الموضوع: لو جي الرهيبه

ربنا يكرمك ويباركلك فى عربيتك ...

والله نفسى فى جهاز رادار لانى بحب الجرى وبحاول ما احبوش لان خايف على العربية لاقدر الله لكن العربية نفسها كويسة انا خايف من الطريق
على فكرة انا مسافر بكره وربنا يستر لانى بحب اجرى شوية ادعولى اكون هادى ويجيب العواقب سليمة يعنى 120 او 130 كفاية وكمان لسه العربية جديدة عاملة 300 ك بس
ربنا يستر ان شاء الله

ما شاء الله و لا قوة إلا بالله

المشاركة الأصلية كتبت بواسطة dr_mohamed16

هو ليه اصعب حاجة علينا اننا نلتزم بقواعد المرور !!!!
ليه 140 و 160 !!!
ايه اللى الواحد بيكسبه !!!! ولا هومجرد احساس بكسر القواعد وخلاص!!!!!
ليه مش بنفكر فى اولدنا و اهالينا لا قدر الله لو حصل حادثة !!!!
حادثة بالسرعة ديه مالهاش حل غير الموت
ونرجع نقول الثورة مغيرتش الناس !!!!
هى الثورة اللى هتغير الناس ولا الناس اللى هيغروا نفسهم !!!
اسف لو كان كلامى جاف شوية
بس بجد انا مستغرب قوى و بقينا نتكلم عن كسر القواعد كأنها بقيت حاجة عادية جدا

انت طبعا معاك حق انا كل الهدف اني اشوف العربيه امكانياتها ايه من ناحية الثبات على السرعات العاليه ونجحت التجربه وحبيت اشرككم فيهاودي حاجه نادره جدا لما اعملها
انا اغلب مشاويري في القاهرة وطبعا القاهرة ما تقدرش تزيد في السرعه عن 90 او 100 في الهايواي
انما اللي شجعني اني اجرب ثبات العربيه في السرعه دي والطريق ما شاء الله والله كأنك ماشي على 80 90 وانت بالسرعه دي 140 160 الطريق ناعم شكلهم صرفوا عليه كتير 4 حارات كمان وبيقولوا انه مفتوح السرعه والله اعلم
انما السرعه طبعا مش حاجه حلوه ومش بتبان فايديتها الا في المسافات البعيده جدا وانت بتسرع لازم تكون عارف انها فيها مخاطره كبيره جدا ولازم الطريق يكون مساعد
تاني حاجه الثورة مالها ومال القصه دي انت دخلت السياسه في تجربة اللوجان وتجربة ثباتها في السرعات العاليه هههههههههههههههههه
ثالث حاجه الواحد بيلتزم بالقواعد والحمد لله والمفروض الكل يلتزم بالقواعد بتاعة المرور بس لما تلاقي جايلك مخالفات في اماكن عمرك مارحتها تقول فيها ايه دي مره جالي 1500 جنيه مخالفه تعمد تعطيل المرور في منطقه ولا عارف بتتراح ازاي ولا رحتها اصلا وفي وقت قبل الثورة على طول واطريت ادفعها وحسبنت عليهم كلهم اللي تسببوا في المبلغ اللي دفعته
ولما تيجي تلاقي ضباط المرور طبعا قبل الثوره بيستغلوا السلطات اللي في ايديهم في انهم يدخلوا بيتهم فلوس حرام رشاوي تقول عليها ايه
ولما تلاقي المرور في كل مكان الرشوه ماشيه فيه زي زمان واكثر كمان حتى الان تقول ايه عليها
دوووووول اللي عايزين قواعد تلمهم وقوانين ومراقبه عليهم وصدقني لو جهة امنيه تانيه غير الشرطه فيها عداله راحت اي مرور يوم واحد هتمسك حالات الرشاوي دي لدرجه مممكن تشمع المرور بالشمع الاحمر وكل الموظفين يروحوا في حديد لان بقيت ثقافه عند موظفي المرور
طبعا ده خطأ ومش مبرر لكسر القواعد والقوانين بس انا حبيت اتكلم معاك طالما انت بتقول رأيك يبقى تغطي الموضوع بالكامل ويكون موضوع تاني غير الموضوع ده نتكلم فيه مع بعض والناس تشاركنا ويكون في قسم خاص بالكلام ده
الموضوع اللي انا كاتبه ده حاجه والكلام اللي عايز تقولوا ممكن نعمله موضوع تاني في قسم يسمح فيه المنتدى اننا نتكلم فيه بحريه عشان قواعد وقوانين المنتدى لازم تحترم برضه هههههههههههههه وانا بهزر طعا
وشرفت الموضوع اخي الكريم وكل عا م وانتم بخير