الله يبارك فيك يا سونا متشكر خالص يا جميل
تقرير مفصل وجميل يا بيشوي
بس متعرفش منظف الانجكشن بيتحط كل أد إيه؟
هو الفلتر k&n بيتباع فين وشكرا
الف مبروك ياباشا
فلتر k&n بيتباع فى اماكن كثيرة فى مصر الجديدة وفى الحرفين
بس انا جبته لبيشوى من محل tps grage فى الحرفين .. لانه معتمد وبيجيب الحاجات دى من الوكيل المعتمد
والمحل ده مخصوص بالتعديلات .. ومشهور على النت عناوينه وارقامه
اما منظف الانجكشن .. ينصح ان استخدامه ميكنش كتير .. على الاقل كل 30 الف كيلو تستخدمه
وهو المانى
والموزعين اللى بيوزعوه الشركة المصرية الالمانية فى مساكن الشيراتون مربع الوزارء عند الاكاديمية البحرية
01224961111
وده كتبت عنوانه ورقم تليفونه لانهم معلنين عندنا فى المنتدى
تحياتى منسق القسم
تقرير ممتاز يا بيشوى و ربنا يكرمك علي الافادة
تقرير جميل يا بشوي متشكرين على الافادة ومشاركتنا المعلومات دي
بس اهم حاجة تقييم الزيت محتاجين نعرف عامل اي معاك
تعيش يا ايهاب متشكر خالص يا جميل ..
بالنسبة للمنظف احمد قال انه ممكن يتحط كل 30000 كيلو و علي فكرة يا ايهاب بيفرق اوي بجد مع العربية
احمد تي في قال في مشاركته الاخيره علي العنوان و اي خدمة
الله يبارك فيك يا باشا متشكر خالص
متشكر خالص يا محمد علي مرورك الكريم
متشكر يا اسامه خالص علي مرورك الكريم و بالنسبه للزيت حاسس ان الموتور بقي انعم كتير علي الطريق السريعة و ده اللي لاحظته لغاية دلوقتي و النعومة برضه بتبقي جميلة في علو rpm
سؤال يا بيشوى باشا هو الزيت اللى حطيته من فالفولين هو اللى صورته فوق ده يعنى 5w30 ؟
وياترى ده اختيارك ولا اختيارهم فى فالفولين لما قولتلهم عن نوع عربيتك ؟
لأنى فى مشاركة فى موضوعهم رشحولى SynPower SAE 5w40 وسعره 270 ج لل4 لتر وتغييره كل 15000 كم
وبعد الفحص والتمحيص فى الفرق بين الاتنين واكيد فيه فرق لقيت الاتى من واقع كتاب الصيانات الدورية للصنى n16 اللى كان اخونا احمد fbi بعتلى اللينك بتاعه:
SAE Viscosity Number
GASOLINE ENGINE
For warm and cold areas: 10W-30 is preferable for ambient
temperature above −20°C (−4°F).
For hot areas: 20W-40 and 20W-50 are suitable
وده رسم توضيحى يبين الفروقات بين الرموز من حيث درجة الحرارة الخارجية لجو التشغيل
[IMG=http://img21.imageshack.us/img21/2271/oilviscosity.jpg][/IMG]
السؤال بقى هل فيه ضرر من استعماله لو خالفنا التوصيات المنصوص عليها فى مانيوال العربية وزى ما مكتوب ان ال5w30 اخره 15 درجة مئوية حرارة طقس ؟!!!
بص يا جميل .. انا في الحاجات ديه بالذات لازم بكون مركز جدا فيها لأنها ميكانيكا العربية ..
فعلا الزيت اللي في الصورة هو ده اللي حطيته في العربية 5W30
و لما دخلت موقع فالفولين العالمي كتبوا لي نفس الاختيار 5W30
و لما اتصلت بيهم في الشركة برده قالولي 5W30
و الحاجة الاخيرة المؤكدة و ديه هتضرب اللي فات كله هو الموسوس العسل بتاعنا FBIAHMED
كان عامل موضوع حلو بس عن التيدا بس اعتقد مش هتفرق كتير عن الصني بتاعتنا خصوصا انها في نفس الاجواء المصرية و مكتوب برده 5W30
و الموضوع بتاع احمد معاك اهوه بس كان للتيدا :
http://www.nilemotors.net/Nile/249481-a.html