الموضوع: العربية اللى حيلتى باظت

السلام عليكم و رحمة الله وبركاته
اولا: الحمد لله على كل حال - اما بعد فقد تعرضت لموقف لا الوم فيه احد بقدر ما الوم فيه نفسى و ان كانت هى ديه ارادة ربنا فالله المستعان .
ثانيا : عربيتى ( لادا 2105 موديل 94 موتور 1200 سى سى ) لمبة الزيت نورت وانا ماشى وبمجرد لما رايتها توقفت فورا بالعربية و اطفات المحرك و تركته يهدا لمدة 5 دقائق و بعدها نزلت كشفت على الزيت ووجدت المقياس مظبوط و ان الزيت فعليا عند العلامة العليا ! و اندهشت لانى مغير زيت من اسبوع فى فى محطة امارات مصر و بقالى معهم سنة بغير نفس نوع الزيت المهم شكيت ان اللزوجة تكون خفت او حاجة من هذا القبيل و كان امامى بنزينة تعاون على بعد 50 متر المهم دخلت البنزينة وغيرت الزيت بزيت اثقل خاص بالمواتير القديمة نصحنى بيه العامل و بعد تغيير الزيت ظلت لمبة الزيت منورة !و لما سئلت العامل اخبرنى ان مقياس الزيت مظبوط على العلامة العليا فعلا وعمل قياس مرة اخرى امامى للتاكيد ولما اخبرته على موضوع لمبة الزيت اخبرنى ان احتمال اكون خدت مطب جامد وفعلا ده حصل فتكون لمبة الزيت لمست و فعلا موتور العربية صوته مظبوط والحرارة مشى زيادة ولا حاجة وبالفعل مشيت من البنزينة وبعد حوالى 1كم العربية توقفت تماما عن الحركة و اتصلت بالميكانيكى ولما شاف العربية وحكيتله اللى حصل قالى عشق العربية على الرابع و حاول تزق معى العربية قدام ووراء وبالفعل العربية لم تتحرك و اخبرنى ان الموتور قفش فاخبرته ان العربية فيها زيت فاخبرنى ان طلمبة الزيت هى التى قطعت وبالتالى و جود الزيت ليس له فائدة المهم سحبنا العربية على الورشة وتم فك الموتور و اكتشفنا ان الموتور اول مرة يتفك لانه موتور الفبريكة و كان الاختيار كالاتى ( عمرة كاملة - او موتور استيراد ) مبدئيا التكلفة متساوية تقريبا و انا اخترت انى اعمل عمرة كاملة لكن لى بعض الاسئلة :-
[gdwl] [/gdwl][gdwl][/gdwl][gdwl][/gdwl][gdwl]
1- ماهى قطع الغيار التى سيتم تبديلها فى هذه العمرة ؟
2- ماهى افضل الانواع لكل قطعة غيار ان امكن واماكن تواجدها ؟
3- ماهى الاسعار لكل قطعة غيار ؟
4 - ماهى الحاجات التى يجب مراعاتها اثناء عمل العمرة وكذلك بعدها لضمان نجاح العمرة ؟
[/gdwl]اعتذار عن سرد الموضوع بهذا الشكل و لكن ربنا يعلم حالتى النفسية خاصة انى بسوق عربيات و انا عندى 9 سنوات لم يحدث مثل هذا الموقف لى تماما - ووجدت فى هذا المكان متنفس لى ولجميع الزملاء والاخوة بالمنتدى و اشكر كل من سوف يساهم بالرد وتخفيف الصدمة عنى مقدما على وقتهم و ذوقهم العالى و جزاهم الله خيرا .