كل عام وانتم بخير....... نخش فى الموضوع علطول
ظهرت عندى بعض المشاكل فى عربيتى اللانوس2 موديل 2005 من فترة وكانت عبارة عن صوت كركبة جامدة جاية من ورا لما اخد مطب او امشى على ارض مكسرة .... ولما رحت للميكانيكى غيرت المساعدينkyb والسوست والبطاحات مع بلى عجل خلفى وبالمرة غيرت البوجيهات بالكابلات بتاعتها مع الزيت والفلتر عشان افوق العربية ... والعربية اتظبطت بس بعد كام يوم ظهرت المشكلة تانى بتاعت الكركبة وزادت كمان ان بقى فيه صوت طقة مع لفة الدركسيون واخر مشكلة من يومين انى لقيت الدركسيون تقل مع صوت تزييق جامد جدااااااااااا عند اللف يمين او شمال مع صوت حاجة بتحك كده جاى من قدام عند حوض الموتور زى ما يكون سير بيحك فى حاجة بس ساعات بيختفى .... دى كل الاعراض الموجودة
المهم رحت لميكانيكى واصفهولى احد الاصدقاء ولما جرب العربية وحس بالكلام ده كله طلب منى تغيير حاجات كتير و قاللى اسعارها وهى:
1- مكنة باور عشان تزييق الدركسيون 400
2- بلى عجل 145
3- بطاحات 120
4- طقم جلب خلفى 150
5- طقم جلب امامى 90
6- بيض مقص امامى 220
7- طقم ميزان 80
8- عدد 2 مسمار كداب او كلاب 70 (اول مرة اسمع عنه)
9- طقم تيل خلفى 80
انا بصراحة حسيت انه بيشتغلنى سواء فى الطلبات او الاسعار... فجيت لخبراء المنتدى يفيدونى لقلة خبرتى فى رأيهم فى تشخيص الميكانيكى ده وهل الموضوع يستاهل كل الطلبات دى فعلا وهل اساسا الاعراض دى عاوزة ميكانيكى ولا اروح لعفشجى
مع العلم ان الوقت ضيق طبعا عشان اجازة العيد ومحتاج انهى الحوار ده قبل العيد ضرورى لظروف خاصة................ اسف للتطويل ومنتظر نصايحكم ............شكرا
المفضلات