عربيتى
شاهين موديل 2004
أنا كنت مجدد العفشة الأمامية بالكامل من 10 شهور
مساعدين قدام جداد مونرو
اسكاترا جديدة ألمانى
مقصات جديدة تركى
2 ياي أماميين ايطالى
بطاحتين جداد
وكنت بشترى أغلى وأنظف المكونات
كان فيه بعض المكونات حالتها نص نص
والعفشجى قالى ممكن تمشى
قولتله غير بالمرة
علشان اريح دماغى
العفشة كلفتنى حوالى 1500 جنيه

من كام يوم ببص على البطاحات لاقيت فيها شروخ دائرية بسيطه
روحت للعفشجى قالى عاوزين يتغيروا
لو سيبتهم ممكن يبوظولك الكابوت

انا سواقتى هاديه مش من النوع العنيف ومش من النوع اللى بيجرى
وبسوق بهدوء اكثر على المطبات والأرض غير الممهده

كنت متخيل انى مش هبص على العفشه تانى الا بعد 5 سنوات على الأقل

دلوقتى عدى 10 شهور والبطاحات باظت



ياترى البطاحات باظت بسرعه كده ليها ؟
حد اشترى بطاحات للشاهين قريب
يعرف سعرها كام ؟
أنا مش فاكر اللى عندى كانوا بكام وصناعتهم ايه
بس اللى فاكره ان كل حاجه كنت بجيب اغلى المكونات
 ومين النوع الأفضل المعمر الإيطالى ولا التركى ولا كله زبالة؟
تنصحونى بإيه ؟