المشاركة الأصلية كتبت بواسطة walidadel
ياباشا مبروك علي الصيانه السريعه و الفلتر الجامد و منظف الانجكشن الاجمد
بس معلومه كده هاقولها علي السريع و هيا انك عامل 3 تغيرات في العربيه فمش هاتقدر تحكم النتيجه دي من انهي تغير فيهم
بس هاقولك علي حاجه حصلتلي بقي لما احمد جابلي المنظف و حطيته و تصادف اني كنت حاطط شيل 5000 في المكنه المهم كانت العربيه زي الفل علي سرعه و صوت المكنه اهدي بكتيييير عن زمان و السحب فرق و الحمد لله و حتة النقلات اللي انت فكرتني بيها دي و كانت الحياه حلاوه خالص
و شائت الاقدار اني احط زيت موبيل تاني ال 5000 الغتت ده بس العبوه الجديده
و شائت الاقدار بردوا ان لاتغير في اداء العربيه ولا حتي الصوت المزعج وانا قافل الكاسيت و مشغل التكييف علي سرعات عاليه و المكنه كان صوتها ظريف و السحب عال العال و حتي علي ار بي ام عالي كان نفس الشئ مع ان قبل المنظف و مع نفس الزيت كانت الحياه مش ظريفه و المكنه كان فيها اهتزازات غريبه و كنت بحس ان الكابوت مره واحده هايفتح و هتلاقي انفجار في الحوض و المكنه طالعه تجري مني و ده وان دل فيدل علي ان موضوع الصوت ده انه بقي اهدي من المنظف مش من الزيت خالص ....... و لك حرية القرار جناب الدووووك :36_2_46[1]: