الموضوع: مازدا 2011 , مازدا 2012

حكاية الفرق دى يجيب عنها التوكيل نفسه، بس ممكن تقيسها بالفرق بين 2010 و 2011 هل كان فيه فرق بينهم ولا لأ.

بالنسبة للشكل مش متهيألى ممكن يتغير السنة دى، وبالنسبة للسعر اعتقد أن لو 2012 نزلت يبقى 2011 هترخص وسعرها هيقل لو كده يبقى إنت أولى بالفرق ده، وشوف أى المازداوية أهل الخبرة.

المشاركة الأصلية كتبت بواسطة yalahwy2010

هل يا جماعة هيبقى فى فرق بين المازدا 20112 عن 2011؟؟؟؟؟؟؟؟؟
وهل لما ال 2012 بتنزل..........هتبقى أغلى من 2011؟؟؟؟؟؟؟؟؟؟؟
وتنصحونى أنى أستنى وأجيب ال 2012؟؟؟؟؟ولا مش هتفرق....مع إنى مش معايا أكتر من 130 ألف......وخايف أستنى وألاقى ال 2012 أغلى بكتير.....
يا ريت حد ينصحنى يا رجالة

أنا عن نفسي مستني من شهر 7!! (الصبر جميل)
ال2012 مش هتفرق حاجة خالص عن ال2011 غير تغيير الفتيس و الموتور (باستثناء تغيير بسيط في الاكسدام الامامي و ألوان التابلوه)... المفروض انهم هيبقوا تكنولوجيا جديدة و هيوفروا بنزين و كمان العزم هيزيد شوية.

المشكلة انهم هيفضلوا يصنعوا الموتور القديم شوية جنب الجديد (السكاي اكتف)، و طبعا محدش عارف غبور هيجيب مين فيهم، و امتى... لأن ال2012 اللي بدأ يتباع بره هو ال2.0 مش ال1.6... و طبعا محدش بيقدر يعرف غبور ناوي علي ايه و خصوصا إن عادة بتحس أن نيته بتبقي مش سليمة!! أنا لاحظت مثلا أن مازدا ماكنتش موجودة في أوتوماك اللي فات (لو حد حضر المعرض يا ريت يأكد) و ده مؤشر مش كويس خالص... ممكن تلاقيه رامي طوبه المزدا و مركز في هيونداي، أو ناوي يجيب ال CX-5 (موديل مازدا الجديد الكروس أوفر اللي هينزل أول السنة اللي جايه) و يحلق للمزدا 3 تماما، أو ممكن يكون ناوي يخلع من وكالة المازدا خالص!!

بالنسبة للسعر، أعتقد اللي بيحصل اليومين دول انهم بينزلوا أسعار الموديل القديم قبل ما ينزلوا الموديل الجديد بدل ما يضطروا يغلوا الموديل الجديد... مثلا غبور كان عمل عرض تخفيض 10 الاف جنيه علي ال2010 في آخر السنة اللي فاتت قبل ماينزل ال2011... و بنفس الطريقة، من شهر 7 لحد دلوقتي منزل 7الاف جنيه في الهايلاين و البيزك الاوتوماتيك بتوع 2011.

فنصيحتي ليك أنك لو مش مزنوق في عربية جديدة أو حتى لو مش فارق معاك تكنولوجيا الفتيس، إنك تستني شهرين كمان مثلا ممكن تلاقي غبور نزل السعر 3الاف كمان (ده طبعا مش شرط، إنما توقع... و طبعا في نفس الوقت ممكن عرض ال7 الاف يخلص، محدش يضمن يعني)... هتبقي المشكلة الوحيدة إنك ممكن تلاقي الالوان اللي إنت عايزها خلصت (و خصوصا أن غبور دلوقتي شكله معندوش ستوك مانيوال خالص - أوتوماتيك بس، و عشان كدة بيحاول يخلص منها عن طريق التخفيض)... لكن إنت ممكن تعمل حركة صايعة عشان تعرف... ممكن كل اسبوع أو اتنين مثلا تتكلم و تسأل عن الالوان الموجودة، لو لاقيتها ابتدت تخلص يبقي ده أكيد معناه إن الستوك بتشطب و مفيش تخفيض تاني جاي خالص و كمان في الحالة ديه ممكن تضطر تنزل تلف على المعارض عشان تلاقي اللون اللي إنت عايزه لوكان خلص من عند غبور نفسه.

اتمنى أكون لخبطك ... أقصد ساعدتك

الـ 2012 السكاى اكتيف دى نازلة برة فى 2.0 بس .. ومافيش كلام على 1.6 خالص .. وحتى لو نزل ممكن يكون زى المواتير الجديدة اللى لازم بنزين 95.. زى بتاع الالنترا اللى نازلة برة.
موضوع العرض دة .. بيكون علشان تخليص الاستوك بتاع 2011 .. ومتوقع السعر يعلى لما ينزل موديل 2012 اللى غالباً حيكون بدون تغيير أو بدون تغيير يذكر على الأقل.

المشاركة الأصلية كتبت بواسطة Ayman_A1

الـ 2012 السكاى اكتيف دى نازلة برة فى 2.0 بس .. ومافيش كلام على 1.6 خالص .. وحتى لو نزل ممكن يكون زى المواتير الجديدة اللى لازم بنزين 95.. زى بتاع الالنترا اللى نازلة برة.
موضوع العرض دة .. بيكون علشان تخليص الاستوك بتاع 2011 .. ومتوقع السعر يعلى لما ينزل موديل 2012 اللى غالباً حيكون بدون تغيير أو بدون تغيير يذكر على الأقل.

اللي في استراليا و أوروبا بيبقي غالبا 1.6... و كان فيه أكتر من تقرير قايلين إنهم عملين tuning-down لنسبة الانضغط عشان يشتغل ببنزين 92 ، لكن زي ما قلت هو لسة محدش ابتدي يبيع ال1.6 السكاي اكتف لسة.

أنا أعتقد إن ال 2012 مش حاتتغير خالص عن 2011
ممكن يزود سعرها شوية و يفضل الخصم على ستوك 2011 لحد ما يخلص
لا أتوقع انه حاينزل موتور جديد بالمرة