أخوكم سبعاوى محتاج للمساعدة الفنية فى الإضاءة

19-05-2008 11:25 PM

بص يا سبعاوى باشا

هى طبعا ذيادة قوة الاضاءه عن طريق تغيير لمبات لاقوى...او كتاوت مستقل ...كل دا كلام جميل

ولكن

ساعات مصدر الضوء نفسه مش هو اللى بيكون فيه العيب
؟؟؟؟
العيب ممكن يكون فى مسارات خروج الضوء نفسها

بالذات فى الفوانيس القديمه اللى عملية انعكاس او توزيع الضوء فيها بتعتمد على تقسيمات موجوده بالوش البلاستيكى للفانوس وليس الهيكل الداخلى للفانوس

نفس العيب دا كان عند واحد صاحبى فى لانشيا قديمه
راح ركب كتاوت+لمبات فيليبس من العيار التقيل ومفيش فايده ؟؟؟!!

رحت فككلو الفوانيس...وقمت بعمل الآتى

1-تم تغيير الوش الاصلى لفانوس...بآخر عموله ذو مواد خام احسن من الاصلى
أدت لحدوث وضوح ونقاء فظيع للضوء
وبنفس التقسيمات الاصليه لوش الفانوس

2-وهو الاهم ...قمت بتنكيل الهيكل الداخلى للفانوس بأكمله!!!

وشكرا على كده...وتعالى اتفرج على النور...والله بيشغل الواطى الناس بتضايق وتفتكرو العالى

ولو عملت الحكايه دى ونفعت ياخالد باشا

ياريت ولاول مره تشوفنى باى سندويتش عا الماشى

**SEATLOVER** · 19-05-2008 11:37 PM

سبعاوى باشا .. لينا الشرف يا باشا فى رد على موضوع مساعدة ليك
الحقيقة انا كنت داخلك اقولك الكلام اللى لقيتة فى الصفحة التانية
يا عينى يا معلم فلاينج .... مش لاقى ايتها كلام بعدية

ذى ما قال المعلم بالظبط كدة .. + الفوجات (ركز فيها )

**mohamed ibiza** · 19-05-2008 11:46 PM

انا رأيي حط زينون و ريح دماغك من الدوشة دي و نور مبهر جدا جدا جدا لو ملكش مزاج في الزينون يبقي زي ما فلايينج قال بخصوص الفوانيس و الانعكاس بتاعها و تجيب لمبات فيليبس اللمبة غالية شوية بس تحفة او لمبات من التوفيقية 90\100 سي بي مش وات هتلاقيها قوية او لو عايز تزود في لمبات اقوي كانت مقترحة عليا في التوفيقية برضه بس مش فاكر الوات بظبط عشان مفتيش

**hazem_khidr** · 20-05-2008 08:58 PM

بص يا سبعاوي باشا
اللمبات تبقي زئبق و الماني و العلبه بيبقي لونها كحلي في اصفر كده.
علي ما اعتقد اسمها نارفا و قوتها 120/80 او حاجه زي دي
بس نورها قوي فعلا .
كتاوت فرنساوي .
و وش الوانيس لو بلاستيك هات اتنين استعمال زجاج بس يكونو نضاف
لو الفوانيس مش بتلمع خدهم عند اي واحد بتاع اكسسوار بينكلهم بورق مفضض لزق بيدي نتيجه كويسه جدا .
و ان شاء الله يرجع نورهم تاني :)

**mohamed ibiza** · 20-05-2008 09:08 PM

المشاركة الأصلية كتبت بواسطة hazem_khidr

بص يا سبعاوي باشا
اللمبات تبقي زئبق و الماني و العلبه بيبقي لونها كحلي في اصفر كده.
علي ما اعتقد اسمها نارفا و قوتها 120/80 او حاجه زي دي
بس نورها قوي فعلا .
كتاوت فرنساوي .
و وش الوانيس لو بلاستيك هات اتنين استعمال زجاج بس يكونو نضاف
لو الفوانيس مش بتلمع خدهم عند اي واحد بتاع اكسسوار بينكلهم بورق مفضض لزق بيدي نتيجه كويسه جدا .
و ان شاء الله يرجع نورهم تاني :)

اؤيد الرأي ده لمبات نارفا تحفة جامدة جدا جدا جدا و في لمبات تنجسرام المجري تقريبا برضه شديدة

**bee** · 21-05-2008 06:52 PM

باشا باشا باشا

شوف يا سعادة الباشا

بالنسبة للفوجات انا بأديدها لأنها حقيقي مفيدة ومش مضرة للناس طالما مظبوطة ( من باب عدم الاذية)
اما بالنسبة للفوانيس .. انا رأيي تغير الفانوسين بفانوسين استيراد وانا تحت أمرك يا باشا لو احتجتهم هشوفلك هنا في بورسعيد .. وبعد كده لو معجبكش النور نغير اللمض بس ساعتها هيكون نص المشكلة اتحلت لو مكنتش كلها .. :)

في انتظار ردك يا باشا ..
واحنا اي خدمة دي فرصة مش بتتكرر كتير انك تسأل :d
تحياتي

**فادى** · 21-05-2008 08:12 PM

أنا هقولك على حل بسيط من تجربة شخصية بس مش عارف ينفع مع الريجاتا و لا لأ.
نفس مشكلة الاضاءة الضعيفة واجهتنا فى البيجو, خدتها على أساس انى أضبطها(على اعتبار انى ميكانيكى الأسرة يعنى :)), و مكنتش عارف أغير لمض و لا أعمل ايه, رحت الأول أغيرلها زيت و أنا فى محطة كالتكس سألت عندكوا لمض لفوانبس البيجو, قالى مفيش بس ممكن نضبط النور, و اكتشفت انو ممكن يتم ضبط النور عن طريق تعلية اللمبة و توطيتها (زى العربيات الفارهة اللى فيها زرار بيتحكم فى زواية النور الأمامى), و فعلا بعد ما ضبطت النور و كانوا بيستخدموا مراية, اتحسنت الاضاءة بشكل كبير و بدون تغيير أى حاجة.