الموضوع: يا رجالة البيتلز هى البيتلز ادفع فيها 20 الف جنية

بص يا كبير
انا عشت مع البيتلز حوالى 10 سنين ولسة ومازالت موجودة معايا وربنا يدمها نعمة .
العربية دي لو سليمة وانت راعيت تغيير قطع الغيار وصيانات والزيت وكل الكلام ده ؟
العربية هاتفضل سليمة ومش هاتعطل . ايوة مش هاتعطل
انا عربيتي كنت بحط بنزين وبس وبروح وباجي وبسافر وارجع في نفس اليوم وكانت زي الفل بس عشان كانت سليمة ومش ملعوب فيها . لان مشكلتها ان ناس قليلة اللى بتفهم فيها والباقي بيعك .
بس في نقطة مهمة جدا
العربية دي ماينفعش تجيبها عن طريق صالونات . لازم تكون بتحبها يا باشا وغاوي فولكس .
نصيحتي ليك بقى ان الوقت الحالي مش بتاع فولكس .
اولا مافيش تابلوه مفيش تكييف مفيش شبابيك ورا . المساحة الامامية محترمة لكن ورا كل سنة وانت طيب .
بالمبلغ ده ممكن تركب عربيه حديثة مستعملة مكيفة زي برايد او شاريد هيونداي اكسيل او تجيب مازدا .
يعني في عربيات كتير واوسع و4 ابواب وتابلوه وعدادات وشبابيك وشنطة وكبوت .
ده رأيي الشخصي وربنا يستر وزقزوقتي ماتزعلش مني

لو ان بتدور على موصلة تشيلك بدون مشاكل بالسعر ده تلحث تركب ريجاتا او 323 او 128 نضيفة اوى وكلهم اريح واسهل فى صيانتهم واهدا وانعم من البيتلز

البيتلز لمن يحبونها وليست لمن يريد سيارة والسلام

السعر ده يدل عن حاله كويسه جدااااااااا لو كان صاحبها صادق فى اللى بيقوله يعنى لو عاوز تشتريها خد ميكانيكى يبص عليها كويس وحاول تفاصل لو فيه مجال لكده ,, وانا عن نفسى كنت شايف قريب عربيه بيتلز ب23 الف حالتها ممتازه جدا ( ربنا يبارك للى اشتراها ) بس كانت 1303 اعلى فئه

لو 1300 سي سي تبقى غالية الا لو حالتها زيرو و برضه لو مرفوعة 20 سنة هتعمل اكتر من 90 الف كيلو