تجربتي مع العفشجيه قبل العيد..يارب تفيد كل الاعضاء

**dramir1** · 18-09-2010 05:10 AM

قبل رمضان روحت بريدجستون ضبط زوايا وراجعت على النيتروجين وطلبت من الفني يراجعلي على العفشه
وسألته هل فيها حاجه ؟؟قالي كله تمام وماشاء الله عربيتك كأنهازيرو من تحت ..

قبل العيد بيومين سمعت صوت طقطقه في العجله اليمين بيروح وييجي وللاسف انا من النوع الوسواس شويه في عربيتي ممكن يجيلي الهسهس بسبب صوت بسيط ..طبعا ماكدبتش خبر لفيت على حوالي 5 عفشجيه كل واحد عنده رأي كما يلي::

الاول:عربيتك زي الفل وانت بس حساس شويتين.

-التاني:احنا لازم نفك العفشه كلها ونشوف العيب منين

-التالت:هي المساعدين عندك حلوه بس افضل اركبلك اتنين استيراد من عندي الاتنين ب 300 جنيه!!!

-الرابع: هي علبة الدركسيون مافيش غيرها هافكهالك ونراجع عليها وبعدها اكيد الصوت هايروح!!!!!!

-الخامس: احنا لوغيرنا العفشه كلها امامي وخلفي اكيد الصوت هايروح!!!!!!!!!!!!!!!!!

طبعا انا اعتبرتهم كلهم زي الدكتور اللي مش عارف التشخيص وعايز يكتب للعيان كل ادوية الصيدليه يمكن في الاخر يخف....

....قررت ان اروح لواحد سادس ودعيت ربنا قبلها انه يلهمه الصواب ويعرف العيب فين لاننا كنا يوم الوقفه ولو الصوت ده مكانش راح.. لايمكن قلبي هايطاوعني اسافر بالعربيه بالاولاد في العيد....وسبحان الله الراجل ركب معايا العربيه وقالي
المساعد اليمين بتاعك ده مفكوك ...وفعلا روحنا عند الورشه وافاجأ ان الصاموله بتاعة المساعد اليمين مهويه وهوده السبب ان الصوت كان بيروح وييجي شويه المساعد يشتغل وشويه يقفش

الراجل قام ربطهالي وانا مذهول اني خلصت بسرعه كده بدون فك عفشه ولا حاجه ....وسألته ايه رأيك العربيه ممكن تسافر الساحل ...قاللي تسافر اسوان
قمت اديته مصنعيته بزياده لانه ماشتغلنيش وعمل من الموضوع قصه

والحمدلله سافرت وجيت بالعربيه بثبات زي الفل والصوت راح خالص

عرفت فعلا ان الواحد لازم يشغل مخه مع الصنايعي ويربط مابين الاحداث .

يارب اكون افدتكم

**love7amada** · 18-09-2010 05:36 AM

طيب فين العفشجي ده

**grumby78** · 18-09-2010 01:59 PM

اغلب كلام الصنايعيه اشتغالات وبيجربوا فينا عشان كده لازم يبقالك واحد ثقه

**samaamahmod** · 18-09-2010 02:20 PM

يا جماعه انا عضوة جديده معاكم وبتمني من ربنا الاقي حد يساعدني في الموضوع ده انا بشد عربيتي من الصفر واحنا معندناش زي بره ورش كامله للعربيات وناس ذمتها سليمه تسلمهم عربيتك وانت مطمن ولاني بنت كمان النصب والاشتغالات بزياده
وشكرا للموضوع المفيد .

**Lion_Heart** · 18-09-2010 02:37 PM

المشاركة الأصلية كتبت بواسطة samaamahmod

يا جماعه انا عضوة جديده معاكم وبتمني من ربنا الاقي حد يساعدني في الموضوع ده انا بشد عربيتي من الصفر واحنا معندناش زي بره ورش كامله للعربيات وناس ذمتها سليمه تسلمهم عربيتك وانت مطمن ولاني بنت كمان النصب والاشتغالات بزياده
وشكرا للموضوع المفيد .

اهلا بيكى معانا
لو ليكى اخ و لا حاجة يبقى احسن انهم يتفاهموا مع الصنايعى و ابقى اكتبى منطقة سكنك و الاخوة يدلوكى على الصنايعية الكويسين

**zrzr1** · 18-09-2010 03:17 PM

المشاركة الأصلية كتبت بواسطة samaamahmod

يا جماعه انا عضوة جديده معاكم وبتمني من ربنا الاقي حد يساعدني في الموضوع ده انا بشد عربيتي من الصفر واحنا معندناش زي بره ورش كامله للعربيات وناس ذمتها سليمه تسلمهم عربيتك وانت مطمن ولاني بنت كمان النصب والاشتغالات بزياده
وشكرا للموضوع المفيد .

شكرا علي مشاركتك لينا الموضوع ده وربنا يكفينا شر الفتايين
هو حضرتك منين بالظبط ولو كده حد من الاخوه الاعضاء ينصحك بصنايعيه كويسسن ف نفس المنطقه

**zyadahmed** · 18-09-2010 03:44 PM

معظم العفشجية فى مصر زى معظم الدكاترة اللى فيها ( مفتيين ) وبيفتوا كمان عن جهل وربنا يرحمنا منهم لان الاتنين لاقدر الله ممكن يسببوا حاجات صعبة جايز توصل للموت كمان ربنا يستر

**dramir1** · 18-09-2010 04:07 PM

العفشجي بجوار مصنع التليفونات متفرع من كورنيش النيل-بالقرب من حدائق حلوان

**dramir1** · 18-09-2010 11:46 PM

اسمه رمضان العفشجي

-

الموضوع: تجربتي مع العفشجيه قبل العيد..يارب تفيد كل الاعضاء

LinkBack

أدوات الموضوع

عرض

تجربتي مع العفشجيه قبل العيد..يارب تفيد كل الاعضاء - انشر الموضوع فى :

-

-

-

-

-

-

المواضيع المتشابهه

تجربتي في تسقيط موتور 1400 علي ابيزا 99 لعلها تفيد حد

الاسره الهونداويه بتعيد على الاداره و الاعضاء بمناسبه العيد الاضحى

استشارة عاجلة لبعض المشاكل عاوزه حل سريع ممكن تفيد الاعضاء

دعوة لله يارب اعدي...............يارب

بما ان اجازة العيد بالنسبة لى ابتدت حبيت اقول لكل الاعضاء كل سنة و انتم طيبين

الكلمات الدلالية لهذا الموضوع

المفضلات

المفضلات

ضوابط المشاركة