طب انا ليه سؤال يا اخت دونزي
لو واحد غريب قال انا معجب بيكي و و هي اساسا هتفقد السمع عند الكلمه دي و مش هتسمع الباقي و الخجل هيبوظ كل حاجه يبقي ايه العمل
حد يدينا المفتاح يا جماعه بنات الايام دي عايزين ايه ؟
عرض للطباعة
بص ياباشا مفيش حاجة أسمها خايف تضيع من أيدك أنت كل ألى جواك وعاوز تقولة قولة انت قلقان من أية صلى أستخارة وروح كلمها وقولها أنا بصراحة معجب بيكي وعاوز أتعرف على الأهل وأجى أتقدملك ولو انتى مبتفكريش فى الموضوع دا أو رافضة صدقيني أنا مش هفتح معاكى الموضوع تانى وأحنا زمايل ومفيش أى مشاكل ولو عاوزة تفكرى وتردى عليا بردو مفيش مشكلة كدا أنتا زنقتها فى خانتة اليك وجبت من الأخر حتى لو هى مردتش عليك فى وقتها متسئلهاش تانى.... وأوعى يا استاذ شريف تزعل على واحدة فــ يــــوم وعلى رأى محمد هنيدي ( أوعى تثق فى أى واحدة ست ألا أمك ولو أبوك طلقها متثقش فيها) ههههههههههههههههه وطبعا فكرة أنك تروح تكلم أختها أنا رافض الفكرة دى تماما لأن ببساطة البنات بتغير من بعض جدا وسوس جدا مع بعض حتى لو كانوا أخوات !
تقبل مرورى وفى أنتظار تقولنا عملت أية
Ahmed.M
ما انت خلاص لمحت يا فندم !!! و سيبت مجال للتعامل و الاخد و الرد و بعدين وجود اختها معاكم فرصة كويسة
لو انت خايف من الاحراج بينك و بينها يبقى عليك و على اختها قوللها هي انا معجب باختك بس مش عاوز الموضوع يكون فيه اي احراج و بصراحة عاوز اتعرف عليكم اكتر بشكل رسمي و اطار عائلي و اتديها رقم تليفونك او تقولها هاستنى منك رد في المحاضرة اللي جاية
و ممكن تقول الكلام دا ليها هي مباشرة بس انت متخوف من الاحراج يبقى مفيش قدامك غير اختها و جمد قلبك شوية و اعمل استخارة و خليك متاكد ان ايا كان الرد فا هو دا الخير اللي ربنا كاتبهولك ان شاء الله
و المواضيع دي بتبقى نصيب و مافيهاش احراج ولا حاجة اصلا و ربنا يكتبلك الخير ان شاء الله
اعتقد ان لازم قبل مفاتحها في موضوع جواز مباشرة و اطلب نمرة الاب ان احاول اوصلها انا ايه و تفكيري ايه علشان تتطمنلي شويه علي الاقل
اكيد اعلم ان ما اصابك ما كان ليخطئك و ما اخطئك ما كان ليصيبك ( انا مريت بكذا تجربه قبل كدة و خطوبه مكملتش و لسه بتعلم )
هو الفكرة ان مهما كان اللي هقوله
اطلب منها نمرة باباها
او احاول معاها في الكورس الايام اللي جايه بهزار و احاول اخليها مبتسمه و في وسط الهزار اسالها تاني
او اطلب منها بطريقه مباشرة ان نقعد مع بعض نتكلم و ان انا عايز اتعرف عليها اكتر و هي كمان تتعرف عليه اكتر
مهما كان الاختيار اللي هعمله لازم مخليهاش تتحرج و الا هتبوظ اخر فرصه و مع شخصيه خجوله مينفعش اي محاوله تاني
كنت بفكر بصوت عالي شويه معلهش
انا فكرت اسال البنت اللي بتدي الكورس لانها بتحبها جدا و قلت ادخل عن طريقها ممكن هي تسألهالي بس ممكن متهتمش -
انسي يا باشا
دليل المستخدم دة عندنا احنا الرجاله بس
هما بينزلوا بفرجنش كتير جدا مش هتكون ابديتيت خالص ساعتها
اولا يا اخى يجب ان تصلى صلاة استخارة فاذا احسست بالراحة لهذا الموضوع فيجب ان تتقدم لها رسميا وان تقول لها مباشرة انك تريد الارتباط بها وتريد تليفون والدها لان اقصر طريق بين نقطتين هو الخط المستقيم فاذا وجدت منها قبولا للفكرة فتقدم لها وربنا يهيئ الخير اما اذا وجدت منها رفضا فتكون قد رسيت على بر وربنا يهيئ لك الخير مع فتاة اخرى اما فكرة التردد والانتظار فلا داعى لها لانه اهدار للوقت والمشاعر