أخبار اللحيه ايه ؟

**أبومعاذ** · 09-11-2011 01:30 PM

المشاركة الأصلية كتبت بواسطة kareemz

على فكرة لو عاملها بيقين و نية و ابتغاء مرضاة الله فعلا .. هتلاقى نفسك شكلك أحلى بكتير .. خصوصا لما تخف الشنب شويه .. الشنب هو اللى بيكبر الواحد شكلا على فكرة.

ده غير بأه الاثار الايجابية اللى هتلاقيها حصلت لك من معاملة الناس ليك .. يعنى حتى لو بدون قصدك عربيتك زنقت على حد .. هتلاقيه بيعاملك بطريقة كويسه.

أنا مرة حاجة وقعت منى فى ميكروباص و مخدتش بالى لقيت راكب وقف الميكروباص و نزل و جرى عليا و جاب لى الحاجه اللى وقعت منى .. و بيقول لى ادعيلنا بس.

ربنا يهدينا جميعا و يوفقنا لما يحب و يرضى سبحانه.

طب أدعيلنا بقى يا مولانا لو سمحت :)

**ZALABANY** · 09-11-2011 01:44 PM

المشاركة الأصلية كتبت بواسطة kareemz

على فكرة لو عاملها بيقين و نية و ابتغاء مرضاة الله فعلا .. هتلاقى نفسك شكلك أحلى بكتير .. خصوصا لما تخف الشنب شويه .. الشنب هو اللى بيكبر الواحد شكلا على فكرة.

ده غير بأه الاثار الايجابية اللى هتلاقيها حصلت لك من معاملة الناس ليك .. يعنى حتى لو بدون قصدك عربيتك زنقت على حد .. هتلاقيه بيعاملك بطريقة كويسه.

أنا مرة حاجة وقعت منى فى ميكروباص و مخدتش بالى لقيت راكب وقف الميكروباص و نزل و جرى عليا و جاب لى الحاجه اللى وقعت منى .. و بيقول لى ادعيلنا بس.

ربنا يهدينا جميعا و يوفقنا لما يحب و يرضى سبحانه.

ربنا يكرمك ويثبتك انا بفضل الله مربيها من 2003 من قبل تخرجي من الجامعه وسافرت قطر سنتين ومن ساعتها اطلقتها تماما وبفضل الله مافيش مشاكل
بس من ناحيه معاملة الناس انا بقى بعاني ممكن ناس تحدف عليك بالعربية تخش قدامك يقول في نفسه ماهو شيخ مش هايعمل حاجه وساعات تلاقي ردود فعل غريبه يعني واحد داخل غلط وانا صح لو انا صممت على موقفي وما عديتوش تلاقيه عمال يبصلي ويقولي عيب على دقنك دا انت بدقن بس الواحد بيصبر ويحتسب

**shaddadfalcon1** · 09-11-2011 03:24 PM

الحمد لله ربنا مسهل الحال وطبها مربيها ابتغاء لوجه الله تعالي واقتضاء بسنة حبيبه
اكتر اتنين كنت شايل همهم هما ابويا وامي بس شافوني متكلموش خالص مش عارف ليه
حتي لان مفيش اي تعليقات سخيفه غير انت هتربي دقنك ا انت هتبقي من الجماعه السلفيين والحاجات دي يعني

بس الواحد بقي محتاج يظبط بقية النواحي عشان ميبقاش ملتحي نص كم وخصوصا ان اهلي من الفلاحين واول مايشوفو واحد بدقن حتي لو لسه مربيها يقولو ياعم الشيخ ويسالوه في حاجات ويصلي بيهم ودي انا بعملها من غير حاجه بس انهم بيبقو شايفين ان اي ملتحي لازم يبقي فقيه ويسالوه في فتاوي ولو قلت معرفش يبقي نهارك مش فايت امال شيخ ازاي يعم ده انت شيخ نص كم

**adel1414** · 09-11-2011 08:18 PM

ربنا يثبتك بالحق

**abd_el_7amid** · 09-11-2011 11:04 PM

اللهم يرزقك الثبات على الحق
انا بسافر بمعدل كل شهر و نصف... مفيش مشاكل فى المطار دلوقتى خالص...قبل كده كان فيه شوية بس كانت بتعدى
وسافرت بيها سنغافورة و مفيش مشاكل خالص
توكل على الله

**alymonir** · 09-11-2011 11:31 PM

ثبتك الله على الحق

**shaddadfalcon1** · 10-11-2011 12:18 AM

جزاكم الله خير الجزاء

**omaroof** · 10-11-2011 02:19 AM

المشاركة الأصلية كتبت بواسطة ehabvet

هو أصلا كان ربنا بيسهلها قبل الثورة
توكل على الملك وماتشغلش بالك

+1111111111111111111111111111111

**kar!m** · 10-11-2011 08:11 AM

افتكرت موقف تانى .. مره كنت بركن فى شارع رمسيس .. جالى واحد بتاع باركنج شكله بلطجى كده .. و عاوز ياخد فلوس و أنا مصر مدفعش عشان أنا راكن فى الشارع .. المهم صوته بدأ يعلى و يبلطج .. و لقيت واحد صاحبه جاى من بعيد عشان يتخانق معايا هو كمان .. و بعدين سأله فى ايه و بتاع .. قال له مش عاوز يدفع.

المهم الواد بص لى كده .. و قاله يا عم متزعقلوش ده شيخ

الشاهد .. اللحية بتجلب احترام الناس ليك من ناحية .. من ناحية تانية .. الفئة اللى هى فى مستوى اجتماعى قليل فى المجتمع و منها البلطجية و اللى بيكرهوا الفئة الغنية من المجتمع ... غالبا بيحترموا الشخص الملتحى ... يمكن لاحسساسهم بالذنب .. أو بيخافوا من ربنا لشعورهم ان الشخص الملتحى قريب من ربنا.

بس متخليش هى دى نيتك فى اللحية يعنى

-

الموضوع: أخبار اللحيه ايه ؟

LinkBack

أدوات الموضوع

عرض

-

-

-

-

-

المواضيع المتشابهه

أية أخبار e72

أخبار الجنة

اللحيه في مصر

اية أخبار سوزوكي sx4

الكلمات الدلالية لهذا الموضوع

المفضلات

المفضلات

ضوابط المشاركة