الموضوع: شخصيات ميكروباصية ....!!!!!

المشاركة الأصلية كتبت بواسطة mesaharaty

والى حظه الوحش اللى يكون قاعد جنب الباب وعلى الكرسى القلاب يفضل ينزل ويطلع ويفتح الباب ويقفله وينزل ويطلع ويفتح الباب ويقفله ويوصل الأجرة اللى جاية من ورا

حزن أزلى

ههههههههههههههه فكرتني كنت رايح عزاء في الصعيد وملحقتش احجز قطار فركبت ميكروباص وقعدت في الكرسي ده من منتصف الليل حتى الصباح وكان في واحد بلديتنا مروح بلده وجايب قفص جوافة حاطه في الارض تحت رجليه مخليني مش عارف اقعد وكان رافع رجليه كأنه قاعد على الدكه في الدوار وكل شوية ينام ويريح فخاده عليا وعلى اللى جنبه من الناحية التانيه وكان نايم فاتح بقه وشكله كان واكل بصل على العشاء وكان الميكروباص واخد الطريق الغربي الصحراوي موقفش يريح وطلعت عيني طول السكة وانا على الوضع الغريب ده ....... اللى جنني وخلاني يجيلي انهيار عصبي هستيري اني وصلت الصعيد وكان موسم الجوافة هناك والشجر مليان جوافة والكيلو جوافة ببلاش ... كان نفسي اقابل بلدينا التييييت ده اللى كان مسافر من مصر الى الصعيد بقفص جوافة كنت لبسته القفص اللى قرفنا بيه طول السكة