طن الحديد زاد تاني وصل 7700

**محمد المشد** · 19-05-2008 03:21 PM

على فكرة ليس دافعاً عن عز او غيرة الحديد هنا بالسعودية وبشركة حكومية زاد منذ يومين 585 ريال للطن نفس اليوم اللى زود فيه عز اسعار الحديد ، ولا ادرى ماهى العلاقة بينهم 00الا اذا كانت الزيادة عالمية مش متأكد
وبالنسبة للاسعار اعتقد ان الحديد سوف يصل الى 10000 جنية على نهاية العام

**pendodo2002** · 19-05-2008 03:24 PM

المشاركة الأصلية كتبت بواسطة محمد المشد

على فكرة ليس دافعاً عن عز او غيرة الحديد هنا بالسعودية وبشركة حكومية زاد منذ يومين 585 ريال للطن نفس اليوم اللى زود فيه عز اسعار الحديد ، ولا ادرى ماهى العلاقة بينهم 00الا اذا كانت الزيادة عالمية مش متأكد
وبالنسبة للاسعار اعتقد ان الحديد سوف يصل الى 10000 جنية على نهاية العام

احمد عز يملك حوالي 30% من حديد الشرق الاوسط ...
رفعه للسعر يرفع بالمقابل سعر الحديد في الدول المستورده منه ومنها السعودية و الامارات

هذا والله اعلم

**pendodo2002** · 19-05-2008 03:44 PM

تأكيد رسمي للخبر من صحفتي المصري و الجمهوريه
http://www.masrawy.com/News/Egypt/Ec.../19/steel.aspx

السعر 7700 جنيه للطن يوم الاحد
بسم الله ما شاء الله

**alaa_dash** · 19-05-2008 03:57 PM

احمد عز من تاجر مواسير في القللي الي رئيس لجنة الخطة و الموازنة بالمجلس الموقر

**casperinoo** · 19-05-2008 04:48 PM

واللهي النهارده الصبح راجل في المترو عمال يكلم نفسه ويكلم الناس اللي حواليه ويشكي همه
الراجل ده راح يسأل علي سعر الحديد ...اللي بيبيع قله ب 7200 رجع البيت يجيب الفلوس رحله تاني قله ده السعر زاد 400 جنيه...حاجه صعبه قوي ...

**asdfg** · 19-05-2008 04:53 PM

انت عايز تقلى كمان .... اسلق و أحمد ربنا أن المية لسة رخيصة
:embarrassed2:

المشاركة الأصلية كتبت بواسطة pendodo2002

هيا 6 ادوار (المفروض) بالارضي ... (طلع منهم 3 لحد دلوقتي وباقي 3) واحد طلع بـ 1800 و التاني بـ3900 (وبعدين طلعت اشاعه ان الحديد هينزل 3000 تاني وبشكل مؤكد ... فتوقف) و بعد كدا بنى التالت من فتره قريبه على 5300 تقريبا ... دلوقتي الطن ماشاء الله بقا بـ 7600 ... اللي هوا الادوار الجايه هتتكلف 4 اضعاف الدور الاول و ضعفين الدور التاني تقريبا !!!!!

بالنسبه للحوائط الحامله ... مش عارف بس معتقدش انه سهل يقتنع بحوار زي دا إلا لما تجيبله استاذ دكتور مهندس ويقعد يشرحله بالتفصيل الممل

هقلي الطعميه والباذنجان و الفلفل في الميه ؟؟

يارب هون التلات سنين اللي فاضلين

**nasr-eldeen** · 19-05-2008 05:43 PM

سعر حديد عتال يوم الخميس 7050ج يوم الجمعة 7200ج أمس 7500ج حديد عز أمس 8000ج الأسعار دي غير حقيقية اليوم وقابلة للتغيير طبعاً للزيادة .
والأخ اللي بيقول إن سعر الحديد في السعودية زاااااااد وبقى 585ريال في 1.45قرش يعني محصلش 25% من سعرة في مصر (محدش يقولي جمارك )الباشا شالها وشلنا ومحدش يقدر يستورد غير االلي بالع السوق في مصر محتكري سوق تصنيع الحديد في مصر أصبحوا بقدرة قادر محتكري الاستراد ( عز - العتال - بشاي ) ودمتم .

**Adham_Sabry** · 19-05-2008 05:48 PM

القاهرة - محرر مصراوي - سجل طن الحديد الاحد أسعارا تراوحت بين 7500 و7700 جنيه في محافظات مصر.
وقالت صحيفة المصري اليوم ان التجار شكوا من قلة المعروض بالأسواق من المقاسات شائعة الاستخدام، خصوصا 10 و12 و8 مللي.
من جانبه، قال علاء النجار، عضو مجلس إدارة الشعبة العامة لمواد البناء، إن هناك تعطيشا في السوق، والوكلاء يبيعون الحديد للتجار الصغار بـ7 آلاف جنيه للطن، حسب المناطق والنولون، وتابع: لا نعرف إذا كان نقص المعروض متعمدا أم لا، خصوصا في مقاسات شائعة الاستخدام مثل 12 و10 مللي.

نقلا عن مصراوي
http://www.masrawy.com/News/Egypt/Ec.../19/steel.aspx