الموضوع: سؤال في البوما

ضغط الكاوتش مش هيفرق معاك عن أي مقاس كاوتش مدام ملاكي ..
كله بيتكلم في متوسط 30 psi
لإن ضغط الكاوتش ده مش مقياس لكمية الهوا اللي جوا فبتتغير مع المقاس .. لا .. ده الفرق بين الضغط الجوي ، و ضغط الهواء جوه فردة الكاوتش .. بالتالي مش بتعتمد على المقاس زي مانت متخيل ، لكن بتعتمد على حمولة العربية أكتر ..
أنا شايف إن بين 30 - 35 psi ضغط مناسب جدا ..

بالنسبة للباور .. أيوه طبيعي جدا إنه يتحرك مدام العربية دايرة ، و زيت الباور مش هتحتاج تغيره كتير .. أنا عربيتي 120 ألف كيلو ماغيرتوش غير مرة واحده بس من زمان جدا .. لو عايز تغيره كنضافة أكتر للعربية فيستحسن عند الميكانيكي أفضل .. و جرب زيوت فالفلين لإن فيه ناس كتير بتشكر فيها .. رقم تليفونهم على الخط الساخن موجود في الإعلانات على الصفحة الرئيسية .. اتصل بيهم و قولهم نوع و موديل عربيتك هيجولك لحد البيت و يغيرولك كل الزيوت لو تحب بنفس السعر ..

و ربنا يباركلك في عربيتك يا باشا ..

شكرا لرد حضرتك بس انا لاحظت لما جبت العربية كان صاحبها عمل صيانة الاربعين الف كان لون الزيت وردي فاتح خالص لكن دلوقتي بقي لونة غامق شوية ودا اللي خلاني افكر اغيرو