الموضوع: لو جي الرهيبه

بسم الله الرحمن الرحيم
اخواني اللوجانيه
انا من يومين العربيه بتاعتي لوجان بصراحه كبرت في دماغي خالص وحبيتها جدا
مع العلم اني مجرب عربيات ياما من البيجو505 الطياره والنيسان صني والفولفو والتويوتا يعني سوقت عربيات ياما
بس العربيه اللي كانت قبل اللوجي بتاعتي اللادا 2107 وكسرت وراها قله بعد ما بعتها وخلصت منها
المهم
انا سافرت يومين اسكندريه وكنت جيبت جهاز كاشف رادار قلت اجربه بالمره في طريق طويل
وبصراحه اول مره اركب طريق اسكندريه بعد التعديلات الجامده اللي تمت فيه
المهم ما اطولش عليكم
العربيه كانت عامله حوالي 6000 وكنت يادوبك طالع من صيانه ال5000 بأسبوع
المهم الطريق شجعني اني ادوس
وواااااااااااااو
العربيه اللوجن دي طيبارة صاروخ مش---- عربيه خالص
انا كنت ماشي على 140 وشويه اعلى ل 150 وشوية 160 ولما كنت بهدي كنت بنزل بالسرعه ل 120
باخد الملفات على 140 و150
العربيه راسيه على الارض ما فيش هزه ومتعه ما بعدها متعه
انا كنت مشغل التكيف وانا رايح وانا جي على اقل درجه ومقلل البروده عشان اقفل الشببابيك
اللي لاحظته يا جماعه العربيه تحفه انا ما هديتش طول الطريق 140 و150 و160 طول الطريق سبرنت
العربيه كنت مصفرلها العداد بتاع الاستهلاك والبنزين العربيه استهلاكها ثبت على 7 ليتر لكل 100 كيلو
وانا بالسرعه دي استهلاك رائع بالنسبه للسرعه العاليه دي يعني تعمل 280 كيلو في الصفحيه
تصدقوا العربيات اللي كانت بتتخطاني مش اقل من بي ام دابليو ومرسيديس بصراحه اول مره اشوف العدد الكبير ده من عربيات البي ام دبليو والمرسيديس ههههههههه لان ما فيش غيرها بيتخطاني
وانا بعدي كل العربيات التانيه
وانا راجع كاشف الرادار لاقيته بيديني انذار قعد يعلى يعلى لحد ما كان الجهاز بيصفر انا قلت اكيد فيه رادار هديت ل100 وببص يمين شمال اني اشوف رادار بس عديت عربيه من على الشمال لاقيتها ماشيه على 90 كده عربية شرطه يا جماعه الظاهر فيه رادار متنقل في عربيات الشرطه جهاز كاشف الرادار عمل فضييحه وانا معدي لحد ما سبقتها بحوالي 300 متر بدأ يهدأ لحد ما سكت خالص ورجعت مشيت تاني على 150 لحد ما وصلت بالسلامه مصر
بصراحه التجربه اللي انا عملتها دي
العربيه عليت في عيني خالص وحسيت اني اشتريت عربيه قيمتها اكبر بكثير من سعرها
اتمنى ان تعجبكم التجربه دي
انا بأنصح كل اصحابي اللي عايزين يشتروا عربيه في حدود ال 71000 انهم يتوكلوا على الله ويجيبهوا لانها اعلى عربيه في فئته السعريه بكل تأكيد

خلي بالك ياباشا ساعات جهاز الرادار ديتيكتور بيصفر عند اي محطة محمول او لما يلقط اي موجة واعتقد لما كنت ماشي جنب عربية الشرطة وعربيات الشرطة بيبقي فيها موجة الاف ام بتاعة الاسلكي الخاص بيهم ودي موجة قصيرة اعتقد يكون هو لقطها ... لاني عندي الجهاز برضو بيعمل كده لما يقرب من شبكة محمول مستوي الموجات فيها منخفض