أشترى منين نظارة شمس أصلية في مصر ؟؟

**dramir1** · 30-10-2011 04:40 PM

Grand optics Carrefoure Maadi

**omaroof** · 30-10-2011 07:37 PM

لازم تروح محل محترم وياريت يكون وكيل او وكيل معتمد للماركه اللى انته عاوزها
الماركات الجامده بس هى اللى ممكن تلاقى سعرها فوق الالف
فيه ماركات كتير ايطالى وسعرها معقول
لكن فيه حاجه ودى عن تجربه حتى الاصلى بتاع مصر موش زى الاصلى اللى بره
مثال شوفت نضاره بولس بره وشفتها هى هى جوه مصر اختلاف كبير فى الخامه ليه ماعرفش
حتى الفنلات بتاعت اللعبين فى اديدس شوفتها بره نفس الفنله بس الخامه فرق السما والارض
احسن حد يكون ثقه يجبلك الديزين اللى انته عاوزه من بره وصدقنى ممكن تكون ارخص من اللى حاتشتريها هنا

**ehab** · 30-10-2011 09:07 PM

طيب ايه رأيكم في الشراء من Amazon

**aif** · 30-10-2011 09:15 PM

المشاركة الأصلية كتبت بواسطة innovation

السلام عليكم

موضوع شراء نظارات شمسيه فى مصر اصبح شيئ مش سهل خالص .. لأنك بتروح المحلات يقولك ايوه ده اصلى وهوه ولا اصلى ولا حاجه .. ومحلات تانيه يقولك مافيش اصلي اصلاً في مصر خالص !!

ياترى ممكن اشترى نظارة شمس اصليه منين فى مصر ؟؟ وازاى أتأكد انها اصلي مش كوبى اوريجينال اللى بيقولو عليها تجاريه دى ..
وهل ممكن اجيب نضارة اصليه فى حدود اقل من 1000 جنيه والا لازم هيكون اعلى من كده ؟؟

بجد ممكن الموضوع شكله يكون بسيط ومش مستاهل .. بس اللى بيلبس عدسات طبيه بيحتاج نضاره اصلي بشكل ضرورى جداً .. فالحكايه مش رفاهيه يعنى ده موضوع طبي بحت ..

انا عملت سيرش لقيت فيديوهات بتوضح الريبان الاصلى والتقليد .. بس افرض مش عايزه ريبان وعايزه اجيب ماركات تانيه هعرف ازاى انها اصلي ؟؟ ايه المحلات المضمونه بجد؟؟

ياريت لو تقدرو تساعدونى لو حد عنده خبره فى الموضوع ده لأن آخر نضاره اشتريتها طلعت تقليد وتاعبانى جداً ومش عايزه ادبس في واحده جديده تطلع تقليد بردو .

اسأل كريم منير ممكن يفيدك
كان قبل كدة كاتب في موضوع مشابه وهو له خبرة في النظارات
ممكن تبعتله رسالة ع الخاص لو ماكانش شاف الموضوع

**Innovation** · 30-10-2011 11:00 PM

المشاركة الأصلية كتبت بواسطة zegna

انا عندي يا باشا نضارات اصلي made in itlay rayban كتير لو عايز تبوص عليهم بس قولي استايللك اية يعني شكل الشنبر اللي في دماغك لان اغلب اللي عندي استايل aviator

طيب ايه رأيك لو تعملنا موضوع هنا فى المنتدى تنزل كده الموديلات واسعارها .. ياريت حريمى يعنى .. يبأه ليك جزيل الشكر .. بس هى اصليه يعنى بعلبتها والكتالوج والضمان وكده والا اصليه عشان محفور على اليد بتاعتها الماركه ؟؟

شكراً جزيلا للمرور والتعليق

**Innovation** · 30-10-2011 11:04 PM

المشاركة الأصلية كتبت بواسطة ehab

منير نصيف توكيل راي بان في مصر و اعتقد انه اكيد تلاقي عنده اصلي

ده اللى فى شارع طلعت حرب ؟؟ والا فيه فروع قريبه فى الجيزه ؟؟
وهل الاسعار عنده معقوله والا ايه ؟

شكرا للمرور والتعليق يا استاذ ايهاب

**Innovation** · 30-10-2011 11:08 PM

المشاركة الأصلية كتبت بواسطة amrezzat82

باشا مش لازم تكون فوق الألف عشان تكون أصلي
و فى محلات كتيرة فعلا أصلي مش هاي كوبي أبدا
أنزل مدنية نصر أو كارفور أو المعادي أو وسط البلد
المحلات المحترمة كتيرة جدا
و مش لازم ريبان طبعا ممكن تختار اللى أنته عايزه

طيب كويس اوى ..بصراحه صعبان عليا ادفع اكتر من الف فى نضارة شمس ..بس محتاجاها جداً .
ان شاء الله بأفكر فعلا انزل فعلا كارفور او هايبر وان فيه فرع لمغربي هناك .

شكراً على الافاده ربنا يكرمك ان شاء الله :)

**Innovation** · 30-10-2011 11:12 PM

المشاركة الأصلية كتبت بواسطة a_h_m_a_d

نصيحة لو عايز تشتري نضارة و تتأكد إنها فعلا أصلية , إشتري نوع مايكونش نزل منه مضروب

أنا مثلا لما جيت أشتري نضارة نظر إشتريت نوع إسمه oga فرنساوي عشان مفيش منه كوبي أصلا و بكده تتأكد إنك إشتريت حاجه أصلي حتى ولو مكانتش ليها شهرة كبيرة بس نوع محترم

فكره معقوله بردو .. بس الماركات اللى زى كده مش هكون عارفاها يعنى وممكن تطلع ماركه اى كلام ..يعنى تكون اصلى وكل حاجه بس هى ماركه مش كويسه يبأه ما استفدتش أى حاجه وكأنك يا ابو زيد ماغزيت زى مابيقولوو :)

بس هى فكره هحطها بردو فى دماغى وانا بأشترى فعلا ..شكراً جزيلا على النصيحه