مقاس الفيوزات

**mirra** · 29-10-2011 01:24 AM

اكتشفت ان مقاسات الفيوزات فى عربيتى الادا 2107 مش واحدة ودة لما كنت بغير فيوز مروحة الرادياتير لان دة الوحيد اللى بيضرب على فترات متقاربة.المهم لاحظت ان فية مقاس 8 و مقاس 16 و فيوز المروحة دة بالذات من ابو 16 لكنى مع الاسف كنت حاطط فيوز 25 عشان كدة لما ضرب سيح حتة من البلاستيك اللى حوالية.طبعا انا ما كنتش عارف الخطا دة و فورا غيرتة بواحد تانى 16 ولما جيت اشترى فيوزات احتياطى طلبت مقاس 8 بس الراجل قالى ان 8 دة حيكون ضعيف اوى.انا مش عارف الكلام دة صح و لا غلط.السؤال هل ينفع اخلى كلة 16 و لا دة غلط و ياريت لو حد عندة معلومات اكتر عن موضوع الفيوزات دة يقولهالنا خصوصا mr diessel و لكم جزيل الشكر وهل ياترى موضوع فيوز المروحة دة مالوش حل نهائى احسن لما الفيوز بيضرب بلاقى امبير الحرارة طلع فى السما فخايف دة يحصل و انا مش واخد بالى.

**ahsara** · 29-10-2011 04:33 AM

هو مينفعش تخلى كلهم واحد سيب كل واحد و مقاسه

حل بقى ضرب فيوز المروحه
انا كان عندى نفس المشكله دى خليت الكهربائى عمل للمروحه كتاوت و فيوز لوحدها بقت تشتغل اقوى من الأول بكتير و الفيوز مش بيضرب
انا معايا لادا 2107 موجديل 2007

**mirra** · 30-10-2011 01:17 AM

شكرا على الرد.جزاك اللة كل خير.

**a7madramadan** · 30-10-2011 03:24 AM

الموضوع بإختصار ان مش كل الأجهزة الكهربائية في العربية زي بعض ... التيار اللازم لتشغيل الكاسيت والسنتر كونصول متضمن الولاعة ونور العدادات ... طبيعي يختلف عن الي رايح على الكشافات الأمامية ... طبيعي مختلف عن الي طالع للمروحة .... والفيوز وظيفته انه بيتحرق لو في تيار أكبر من المطلوب واصل للجهاز الكهربائي في العربية ... بالعربي كده لو حاطط فيوز أصغر من الطاقة الي بيستهلكها الجهاز (الموصى بيها) هيتحرق الفيوز كل شوية .... ولو حاطط فيوز أكبر من طاقة الجهاز لو في مشكلة الجهاز الكهربائي هيتحرق و الفيوز هيفضل سليم و الحالتين طبعا انت ماتحبهمش و سيبك من الكهربائية الي بيفتي و يقوم حاططلك فيوز أعلى من الي كان عندك في أي حاجة لإن انت هيبقى عندك مشكلة و هوه حلها شكليا بس هتكبر للأسف لإن المشكلة هتمتد للجهاز الكهربائي نفسه ...

اتأكد ان الفيوزات في عربيتك مقاساتها مظبوطة و لو في مشكلة روح لكهربائي محترم يحللك أي مشكلة في عربيتك و ربنا ما يجيب مشاكل :) وتقبل تحياتي :)

**mirra** · 31-10-2011 12:04 AM

طب اية راى حضرتك انى قلبت الدنيا هنا فى طنطا ادور عل فيوزات مقاس 8 لم اجد ابدا و اقل شيى كان 16 وكل الباعة اكدوا ان مقاس 16 دة افضل.انا مقتنع جدا بكلامك بس حاسس ان سياسة الفهلوة و العشوائية هى اللى سايدة فى السوق.دا انا لما كنت بقولهم عايز فيوز مقاس 8 زى ماهو مكتوب على علبة الفيوزات كانوا بيبصولى كانى كائن فضائى.طيب اية راى سعادك فى مشكلة فيوز المروحة؟؟ياترى انت عاملها كتاوت منفصل و لا اية؟؟وكل سنة و حضرتك طيب.

**ahsara** · 31-10-2011 12:56 AM

المشاركة الأصلية كتبت بواسطة mirra

طب اية راى حضرتك انى قلبت الدنيا هنا فى طنطا ادور عل فيوزات مقاس 8 لم اجد ابدا و اقل شيى كان 16 وكل الباعة اكدوا ان مقاس 16 دة افضل.انا مقتنع جدا بكلامك بس حاسس ان سياسة الفهلوة و العشوائية هى اللى سايدة فى السوق.دا انا لما كنت بقولهم عايز فيوز مقاس 8 زى ماهو مكتوب على علبة الفيوزات كانوا بيبصولى كانى كائن فضائى.طيب اية راى سعادك فى مشكلة فيوز المروحة؟؟ياترى انت عاملها كتاوت منفصل و لا اية؟؟وكل سنة و حضرتك طيب.

لو عايز فيوز 8 انا ممكن ادورلك عليهم فى القاهره و اقابلك فى طنطا . انا بروح طنطا كتيير

ابعتلى رساله على الخاص بعنوانك او رقم تليفونك و نتقابل

**mirra** · 31-10-2011 01:10 PM

سعادة الباشا..انا شاكر جدا لاهتمامك....يشرفنى اقابلك فى طنطا...بس قولى ممكن ابعتلك ع الخاص ازاى..معلش محسوبك معلوماتة فى النت و المواقع محدودة شوية.

**a7madramadan** · 01-11-2011 01:59 AM

العربية 2009 ماشاء الله فابريكة ماغيرتش فيها حاجة الحمد لله .... اعتقد المروحة على فيوز مش كتاوت شغالة على الترموستات و الحمد لله ماعنديش اي شكاوي من الحرارة على عكس كلام قليل من مالكي اللادا القديم ...

بس عموما في ناس كتير بتحط المروحة على كتاوت ممكن أسأللك لو مهتم بالموضوع الكهربائي بتاعي .. وهأرد عليك خلال يومين بس أشوفه ...

وكل سنة وحضرتك طيب وكل السادة الأعضاء في المنتدى بألف خير ان شاء الله :)

**mirra** · 01-11-2011 02:58 PM

شاكر لسعادتك.انا برضة العربية عندى فابريكة بس موديل 2007.انا معنديش اى مشكلة فى الحرارة خصوصا انى بحط مية زرقاء موبيل.بس احيانا لما الفيوز بيضرب المروحة ما بتشتغلشى و دة اللى بيعلى الحرارة.عموما شاكر لاهتمام حضرتك و كل سنة و سعادتك طيب.

**ahsara** · 05-11-2011 03:06 PM

المشاركة الأصلية كتبت بواسطة mirra

سعادة الباشا..انا شاكر جدا لاهتمامك....يشرفنى اقابلك فى طنطا...بس قولى ممكن ابعتلك ع الخاص ازاى..معلش محسوبك معلوماتة فى النت و المواقع محدودة شوية.

لما تدوس على اسمى اللى بيظهر على جنب الشاشه اليمي هيفتح قائمه فيها إرسال رساله خاصه ليا
منها تقدر تكتب الرساله وتبعتهالى و هتيجيلى فى الرسائل و مش هتظهر فى المشاركه لكل أعضاء المنتدى

تقدر تعرف إذا كان عندك رسائل ولا لأ . بيظهر جنب أسمك الموجود فى أعلى شمال الشاشه ( المكان اللى بتعمل فيه logon )