يا جماعة الهوندا افيدونى ارجوكم.......

**sign_net** · 31-10-2011 09:02 PM

السلام عليكم الاول

بصوا يا جماعة فى عربية واحد صحبى هوندا 1993 عارضها للبيع عايز اخد رايكم فيها و تفيدونى علشان انا محتار جدااااااااااااا و مش عارف اعمل ايه

وصف العربية :

هوندا سيفيك 1993 si - اوتوماتيك - فتحة سقف - 4 زجاج كهرباء - موتور 1600

رحت رفعتها فى البنزينة و لاقيت :

العربية اساسيتها سليمة مش رشة جوة و القوايم سليمة وكبس الموتور 72% و عاملة 170000 كم و الشاسية تمام بس كانت واخدة مطب جامد شوية ففى تانية عند التانك كده اللون فضى بس عايزة تترش من برةعلشان متبهدلة شوية و عايزة فرش داخلى بردة و شكل التابلوة و الابواب متوسطة

المطلوب فيها 40000 جم و ده من الاخر بس انا قلقان من قطع الغيار لان لما سالت قالولى قطع الغيار غالية جدا و مش متوفرة كتير

اية رايكم فى الحوار ده اخدها و لا ايه و لو اخدتها ممكن تتكلف كام علشان تبقى عربية تمام و ايه اللى يتعمل فيها و هل صحيح قطع الغيار غالية اوى و مش متوفرة و لا ايه يا جدعان

**SAMEH_FOUAD** · 31-10-2011 10:45 PM

طيب مبدأيا كدة تعرف ان المحرك دة قرصة او اتنين هتلاقى كبسة خف وبدأ ياكل زيت لان كبسة ضعيف

بالنسبة لحالة الصالون اهم حاجة سلامة جميع اجزاءة ووجود جميع الزراير ( التكييف - المرايات الكهرباء- سخان الزجاج الخلفى ) سلامة ريش التكييف ( جانبى وامامى ووسطى )

وجود الطفاية فى الامام والخلف والامامية يوجد بها نور عند الفتح , درج التخزين الاوسط الموجود خلف حامل الاكواب تأكد من سلامتة وخلى بالك الدرج دة سوستة يعنى بيرجع بقوة وبيتفتح بردة بتقل خفيف وبردة تأكد من سلامة حامل الاكواب تكة للفتح وتكة للقفل

ولو فية اى حاجة قول عليها واحنا نفيدك

قطع الغيار متوفرة جدا ( اصلى غالى وتمنة فية - يابانى كويس جدا وسعرة كويس جدا - تايوانى مانصحكش بية لانة رخيص ومش بيعيش - استيراد متوافر جدا وسعرة رخيص وممتاز وانصح بية لو حالتة ممتازة )