الموضوع: هيونداى فيلوستر

ثمنها مش غالى على الاوبشنز اللى فيها و على تصميمها الثورى

و لو جيت تقارنها بالهاتشباك الاوروبى هتلاقيها تقريبا فى نفس مستواهم و اعلى منهم فى الكماليات قصاد ان العربيات الاوروبى اعلى شوية فى الخامات و فى التقفيل

المشاركة الأصلية كتبت بواسطة alnmr79

لو هاتش باك سيب من البرافو والليون الاوبل استرا ال2012 ملهاش حل وفى منها تربو توين معدى ال220 حصان يعنى يا باشا انتى راكب بورش.بص عليها واسال الناس اللى جابتها هتعرف انا رشحتلك اية.وكمان فى اقل شوية فى السعر وصناعة المانى باردو ومشاى حد بيركبها(فورد فيستا 2012)هما دول اللى ادفع فيهم فلوس وانا مبسوط مش هيونداى هاتش باك يا راجل اللى يدفع فيها كدة مع كامل احترامى للصناعة الكورى.

يا باشا الاوبل استرا العادية بـ 180 الف جنيه و التربو الـ 180 حصان مش 220 حصان فى حدود 220 الف جنيه .. و الاسترا الجديدة عربية حلوة بس مش تحفة يعنى و سعرها عادى مش مميز خالص .. الفييستا حلوة بس هتضحى بحاجات كثير اوى قصاد انك راكب فورد بس

سيارة لا تستحق بالمرة : كعادة الكوري ..تقفيل رخيص في الخامات و شكل ثوري عشان يبيع زي الانتراكده , لكن مبالغ في السعر جدا و حتنهار في اعادة البيع جدا

المبلغ ده يركبك عربية بجد زي بي ام 320 2006 او 316 2008 فول اوبشن , اوكتافيا كسيارة عائلية .

المشاركة الأصلية كتبت بواسطة alnmr79

الفورد الفوكاس مالها يا باشا؟
لو حضرتك جربت الاوبل استرا الجديدة وشفت الاداء والصالون ومستوى الفخامة وقلت عادية يبقى كدة ترشح اية؟؟؟؟؟؟
يا باشاالاسترا فى منها التربو ال180 حصان والتوين تربو وانا ركبتها فى الاردن ويوجد منها كمان محركات 1400 سى سى عادة وتربو والتوكيل بتاع منصور بينزل العادى والتربو والتربو ميتالك ولو عايز اى فئة اخرى بيجيبهالك بالطلب زى المرسيدس ممكن الفئة سى فى التوكيل فئتين و يكون ليها فى الشركة سبع فئات اخرى وانتى وطلبك .
بس يا باشا مش هو دة موضعنا.
انا قصدى من غير ماتشوف الاسترا او الجولف فانتى متوقع سعرها فى الحدود دى.
بس لما اقولك هيونداى هاتش باك ب165 الف وانتى طالع اكيد هتقول لية يعنى؟؟؟؟؟؟؟؟؟؟؟

يا باشا حضرتك قولت فييستا مش فوكاس

انا مبقولش انها عربية وحشة بس الفييستا هتضحى بموتور ، اوبشنز ، اسعار قطع غيار غالية ، اعادة بيع سيئة .. قصاد ان العربية حلوة و فورد و تستاهل بس انا بالنسبة لى الصفقة كلها مش ناجحة ..

يا باشا انا عارف ان ممكن التوكيل يجيب اى حاجة بس لما بنتكلم فى 220 الف للـ 180 حصان يعنى الـ 220 مش هتقل عن 250 الف دا يوم لما منصور هيكرمك يعنى .. يعنى حوالى اعلى 100 الف من ثمن الفيلوستر فئة ثانية خالص ..

انا ركبت الاسترا فى المعارض بس و مسوقتهاش بصراحة بس على الورق و كشكل و تقفيل عربية كويسة بس يعنى مش الواو ..

يا باشا هيونداى كوبيه بالسعر ده عشان التكنولوجيا اللى فيها و الاوبشنز اللى فيها .. حضرتك شوف العربية الاوروبى اللى فيها نفس اوبشنز الفيلوستر و شوف اقل واحدة فيهم هيبقى ثمنها كام ؟

و معروف ان العربيات الكوبية من اعلى الفئات السعرية فى العربيات عامة ..

اتمنى اكون قدرت اوضح وجهة نظرى