بعد كسر الزيرو بومة 2011 أوتوماتيك

**mostakbal5000** · 02-11-2011 02:22 PM

السلام عليكم ورحمة الله وبركاته
والحمد لله رب العالمين
وقدر الله وما شاء فعل
السيارة كسر زيرو بومة 2011 أوتوماتيك كحلي خليجي
مشيت بها تقريبا 310 كيلو
وبعدها أخدت خبطة خفيفة إلى حدما في الاكصدام الامامي من ناحية الفانوس الايسر (قد كف اليد)
وعندما نزلت ورأيتها شعرت إنني أستطيع ردها مرة أخرى بيدي ولكن لم أجد مكان أدخل يدي للأكصدام
وكمان فيه خدوش بسيطة جدا في ظهر المرييتين

فارجو من أعضاء المنتدى ومن أصحاب التجارب والتعامل مع مراكز الصيانة والورش وقطع الغيار
أن يفيدوني في حل هذه المشكلة من حيث أرد الخبطة إزاي؟ وكمان هل فيه دهان معين يزيل الخدوش وبنفس درجة لون السيارة ومنين أشتريه؟
وأشكركم جميعا أعضاء منتدى نايل موتورز وقسم ميتسوبيشي
أفادكم الله وجزاكم كل خير

**IronHead** · 02-11-2011 02:46 PM

بالنسبة للاكصدام هو ممكن يترد على البارد
بخصوص الدهان ممكن تروح عند اى حد بيعمل دهانات عربيات كمبيوتر ويضربلك نفش اللون وانت تلقتها بفرشة رفيعة او عود قطن الودان

**RiVo0** · 02-11-2011 02:51 PM

اي سمكري كويس هيردلك الخبطة عالبارد بدون دقدقة لو الخبطة حتة واحدة

وبالنسية للخدوش لو الخدوش بسيطة هاتلها بوليش من اي بانزينة او هايبر ماركت في حدود 20 - 30 جنيه (وممكن بوليش سوناكس الالماني بلون العربية بس غالي حبتين ب 72 جنيه زجاجة 500 ملل)
لو الخدش عميق هاتلها كمبوند من نفس الاماكن ونفس رينج السعر

**mostakbal5000** · 02-11-2011 04:04 PM

أشكركم أخواني على الردود وسرعة الإستجابة ويارب يحفظكم من كل شر

**mohamedzian** · 04-11-2011 01:29 PM

أولا الف مبروك وربنا يديك خيرها وثانيا خدوش المرايات ما تنفعش تتعمل بالبوليش ولا انصح بفك الاكصدام لمجرد تطبيقه بسيطه

**mostakbal5000** · 04-11-2011 02:02 PM

المشاركة الأصلية كتبت بواسطة mohamedzian

أولا الف مبروك وربنا يديك خيرها وثانيا خدوش المرايات ما تنفعش تتعمل بالبوليش ولا انصح بفك الاكصدام لمجرد تطبيقه بسيطه

أولا احب أشكر حضرتك جدا أستاذ محمد زين لمشاركتك بالموضوع
والحمد لله رب العالمين وقدر الله وما شاء فعل
وأنا قررت إني أترك السيارة كما هي بالخبطة إللي في الإكصدام إلى أجل غير مسمى
ولكن ممكن تجميل السيارة بالأحزمة الفضية من الامام والخلف وتغليف المريات بالغطاء الفضي مثل المقابض الكروم
وربنا يستر طريقنا جميعا ويكفينا شر الحوادث ويبعد عننا سواقين النقل العام والميكروباصات
أمـــــــــــــــــــــــ ــــــين يــــــــــــــــــــــــ ـارب

**chicobon** · 04-11-2011 06:44 PM

قدر الله و ما شاء فعل

**l0new0lf** · 04-11-2011 08:10 PM

اولا: قدر الله و ما شاء فعل
ثانيا: الناس اللى بتفتى و تقول ان الاكصدام يترد على البارد, الاكصدام فبر و الفبر مفيهوش حاجه اسمها يترد على البارد
هتفك الكرتيره البلاستيك اللى بتغطى الرفرف من الداخل حوالين العجله و تسلط هوت اير على الخبطه و لما تسخن تردها بقطعه خشب (بلاش بايدك عشان متتلسعش)
و لو مفيش عندك هوت اير ممكن تستعمل مياه ساخنه على الاكصدام من الخارج
المهم متسخنش على الاكصدام بنار مباشره
لو الشاسيه بتاع الاكصدام هو اللى خد الخبطه و اتعوج يبقى لازم الاكصدام يتفك و الشاسيه يستعدل

**mostakbal5000** · 04-11-2011 10:02 PM

المشاركة الأصلية كتبت بواسطة l0new0lf

اولا: قدر الله و ما شاء فعل
ثانيا: الناس اللى بتفتى و تقول ان الاكصدام يترد على البارد, الاكصدام فبر و الفبر مفيهوش حاجه اسمها يترد على البارد
هتفك الكرتيره البلاستيك اللى بتغطى الرفرف من الداخل حوالين العجله و تسلط هوت اير على الخبطه و لما تسخن تردها بقطعه خشب (بلاش بايدك عشان متتلسعش)
و لو مفيش عندك هوت اير ممكن تستعمل مياه ساخنه على الاكصدام من الخارج
المهم متسخنش على الاكصدام بنار مباشره
لو الشاسيه بتاع الاكصدام هو اللى خد الخبطه و اتعوج يبقى لازم الاكصدام يتفك و الشاسيه يستعدل

والله يا جماعة أنا سعيد جدا بمشاركتم جميعا
واشكر حضرتك جدا على المعلومات وطريقة التصليح المفصلة
ولكن أنا ناوي اسيبها شوية (علشان تغزي العين)
العين صبتني ورب العرش نجاني