حكايتى مع كلبش المرور

**احمدعبدالعزيز** · 31-10-2011 12:36 PM

السلام عليكم ورحمة الله

الحكايه بختصار ان كنت فى مول سان استفانو وركنت العربيه امام المول ولما رجعت لاقيت العربيه متكلبشه والصراحه انا غلطان لانى عارف ان المكان دى ممنوع وعموما قولت اروح ادفع المخالفه وامرى لله ..

روحت سألت العسكرى قالى الظابط واقف على البحر روحت على البحر مالقيتش حد واقف لاقيت عسكرى تانى سألته عايز افك الكلبش قالى الظابط واقف عند الترام رجعت تانى مالقيتش حد بداءت اشعر بالتعب والقرف روحت العربيه وانتظرت اكثر من نص ساعه ومعايا المدام والولد ومش عارف اعمل اول مره اتكلبش واتحط فى الموقف الزباله ده ..

وبعد شوايه لاقيت واحد زميلى فى الشغل جاى يسلم عليه وهو بيضحك ويقول فك الكلبش وامشى وسيبك منهم قولتله وهو ينفع قالى ينفع عملتها قبل كده فى القاهره !!!!!!

بصراحه يا جماعه انا غلط وفكيت الكلبش بنفسى وكمان راميته جنب الرصيف ومشيت ومش عارف ايه عقوبة فك الكلبش ياريت حد يقولى هو غرامه وله ايه النظام واسف على الاطاله ..

**MohssenRashed** · 31-10-2011 02:08 PM

المشاركة الأصلية كتبت بواسطة أبو صلاح

لا قولي انت
فكيت الكلابش ازاي ؟

+1111111111111111

**megaman** · 31-10-2011 02:12 PM

بقول لحضرتك ايه انت مش غلطان قوى هما اللى ملزمين يعملوا اماكن انتظار مش يبنوا عمارات ومدارس ومولات وجوامع وسينيمات بدون دا هما اللى عايزين يتكلبشوا المرور ده جهه ملهاش اى علاقه بالمحافظه ده حتى متخاصمين ما بيكلموش بعض انا لو منك كنت رميته فى البحر او اخدته تذكار انا لو اقدر اقف عدل ايه اللى حيخلينى اقف ممنوع احنا عربياتنا فى الشغل بنقف صف تالت والسايس طول النهار يشيل دى ويركن دى هل نسيب الشغل ولا نبنى جراجات ولا نبيع العربيات !!!

**احمدعبدالعزيز** · 31-10-2011 02:31 PM

المشاركة الأصلية كتبت بواسطة أبو صلاح

لا قولي انت
فكيت الكلابش ازاي ؟

هههههههههههه المهم مش فكيته ازاى المهم الغرامه ايه انا سمعت انها ممكن توصل الى سجن

وعموما انا ضربته برجلى اكثر من مره لاقيته اتفك دى اصل من كده مفيش .

**أبو إياد** · 31-10-2011 03:26 PM

عملتها من سنتين كنت نازل من عند الكتور ومراتى تعبانه فكيته بمفتاح 10 واديته للسايس ومشيت والعربيه جددتها ومجاش عليها حاجه
يا احمد بك ربنا اللى كان عالم بظروفك
ماتشيلش هم

**aif** · 31-10-2011 03:32 PM

المشاركة الأصلية كتبت بواسطة احمدعبدالعزيز

هههههههههههه المهم مش فكيته ازاى المهم الغرامه ايه انا سمعت انها ممكن توصل الى سجن

وعموما انا ضربته برجلى اكثر من مره لاقيته اتفك دى اصل من كده مفيش .

ضربت الكلابش برجلك كام مرة راح الكلابش مفكوك
انت معجزة يا احمد

**tarek_2005** · 31-10-2011 04:02 PM

اعتقد غرامة الوقوف في الممنوع + غرامة تبديد مال عام

**أبو إياد** · 31-10-2011 04:10 PM

النص ده من 2009

المخالفة : عدم ارتداء السائق حزام الأمان
الغرامة : 100 إلى 300 جنيه
العقوبة : الحبس من 1 شهر إلى 3 أشهر

المخالفة : استخدامك التليفون المحمول يدويا
الغرامة : 100 إلى 300 جنيه
العقوبة : لا يوجد

المخالفة : السير عكس الاتجاه
الغرامة : 1000 إلى 3000 جنيه
العقوبة : لا يوجد

المخالفة : الانتظار الخاطيء
الغرامة : سحب رخصة القيادة مدة لا تقل عن شهر.
العقوبة : لا يوجد

المخالفة : إزالة أو فك الكلابش بمعرفتك
الغرامة : 200 إلى 1000 جنيه.
العقوبة : الحبس مدة لا تزيد عن ستة أشهر.

المخالفة : ارتكاب أفعال مخالفة للآداب العامة داخل السيارة
الغرامة :ليس أقل من 300 جنيه.
العقوبة : الحبس مدة لا تزيد عن ستة أشهر.

المخالفة : قيادة المركبة ليلا بدون استعمال الأنوار الأمامية المقررة والأنوار الخلفية الحمراء أو عاكس الأنوار المقررة.
الغرامة : لا يوجد
العقوبة : سحب رخصة القيادة مدة لا تقل عن ستة أشهر.

المخالفة : قيادة المركبة في مواكب خاصة من دون تصريح.
الغرامة : لا يوجد
العقوبة : سحب رخصة القيادة لمدة لا تقل عن شهر.

المخالفة : عدم وجود مثلث عاكس للرؤية.
الغرامة : لا يوجد
العقوبة : سحب رخصة القيادة لمدة لا تقل عن شهر.

المخالفة : عدم وجود حقيبة إسعافات أولية بسيارتك
الغرامة : لا يوجد
العقوبة : سحب رخصة التسيير مدة لا تقل عن شهر.
المخالفة : استخدام الأنوار المبهرة ليلا
الغرامة : لا يوجد
العقوبة : سحب رخصة القيادة مدة لا تقل عن شهر.

المخالفة : عدم استخدام غطاء الرأس الواقي أثناء قيادة الدراجة النارية
الغرامة : ليست أقل من 100 جنيه.
العقوبة : لا يوجد

المخالفة : الامتناع عن نقل الركاب (بالنسبة للمركبات الأجرة)
الغرامة : 300 إلى 1500 جنيه.
العقوبة : لا يوجد

المخالفة : القيام بطلب اجر أكثر من المقرر (بالنسبة للمركبات الأجرة)
الغرامة : 300 إلى 1500 جنيه.
العقوبة : لا يوجد

المخالفة : نقل عدد من الركاب يزيد عن الحد الأقصى المقرر (بالنسبة للمركبات الأجرة)
الغرامة : 300 إلى 1500 جنيه.
العقوبة : لا يوجد

المخالفة : نقل الركاب من غير مواقف الانتظار المخصصة. (بالنسبة للمركبات الأجرة)
الغرامة : 300 إلى 1500 جنيه.
العقوبة : لا يوجد

المخالفة : مخالفة خط سير المركبة الأجرة المحدد.
الغرامة : لا يوجد
العقوبة : سحب رخصة القيادة مدة لا تقل عن شهر.

المخالفة : السير بالسيارة الأجرة بعطل العداد.
الغرامة : لا يوجد
العقوبة : سحب رخصة القيادة مدة لا تقل عن شهر

**zago** · 31-10-2011 06:12 PM

المشاركة الأصلية كتبت بواسطة megaman

بقول لحضرتك ايه انت مش غلطان قوى هما اللى ملزمين يعملوا اماكن انتظار مش يبنوا عمارات ومدارس ومولات وجوامع وسينيمات بدون دا هما اللى عايزين يتكلبشوا المرور ده جهه ملهاش اى علاقه بالمحافظه ده حتى متخاصمين ما بيكلموش بعض انا لو منك كنت رميته فى البحر او اخدته تذكار انا لو اقدر اقف عدل ايه اللى حيخلينى اقف ممنوع احنا عربياتنا فى الشغل بنقف صف تالت والسايس طول النهار يشيل دى ويركن دى هل نسيب الشغل ولا نبنى جراجات ولا نبيع العربيات !!!

ايه ده هو انت انا ؟؟؟

الموضوع: حكايتى مع كلبش المرور

LinkBack

أدوات الموضوع

عرض

حكايتى مع كلبش المرور - انشر الموضوع فى :

-

-

-

-

-

المواضيع المتشابهه

كلبش عجل السياره

حكايتى مع كلبش المرور

حكايتى مع المرور

كلبش الدريكسيون

الكلمات الدلالية لهذا الموضوع

المفضلات

المفضلات

ضوابط المشاركة