ميجان 2008 -2009 ولا سيراتو 2008

**abdo_2812** · 02-11-2011 07:58 PM

ميجاااان بدون تفااااهم ياراجل :)
مع كامل احترامي بس أنا مش شايف وجه مقارنة نهائي ....

ميجي طعمها غير أي عربية تاني ركبتها في حياتي ...بصراحة مميزة وجميلة جدا ماشاء الله يعني لو ركبتها مش هاتبص على الـ bmw مثلا بنفس الإنبهار بتاع زمان ... يعني مش هاتحس إنك راكب عربية أقل منها بكتير يعني
وطبعا مش قصدي إنها زي البي إم لكن كل ملاك ميجي يقولولك عن الإحساس ده :)

ربنا يوفقك لكل خير يارب إن شاء الله :)

**engineer05** · 03-11-2011 12:29 PM

المشاركة الأصلية كتبت بواسطة ahmed a.maksoud

السيراتو مش وحشة بس الميجان أحلى

2006 و ما بعدها.........و لو لقيت 2005 حالتها حلوة ما تفرطتش فيها.......

معظم التغييرات ما بين 2005 و 2006 حاجات أستهلاكية و هتلاقى معظمها إن مكنش كلها أتغير.

يمكن حاجة واحدة اللى مش بتتغير إلا بناء على طلب صاحب العربية و هى سوفت وير الفتيس.....و دى ممكن تعملها فى التوكيل لو مكنتش أتعملت.

ربنا يكرمك يا أستاذ أحمد .. يعني مفيش فروقات جوهرية :)
أنا بدور وربنا يقدم اللي فيه الخير

**engineer05** · 03-11-2011 12:34 PM

المشاركة الأصلية كتبت بواسطة abdo_2812

ميجاااان بدون تفااااهم ياراجل :)
مع كامل احترامي بس أنا مش شايف وجه مقارنة نهائي ....

ميجي طعمها غير أي عربية تاني ركبتها في حياتي ...بصراحة مميزة وجميلة جدا ماشاء الله يعني لو ركبتها مش هاتبص على الـ bmw مثلا بنفس الإنبهار بتاع زمان ... يعني مش هاتحس إنك راكب عربية أقل منها بكتير يعني
وطبعا مش قصدي إنها زي البي إم لكن كل ملاك ميجي يقولولك عن الإحساس ده :)

ربنا يوفقك لكل خير يارب إن شاء الله :)

فعلاً مقارنة حضرتك بال بي ام في الجون ...
أنا امبارح ماشي وكان في عربية معدية وجنبها بس اللي باين ... افتكرتها فلونس عشان شكل الرفارف و الاكصدامات والطول... طلعت بي ام الفئة الخامسة :):)
والفلونس بالنسبالي ميجان 3 سيدان

**Ahmed Nasser** · 03-11-2011 11:55 PM

ميجان...

**Amr_Moh** · 04-11-2011 12:01 AM

اش جاب لجاب

**SHERIF2009BHIT** · 04-11-2011 10:02 AM

السيراتو التابوة الفرش الداخلى جميل طبعا وشكلها حلو بس العفشة مش حلوة ومش مريحة
الميجان عربية جميلة وممتازة وعلى فكرة قطع الغيار متوفرة واسعارها يعنى مرتفعة قليلا وسواقت العربية دية ممتعة بجد بس العيب من وجهة نظرى التكيف جو البلد فى الحر مش اد كدة وكمان لو انت مثلا فى اسكندرية فى الشتا الامطار بتبقى جامدة جدا احيانا بتتاثر الحساسات بس لما تكون الدنيا مطر فظيع بس لو سيبت
العربية للصبح تلاقى كل حاجة اتظبطت تانى
لو سعر اعادة البيع يبقى السيراتو هتكسب
لو الكماليات والرفاهية يبقى الميجان

**engineer05** · 04-11-2011 01:28 PM

جزاكم الله خيراً على آراءكم القيمة

بالنسبة لعفشة السيراتو ... واحد صاحبي قاللي أن مشاكل العفشة في الجنط ال17 بس لكن لو مركب جنط 15 أو 16 مفيش مشاكل و مش حتحس بنشفان في العفشة ... هو عنده ال15 وبيقول مفيش مشاكل خالص والعفشة زي الفل.

**abdallasoliman** · 04-11-2011 01:34 PM

اذا كنت تبحث عن الامان والثبات والرفاهية فالميجان افضل بكثير اما قطع الغيار فلوجود منشاء كتير فاصبحت رخيصة واغلى بسيط من السيرتو بس فرق السعر بين الميجان والسيرتو نحسبها فى فرق قطع الغيار فستجد الميجان ارخص .... اهم شئ وخلى بالك لو عايز تشترى ميجان بغض النظر عن الموديل ان تكون السيارة بتتعامل مع التوكيل علشان متتعبشى وتندم وتقول ياليتنى جبت السيرتو ....لاننى عانيت من الميجان وصرفت كتيير علشان الله ينتفم منهم الى انا اشتريتها منهم ما كنتش اعرف حاجة عن الرينو وان العربية ماكنتش بتتعامل مع التوكيل والحمد الله اقدرت ادخلها التوكيل وعملى حاجات كتير فيها ببلاش ورغم ماصرفتة على العربية بس لما اركبها انسى الى صرفتة من من متعتها واحساسى بالامان غير الاوكتافيا الى كانت معى الفرق نعومة وثبات وعندما تاخد الكارت من العربية لو ناسى الانوار والكاسيت والتكييف تفصل الدائرة الكهربائية بالكامل

**minicooper20** · 05-11-2011 06:53 AM

هتصرف كام على عربيتك فى الشهر
ده السوال

**engineer05** · 07-11-2011 07:56 PM

المشاركة الأصلية كتبت بواسطة minicooper20

هتصرف كام على عربيتك فى الشهر
ده السوال

هو دة متوقف على حاجات كتير منها إستعمالك نفسه

أنا بعمل بعربيتي حوالي 10آلاف كم في السنة فمبغيرش زيت بروح كل 6 شهور أغير الزيت في كركز الصيانة و أعمل كشف شامل على العربية و أشوف إذا كان في حاجة محتاجة تتعمل دلوقتي فنعملها أو في حاجة محتاجة تتغير بس قدامها شوية وممكن تتأجل للصيانة الجاية. بكدة ممكن أدفع أكتر شوية من فلوس الصيانة بس ببقى مطمن أن العربية كل حاجة فيها تمام و عارف برضه إيه اللي لازم يتعمل المرة الجاية.

الميجان بتشم البنزين فاللي توفره في البنزين رجعه صيانة للعربية :)