الموضوع: مفاجئه و توضيح بخصوص الشركة المصريه لأكسات الصني

المشاركة الأصلية كتبت بواسطة SonaSteel

الله الله
ياسيييييدي علي الجمال.... ومن مين.. مارد وسوسني ههههه
تسلم يابو حميد علي المعلومات القيمة... وانا كنت متوقع كده برده... مش معقولة جودة التصنيع المصري توصل للمرحلة ديه
بس ان شاء الله نوصلها في يوم من الايام بأمر الله

ان شاء الله بس يجربوا في حد غير نيسان الاول

المشاركة الأصلية كتبت بواسطة y2y1500

ياسلام عليك يا ابو حميد يا جامد رئيس الاستخبارات فى قسم نيسان
وفعلا المساعدين لازم يتغيروا وقاية عند 50 الف كم بس فعليا ماحدش بيغيرهم قبل 100 الف الا لو فيهم مشكلة او مشى على طرق مكسرة كتير

عندى معلومة عشان نقفل موضوع التشكيك اللى فى الصنى ده لأجل غير مسمى وهى ان مصنع نيسان الوحيد فى مصر اللى واقف على خطوط انتاجه خبراء ومراقبين يابانيين غير اى مصنع بيجمع اى عربية فى مصر تانية يادوب يحضروا باكورة التجميع ويدربوا العمالة ويخلعوا
يعنى ياريييييييييييييييييت تريحوا دماغكم بقى من العفاريت اللى كل شوية تطلعلنا وكفاية ان سعر الصنى اقل من اقل عربية فى فئتها ب10 الاف ج عالاقل

كلام مظبوط بس برده الكلام ده موجود في bmw و مرسيدس في حتت معينه و موضوع المساعدين لما تتغير على 50000 ده الصح عشان يا اخي حتى تحافظ على الاغلى منها زي علبة الدركسيون و المقصات و الشاسيه

المشاركة الأصلية كتبت بواسطة mohamedbook

تسلم ياحمد باشا علي المعلومات الجامده دي
وعيزك توصي علينا الراجل بتاع ضبط الزوايا ان شاء الله ارحلة الاسبوع ده

حاول تخليها بعد العيد عشان زحمه جدا بس لو مش هاينفع روحله بعد 11 بليل في الطراوه هو شغال لحد 12

المشاركة الأصلية كتبت بواسطة NABEEH010

لسه مكلم المكتب اللي في الدقي

وسألته علي نشاط الشركه وقاللي هيا بتجمع الاكس الياباني للنيسان وهو مصنع تجميع

والسكرتيره أستغربت جدأ من اللأسئله اللي كانت نازله عليها زي المطر

وقاللتي أنت عرفت منين الموضوع ده؟؟؟؟!!!

معلش ياجماعه أصل الواحد قلق جدا من موضوع التقفيل المصري اللي كل الناس خوفتني منه
وشكرا لاحمد اللي سبق وطمن الناس قبلي

متقلقش منها سدقني العربيه دي ممتازه ما شاء الله خد بالك بس من الصيانات الدوريه و انا هاحاول كل فتره و التانيه تنزيل مواضيع بخصوص اللي المفروض يتبص عليه كل فتره و التانيه و اجرائات الصيانه و خطوات حل المشكلات المتكرره

المشاركة الأصلية كتبت بواسطة walidadel

بقي انت يطلع منك كل دا ياماشاء الله ياخي
شكلك الحمد لله ابتديت تتحسن ياحمد بيه ...... انا كنت قلقان بيني و بينك من الموضوع قولت بس ده اللي هايبقي اخرك مع العربيه لكن الحمد لله عكس المتوقع تمام


حبيبي

و انت و الله يا وليد باشا حبيبي بس سدقني انا قولتلكوا قبل كده مش موضوع وسوسه بس لما طلعلي خزوق الفتيس في عربيه عامله 200 كيلو بس و فلوسها مبردتش لسا دماغي باظط شويه و بس و عدت الحمد لله خير يعني

المشاركة الأصلية كتبت بواسطة ahmed.tv

الله عليك يا احمد
اولا انا كنت خايف من وسوستك .. لكن شكلك كدا خفيت وخفيت جامد
ثانيا .. كويس انك عملت موضوع فيه التوضيح .. لان اى مشاركة فى الموضوع القديم كانت حتتدفن ومحدش حيقرائها
ثالثا كويس ان كان ليك صديق فى الشركة دى وهو اللى مدك بالمعلومات المظبوطة .. لان اى حد فينا حيسال فى التليفون محدش حيفهمه بالطريقة دى .. وممكن يخبى عليه معلومات .. وندخل فى دائرة القلق

اتمنى ان الناس كدا فهمت القصة .. واتضحت ليهم
وكلامك ده كنت متوقعه والله .. بس كان لازم التوضيح لان فى ناس مش فاهمه فى الميكانيكة .. وبتاخد الكلام بالظاهر ويفتكروا ان المساعد كامل مصرى !!

تحياتى ليك على التوضيح القوى ده .. اللى كان غايب عن مهندسين كتير حتى فى التوكيل

وبخصوص المساعدين واستحمالها .. الله يكون فى عون عربياتنا بجد فى الشوارع بتعتنا .. احنا البلد الوحيدة اللى بتربط عافشة كل 5000 كيلو .. ههههههههههه


جزاك الله خيرا

و الله يا احمد انا رديت عشان حسيت ان العربيه هاتتظلم جامد لانها عربيه ممتازه و محترمه بس هما هنا بيحاولوا يزبطوها على قد ما يقدروا عشان يحافظوا على ثبات السعر بتاعها في الازمه الاقتصاديه الي احنا فيها دي نتيجة ان سعر الجنيه بيقل اودام الين الياياني و التكلفه بتزيد عشان موضوع الزلزال الي في اليابان

و نيسان نفسها بتحاول تخلي مصانعها بره اليابان لدرجة اني عرفت من مصدر ما ان نيسان بتشتغل بنظريه zero stock يعني قطع السياره بتتخزن على المراكب و بيبقى فيه خط انتاج على المركب بيجمع العربيه في السكه لحد ما توصل البلد الي رايحاها عشان كده بتلاقي مكتوب Made in Nissan مش Made in japan

المشاركة الأصلية كتبت بواسطة maged george

انا كلمتهم انهاردة عشان اشتري منهم مساعدين قالولي معندناش ....... فقولتلهم انتوا مش بتجمعوا المساعدين لمصنع نيسان قالولي معندناش ........... قولتلهم يعني مينفعش اشتري منكم قالولي معندناش...... قولتلهم طيب سلام فغالبا هما مصنع تجميع فقط ومعندهمش منفذ بيع للافراد.

بالزبط و ازيدك من الشعر بيت المساعدين الي راكبين نفس الي راكبين في الصني supersallon و القلب بتاعهم كوني