الموضوع: حاجز جين 2 من الغد في المنصورة (رجاء دخول الجميع)

الإستلام هايكون أخر 11 ده الكلام الرسمى الى بيتقال من زمان بس عندك فى المنصورة للأسف قاللولك كلام بياعين
لكن ما تقلقش العربية فى أخر 11

المشاركة الأصلية كتبت بواسطة ghareeb

الإستلام هايكون أخر 11 ده الكلام الرسمى الى بيتقال من زمان بس عندك فى المنصورة للأسف قاللولك كلام بياعين
لكن ما تقلقش العربية فى أخر 11

طيب معلش الكلام الرسمي ده عرفته منين وهل هو اكيد ولا لا وايه سبب التأخير ده لو تعرف بعد اذنك وشكرا لاهتمامك

المشاركة الأصلية كتبت بواسطة mount

الكلام الرسمي ممكن تعرفه مباشرة من التوكيل - المركز الرئيسي ، أبو رواش - مع العلم ان كلامهم ممكن ميكونش دقيق بردو...

مش التوكيل الرئيسي عز العرب بردو ؟؟ لو بعد اذنك معاك رقمه ممكن تدهوني ومعلش لو تعبك معايا

المشاركة الأصلية كتبت بواسطة eng_hatemfathy

السلام عليكم باذن الله السيارة هتوصل فى حدود 20/11 او بالكثير بعد الافراج تدخل المخازن اخر 11 الكلام ده من عز العرب وهو كلام ثابت من نهاية 9 والاسعار غبر معلومة حتى نصل الشحنة والفرق فى الشكل ان الكشافات الخلقية ليدات -ده برده كلام الناس فى عز العرب والعربية بصراحة جبارة وهموت عليها بس مشكلتى انى مش عايز اكرر غلطتى الاولى واجيب عربية تذلنى للتوكيل فى كل حاجة ونذلنى فى بيعها زى اللادا 2110من ساعة ما جبتها ولحد سنتين فاتوا وعلشان ابيعها هخسر اكثر من 60% من تمنها علشان الناس بتخاف تشتريها علشان ثقيلة قى البيع مع انها اجمد عربية واثقل عربية شفتها فى حياتى واكثرهم ثبات بس للاسف سوقها وحش وده اللى خلانى اتراجع عن الجن-معلش طولت عليك ربنا يرزقك خيرها ويجنبك السوء

وعليكم السلام ورحمة الله وبركاته يارب يكون فعلا كلامهم صحيح وتيجي على المواعيد دي بس انا عاوز اعرف الغريبة مفيش ولا صورة لجين 2 2012 خالص على النت
علشان نشوف شكلها على الاقل وبالنسبة لتجربتك انا معاك ان الجين 2 سوقها مش قد كده بس لو قارنتها بالادا 2110 يعتبر سوقها كويس جدا لان لادا 2110 نادر تلاقي حد ماشي بيها في الشارع انما جين 2 منتشرة الى حد ما بس مش زي مثلا الانسر او السيراتو او غيرهم من الماركات القديمة المعروفة بس ان شاء الله كل لما تثبت نفسها اكتر كل لما تكتر ويبقى لها سوق وبتبدأ فعلا في الانتشار ومعلش انا اللي طولت عليك وشكرا لرايك جداااااا وانك فتحت مجال للنقاش وشكرا مرة تانية