أشترى منين نظارة شمس أصلية في مصر ؟؟

**Innovation** · 31-10-2011 12:12 AM

المشاركة الأصلية كتبت بواسطة mido51eg

لصاحبة الموضوع اختاري الماركة اللي عاوزاها والموديل اللي تفضليه وشوفي رقم الموديل وخلي حد يجيبهالك من بره. يااما ترضي بالاوريجينال هاي كوبي ومش هتبقى وحشة. انا برضه لابس عدسات لاصقة طبية وعندي نضارتين ، واحدة بيرسول ودي كنت جايبها من عند العجيل من سنة 2005 والحقيقة هايلة مفيش حاجة قشرت ولا اتجرحت والتانية راي بان كانت جاية لي من بره سنة 2006 وبرضه حلوة.

طيب هحاول اشوف حد بره يجيبهالى معاه ..بس مش قادره اقتنع ان مصر بقت وحشه اوى كده ومافيش فيها غير المضروب والكوبي ..للدرجادى بلدنا بترجع لورا مابتتقدمش ابداً !!!

شكرا على المرور والتعليق وان شاء الله احاول اعمل بنصيحتك لو لقيت حد بره يقدر يجيبلى معاه

**Innovation** · 31-10-2011 12:14 AM

المشاركة الأصلية كتبت بواسطة dramir1

grand optics carrefoure maadi

ماشي نشوف جراند اوبتكس ان شاء الله .. شكرا على المرور و المعلومه :)

**Innovation** · 31-10-2011 12:16 AM

المشاركة الأصلية كتبت بواسطة moe86

أنا سمعت الكلام دة كتير فعلا

فعلا ناس كتير قالت منير نصيف هوه المضمون .. اعتقد ان له فرع فى شارع طلعت حرب .. انشاء الله احاول افضي نفسي يوم كده واروح اشوفه ..

شكرا للمرور والتعليق

**ehab** · 31-10-2011 12:18 AM

المشاركة الأصلية كتبت بواسطة Innovation

ده اللى فى شارع طلعت حرب ؟؟ والا فيه فروع قريبه فى الجيزه ؟؟
وهل الاسعار عنده معقوله والا ايه ؟

شكرا للمرور والتعليق يا استاذ ايهاب

عناوين الفروع موجودة في المشاركة دي
http://www.nilemotors.net/Nile/3873383466-post9.html

**Innovation** · 31-10-2011 12:19 AM

المشاركة الأصلية كتبت بواسطة omaroof

لازم تروح محل محترم وياريت يكون وكيل او وكيل معتمد للماركه اللى انته عاوزها
الماركات الجامده بس هى اللى ممكن تلاقى سعرها فوق الالف
فيه ماركات كتير ايطالى وسعرها معقول
لكن فيه حاجه ودى عن تجربه حتى الاصلى بتاع مصر موش زى الاصلى اللى بره
مثال شوفت نضاره بولس بره وشفتها هى هى جوه مصر اختلاف كبير فى الخامه ليه ماعرفش
حتى الفنلات بتاعت اللعبين فى اديدس شوفتها بره نفس الفنله بس الخامه فرق السما والارض
احسن حد يكون ثقه يجبلك الديزين اللى انته عاوزه من بره وصدقنى ممكن تكون ارخص من اللى حاتشتريها هنا

طيب ان شاء الله احاول اشوف حد بره مصر واختار من على النت موديل واطلب منه يشتريهولى .. ربنا يسهل بس والاقي حد اثق فيه

شكرا على المرور والنصيحه

**Innovation** · 31-10-2011 12:20 AM

المشاركة الأصلية كتبت بواسطة aif

اسأل كريم منير ممكن يفيدك
كان قبل كدة كاتب في موضوع مشابه وهو له خبرة في النظارات
ممكن تبعتله رسالة ع الخاص لو ماكانش شاف الموضوع

طيب حاضر هدور عليه فى المنتدى وابعتله ان شاء الله

شكرا على المرور والتعليق :)

**alshura** · 31-10-2011 12:20 AM

انا عندى مجموعه نظارات اصليه زى كارتييه و برسول و كاريرا همه موديلهم قديم شويه يعنى مش حاجه حديثه و اسعارهم فى حدود ال300 جنيه ماعدا الكارتييه ودى 500 جنيه لان حالتها ممتازه و عدساتها اتشينجبل يعنى بتغمق فى الشمس لو لسه ما اشترتش كلمنى و نتقابل و افرجك عليهم 0114 957 9000

**Innovation** · 31-10-2011 12:24 AM

المشاركة الأصلية كتبت بواسطة ehab

طيب ايه رأيكم في الشراء من amazon

لا لا الشراء من على النت ده بالفيزا كارد وده موضوع خطر جدا وليه ناسه يعنى مش اى حد بيعرف يشترى من على الامازون .. وبعدين ممكن بردو الحاجه توصلك بالبريد مش هى اللى انت طلبتها وحركات كده مش مضمونه .. لا يا سيدى الشراء على ارض الواقع اضمن كتير من الشراء عبر الانترنت :)

شكراً على الفكره .. هفكر فيها بردو :)

**Dr.Mostafa Anwar** · 31-10-2011 12:28 AM

السلام عليكم... هأقولك على إقتراح

أنت تنزل وسط البلد في شارع محمد محمود اسأل على برج النضارات "برج الأطباء" وهناك هتلاقي أكتر من 50 60 شركة نضارات وعندهم كل اللي تتخيله وكل اللي موجود في أي شركة نضارات في مصر هتلاقيه هناك بنصف التمن أو أقل

وفي هناك شركة إتعاملت معاها إسمها "الشاعر" عنده النضارات اللي في مغربي تيبيكال وبتلت التمن وهيا نفسها بالظبط مافيش أي إختلاف....

وإن شاء الله تلاقي اللي أنت عاوزه وزيادة كمان

**Innovation** · 31-10-2011 12:30 AM

المشاركة الأصلية كتبت بواسطة amrezzat82

يا جماعة و الحل مش عند مغربي و لا بقلظى
المهم يكون حد مجرب من عند حد و كان الحاجة ولا بتقشر و اللون ثابت و العدسات ما بتتخربش بسرعة
جميع النظارات الأصلي لازم تكون إيطالي أو فرنسي أو إنجليزي
غير كده يبقى أونطة
كل الحاجات اللى جايه بيبقى أسمها هاي كوبي يعنى تقليد نظيف
و مش حتقدر تعرفه إلا لما تعرف من كل ماركه تعرفها إزاي أو لما يكون اللى بيدهالك أمين
عشان كده قلتلك فى فى شارع 9 ناس محترمة و فى فوسط البلد ناس محترمة
و على فكرة مش لازم يكون معاها كارت ولا حاجة

يعنى مثلا الكود بتاع النظارة ده جايبها من سنة و نص هى نظر بولس police v 8377 53 17 col 0584 140
ممكن لو دخلت على الشركة بتاعته أو أي حد كويس على النت حتلاقي بالمللي النظارة اللى فى إيدك
police v8377
police v 8377 | police eyeglasses

مش لازم يعنى تروح تشتري على طول شوف أي ماركة أنت عايزها و شوف الموديل و روح شوف عند محلات نظيفة و خد الكود و خش تاني ممكن تلاقي فرق يبقى النظارة مضروبة و ممكن تلاقي عيوب فى الطلاء فى حتت معينة اللى مش باينة خصوصا أن بعض المواقع بتجيب صور واضحة جدا من جميع الإتجاهات

طيب فعلا ده كلام معقول جدا .. هدخل على موقع الشركه واجيب اسم ورقم وكود الموديل اللى انا عايزاه وانزل ادور عليه بحيث اتأكد من الكود .. ده حل كويس بردو جداً .. ممكن اختار اكتر من موديل واروح ادور عليهم واجربهم واللى تليق معايا اجيبها .

بس سؤال يعنى هوه فين شارع 9 ده ؟؟

شكراً على التعليق المفيد جداً ربنا يكرمك ان شاء الله :)