engaass** · 27-10-2011 05:43 PM

ما لا يدرك كله لا يترك كله
المهم انك مكنتش سلبى ومشيت وخلاص

**graffittiii** · 27-10-2011 09:04 PM

((..من رأي منكم منكرا ..... إلي أخر الحديث ... فإن لم يستطع ف بقلبه ))

وبما إنك كنت لوحدك مفيش حاجة تتعمل ... علشان تتدخل لازم يكون معاك وحوش ف العربية ... إنما لوحدك علي 3 غالبا بلطجية مافيش فرصة ...

**minicooper20** · 28-10-2011 04:43 AM

نغسى نرجع نساعد بعض تانى
موقف ممتاز

**SYD** · 28-10-2011 04:50 AM

اعتقد انت كدة عملت الي عليك

والله المستعان
،
،

**mailo** · 28-10-2011 02:16 PM

إثم

**newcar2011** · 28-10-2011 02:23 PM

يا سيدى فيه ناس بيكون شكلها حراميه وهمه مش حراميه دة الميكانيكى بتاعى شكله قتال قتله ومجرم وقلبه قلب خصايه

**mohamed_selim** · 28-10-2011 02:41 PM

بالظبط كده ... ممكن حضرتك تطلب تغيير عنوان الموضوع لأنه غلط ... حضرتك شفت حاجه و من مجرد الشكل قلت انهم حراميه و ده مش مظبوط ...

**prisoner** · 29-10-2011 09:39 AM

قلبلتنى نفس المشكلة بس اللى هما بيسرقوا الناس اللى زجاج عربيتها مفتوح واحد يلبخ من ناحية والثانى يقلب من ناحية تانية بس للاسف لما بيكونوا اكتر من شخص ممكن ياذوا اى حد لانهم وللاسف الشديد برضوا عارفين ان الناس شايلة منهم جامد وان اى حد يتمسك منهم هايموت من الضرب فهما عندهم استعداد يموتوا اى شخص يعترض طريقهم انما لو شخص واحد اعتقد سهل جدا التاعامل معاه والله حصل وشفت اثنين وقعدت اراقبهم وكان فى عربية ورايا حس بقلق من ناحيتهم قفل الزجاج بتاعه على طول وحاولت انزل بس كان المدام هاتنهار وكانت خايفة علشان كانوا معايا الاولاد وكنت مضايق جدا انى مقدرتش اعمل حاجة ربنا يسترها علينا وفعلا ياريت نساعد بعض ونتطاتف للقضاء على الظواهر الغريبة دى