الموضوع: محتار جدا ومحتاج مساعدتكم ضروري في حدود 110 ألف

المشاركة الأصلية كتبت بواسطة sara2001

ااااه يا بيكانتوتي ههههههههه

لا أنا مش عايزك تقلقي خالص دي حاجات كلها بسيطة وقسم الميكانيكا هنا معانا وكله هيبقي تمام

طالما الموضوع نفسي خلاص بلاش التيدا
انا كنت بقول كده علشان كانت عجباك جداً في الأول قبل ما تجيب السيدان

ماهي فعلا كانت ومازالت بس بقي النصيب يالا الحمد لله

المشاركة الأصلية كتبت بواسطة sonasteel

هايبقي شكلك عسل وانت راكب البيكانتوتك يابو حمييييد هههههههه انت تشيل الكنبة اللي ورا وتخش من الشنطة بعد كده وبالماتور ال 2000 سي سي... يادوبك هو الاول وهتلاقي الماتور جري وساب العربية... علشان كده بنصح انك تلبس الحزام ههههههههههه
توكل علي الله شوف الفلوينس... او فانتازيا كسر زيرو
ايه رايك في السيفيك... روعه ماشاء الله

يابني كده انا هضرب وهتتاخد مني البيكانتو اللي أنت هاريها تريقة وساعتها مش هلاقي حتى 1 سي سي وهاجي أستولي علي الصني بتاعتك

انا بدرس في الفلونس والمازدا والفوكس وربنا يسهل
والمستعمل مقولكش بقى طلع حاجة صعبة أوي

المشاركة الأصلية كتبت بواسطة benmatar

السلام عليكم
كل عام والجميع بخير
طبعا الحمد لله وقدر وما شاء فعل المهم صحتك، أنصح حضرتك نصيحة لوجه الله تعالى بجد وعن تجارب مش تجربة، خليك في حاجة كسر زيرو أوروبي محترم وسيبك من الزيرو لعدة عوامل بداية من عدم كفاءة وجودة الزيرو اليومين دول مقارنة بأنواع أفضل ممكن تشتريها... حضرتك ممكن تركب حاجة ســكودا a5 بس أنصح إنها تكون ماشية كيلومتر قليل، وهتستغرب لو قلتلك اركب بيجو 406 مو2005-2006 أفضل وركبت الاتنين واستخدامي حوالي 5 آلاف كيلو شهريا، ومش هتزيد عن 85-90 ألف بالكتير. أو اركب باسات 2003 مثلا بصراحة ممتازة من كل النواحي والموديلين دول بيتميزو بمعدلات أمان عالية وتحمل للخدمة الشاقة وسهل تلاقي منهم فابريقة وبحالة جيدة... وطبعا أوبل فيكترا ممتازة بس قطع غيارها أندر وأقل.. وسكودا a4 عربية ممتازة فعلا والمبلغ ده يخليك تشتري واحدة 2009 بأقل من 100ألف. وربنا يوفقك.

ألف شكر لمرورك ولنصيحتك ومتفق معاك في موضوع الجديد والمستعمل بس الحقيقة أنا يوم الجمعة اللي فاتت نزلت مع زميلنا أ/ وليد عادل اللي بشكره كتير علي تعبه معايا وإتفرجنا علي عربيات كتير والحقيقة معظم الناس هناك تجار والعربيات متبهدلة ومفيش حاجة نظيفة تعجب وعشان تلاقي حاجة محترمة أعتقد الموضوع محتاج شهور وأنا متبهدل أخر بهدلة في عدم وجود العربية فقررت أسبعد المستعمل مؤقتا لحد ما ألاقي حاجة محترمة وربنا يوفق
وكل عام وأنت بخير

المشاركة الأصلية كتبت بواسطة ahmedzag1

اكيد اللانسر يا باشا والسبب بوضوح انها معايا ومعا اصحابي وعمر ما حد اشتكى منها

بفكر فيها والله جدا بس مضايقني أوي إنها تنزل بالسعر ده بكاسيت شرايط tape !!!!!!

المشاركة الأصلية كتبت بواسطة Hosam_Optrawy

فى حدود المبلغ دا لو زيرو مفيش غير لانسر بوما اول فئه واعتقد هاتبقى فاضيه مفيهاش ايرباج للسائق حتى

رأيى تشوف حاجه كسر زيرو احسن بس تكون موديل قريب وحالتها كويسه وكيلومتر قليل

رينو فلوونس فورد فوكس مازدا 3 هوندا سيفيك

وبالتوفيق

شرفني مرورك أ/ حسام

أنا زي ما قولت إستبعدت المستعمل مؤقتا لحد لما ألاقي حاجة كويسة

وبفاضل لسه في حدود المتاح وهشوف

أخبار الأوبترا معاك إيه ؟؟

المشاركة الأصلية كتبت بواسطة mohammadrashee

كان في واحد عامل اعلان عن علابيه سيترون سي فور ب 100 الف ايه رايك
انا لو مكانك لازم احطها في الحسبان

الحقيقة أنا معرفش حاجة عن الستروين خالص بس نقرأ ونبحث وشكرا إهتمامك

المشاركة الأصلية كتبت بواسطة bero0o0o0

بالمبلغ ده يفضل انك تجيب مستعمل عشان الزيرو مش هايبقى قدامك غير السوبر صالون
و هي عربية مش وحشة ابدا بس في تعليقات كتيرة على شكلها و استهلاكها للبنزين
لو حضرتك بتفكر في مستعمل ب 110 يبقى قدامك اختيارات كويسة كتير بس احسن اختيارات من وجهة نظري بالترتيب هايكونوا ( سيفيك - اوكتافيا - كورولا 1600 اوتوماتيك <مش الشكل الجديد> - مازدا3 )
و ربنا يوفقك ان شاء الله

برضه نفس الكلام للمستعمل لما يظهر حاجة محترمة والصني برضه في الحسبان

المشاركة الأصلية كتبت بواسطة raedegypt

لانسر فى حدود اختيارتك ممتازة ومجربه سنين فى مصر او شوف شفروليه سونيك ان كانت نزلت عندكم فى مصر افضل من الافيو والاوبترا حلوة جدآ.

مشكور مرورك

وفعلا البومة عربية مجربة سنيين وممتازة والسونيك أعتقد إنها إبتدت تنزل هشوفها وأتفرج وربنا يسهل

المشاركة الأصلية كتبت بواسطة mody3on

الاوبترا ب 100 الف .. افضل عربية في حدود 100 الف بعد الصني طبعا
حطها في الحسبان وهتوفر مش اقل من 15 الف

حططها في الحسبان وبقرأ عنها وبجمع معلومات وشكرا ليك