هو ده رأيي
مدام حضرتك جاد في الموضوع يبقى تدخل في الجد دوغري
عرض للطباعة
هي الفكره ادل دوغري او مدخلش دوغري لان طريقه تفكير الراجل تختلف عن البنت
يعني ممكن اي بنت هتموت تحب و تتخطب و تتجوز بس بتتكسف و بتقول ايه دة هو عايز ايه مني بالظبط
فانا مش عايز ابوظ اخر فرصه ليه معاها و طبعا انا غرضي جاد معنديش وقت و لا دماغ للعب ببنات الناس بس بحاول اوصل ازاي معرفش؟
السؤال المباشر عن نمرة الاب مش هينفع في رايي لانها اكيد هتصد بدافع الخجل و بدافع طبيعتها برضه و الاخت ممكن متهتمش او تخاف اختها تتخانق معاها فتقولي لاء
حسب شخصيه اللي قدامي مينفعش
دي عايزة بنت جريئه قلبها جامد اتحطت في الموقف دة 100 مرة قبل كدة
هي المعامله عادي جدا ولا كان حاجه حصلت و لسه امبارح ماشي معاهم للعربيه و بتكلم معاها عادي و ضحكت كمان علي حاجه قلتها و الدنيا حلوة كاصدقاء او زمايل بمعني اصح
لحسن الرز يشيط يا تربو يا خويا
مهو دماغنا انا و انتي بتخوف بنات كتير رغم ان احنا جاديين بس هما هيبقوا شايفينا جامدين من غير مشاعر مجرد بنت عايز اتقدملها و خلاص
كل اللي فات دة حصل بس انا واقف علي جزئيه ان انا اسالها تاني
لانني ببساطه ممكن اخد نفس الرد - انا عايز اعمل حاجه نخلي الرد في صالحي هي ايه معرفش
:36_1_50[1]:
بيس يا مان
انا معاك و كنت صليت استخاره في الاول قبل مسألها طبعا
صديقي العزيز ،
موضوع محير فعلا بس انا عايز اقول لحضرتك حاجة .. البنات أشكال و أنواع فامفيش أسلوب واحد متبع لكل البنات او نحل بيه المواقف اللي زي كده ..
بس انا هقولك حاجة ،،،
ممكن تكون احرجت منك طبعا لدخولك مرة واحدة كده بس ... ساعات الداخلة ده بتعجب بنات كتير نظرا لشاجعة الرجل في مثل هذه المواقف .
رأيي إنك هتقدم مرة تانية مرة واحدة برده بس بخطوات التالية :-
1- تصلي صلاة إستخارة كذا مرة و ما تفتحش معاها الموضوع خالص كام يوم .
2- حاول تخلي تعاملك معاها طبيعي جدا و لا تجعلها تحس بأي حاجة .
3- لو فعلا مستريحلها اوي و هي فعلا تستاهل راقبها و أعرف مكانها فين ، أعرف شغالة فين ، أسرتها كويسة و لا لأ .. يعني تحرى جميع المعلومات عنها و لو كله تمام .
4- تخش عليها مرة واحدة تانية و تقولها أنا عايز أتقدملك و أرتبط بيكي من الباب و بطريقة الصح و بشرع ربنا بس خلي بالك حاول تقولها كده مش في الكورس طبعا يعني و هي مروحة و بعد و تطلعوا من الكورس تقولها كده .
لإن النوع ده مش هينفع معاه الطرق السهتنة السخيفة و لا طرق التقليدية العبيطة .. قولها انا بتقدملك و هتقي الله فيكي و عايز أكمل نص ديني رأيك ايه و بدون خجل عايز أتقدملك في البيت .
متهئألي ده الطريقة اللي هتنفع في مثل هذا الموقف بس خلي بالك عايزة شجاعة منك طبعا يا بطل .
و ربنا يوفقك و يهديك لصالح الأعمال
السلام عليكم ورحمة الله وبركاته
ربنا يوفقك اخى الكريم فى هذه الخطوة ان شاء الله
بس اخى الكريم عايز اوضح لحضرتك بعض الحاجات
اولا انت اتعرفت على الانسة فى كورس يعنى معلش متعرفش بيتها فين منطقتها ايه المكان اللى اتربت فيه اصحابها جيرانها
ثانيا : معلش ماخدتش وقتك علشان تعرف طريقة تفكيرها
ثالثا : انت عايز ترتبط بيها بما يرضى الله
كويس يبقى لازم تخش البيت من بابه بس واهم حاجة كلمة بس
اولا زى ماقلوا الزملاء صلاة الاستخارة ثم
حاول تعرف هى سكانها فين وتسأل سؤال عابر عنها وعن اهلها بطريقة غير ملفته
استريحت لنتيجة السؤال خش من الباب باى طريقة انت شايفة صالحة للموضوع ده
وزى ماقال احد الزملاء الكرام اهم حاجة الاهل لو استريحت ليهم وانشرح قلبك
وكمان اهلك استريحوا ليهم اتكل على الله وبجد بجد دى اهم خطوة علشان انت تستريح فى المستقبل ان شاء الله
ياعم فكك! والله العظيم انت عايش أحلي ايام حياتك.........!
بكره تفتكر الكلام ده!!!!!!!!!!!
تحياتي.
انا حاقولك تعمل ايه بمنتهى الامانة لانى مريت بالتجربة دى وللاسف ... وانا بالضبط زى زميلتك دى ماليش كان اى تجارب وكنت فى حالى والحمد لله مازالت ولان كان مفيش وضوح من الشخص الاخر ماتعرفش حاجة عن اللى قدامك مش مخليك عارف امكانياته ولا ظروفه ولا معاه كم وبيدور على شقة بكم دايما عايش فى شك مفيش وضوح دايما كلامه متناقض مع بعضه حبة حاجى اتقدم من غير شقة لا انا بدور على شقة حبة اخويا عايز يسفرنا عنده .... الى اخره مع انى فى بداية الامر كنت قايلة له انى مش زى بقيت البنات ماليش فى مواضيع اللف والدوران وعملت زى زميلتك بالضبط وكان رده غرضى شريف مستنى لما يعدى شهر رمضان واتقدم لك واجى بمظهر كويس مع العلم ان والدى هو يعرفه كويس وفى النهاية الموضوع بقه مش واضح دايما مشاكل لانه مش واضح معايا المهم علشان ماطولش عليك
اول حاجة لازم تقف مع نفسك انت عايز منها ايه بالضبط لو ناوى على جواز وامكانياتك مساعدة اطلب تقابل والدها ولو محرج تكلمها كلم اختها وهى تحدد ميعاد مع والدها فى البيت عندهم مفيش احسن من الوضوح وفترة الخطوبة كفيلة انها تخليكم تفهموا بعض اكتر لانك مش حاتتجوزها هى وبس لا ده عايلتك وعايلتها لازم بردو يتعرفوا ويفهموا بعض وحاتكون الامور واضحة اكتر ولو فى فترة الخطوبة ماحصلش توافق وايه يعنى ؟؟ ربنا يوفقك ويوفقها
لكن لو عايز تدرسها وتدرسك والكلام ده من غير خطوبة وماكنش ينفع خلاص حاقول لحضرتك احنا مش فى بلد اوربية احنا لينا مبادئ ودين بيحكمنا ودايما انظر لها انها زى اختك تقبل حد يعمل كده معاها ولا احسن انه يدخل من الباب ويكون الموضوع كله قدامك وقدام والداك وواضح وبخطوات مدروسة وبعدين من كلام حضرتك دى مالهش فى اللف والدوران والموضوع ده علشان النهاية تكون سعيدة لازم تدخل البيت من بابه
لا حول ولا قوة الا الله .. جواز http://www.nilemotors.net/Nile/image...titled%201.bmp .. اعوذ بالله من الشيطان الرجيم .. نصيحة يا ابنى .. لو عايز تكمل نص دينك اتجوز .. ولو عايز يكفر دينك .. اتجوز برضه
استخير الله ثم فاتحها فى الموضوع بتمهيد بسيط انك بتدور على بنت الحلال و عاوز تكمل نص دينك و انك شايفها مناسبة و هكذا حتى لا تحرج مثل المرة السابقة
و بالتوفيق