قرار شراء افيو 2012

**ArafatEHegazy** · 05-11-2011 07:51 PM

أنا أنصحك باللوجان. عربية عالية عن الارض وتوكيل محترم جدا. والموتور موش خشن ولا حاجه لأنه هو هو موتور الميجان 1. يعيبها ان قطع غيارها أغلى من الاختياريين الاخرين (الفيرنا والانوس) بس مع الانتشار الاسعار في النازل.
من وجه نظري ان عيب العربيتين التانين هو الوكيل و موديل قديم.
حاول تروح معرض زي المصرية وتتفرج على الثلاثة عربيات.

**wael abbass** · 05-11-2011 08:13 PM

انا عايش نفس الحيرة في ناس تقلك الافيو احسن وناس تقلك ابعد عنها نهائي كذلك بالنسبة للفرنا والانوس والوجان من الاخر بعد سؤال ناس كتير اتضح ان جميع العربيات في هذة الفئة السعرية عربيات سيئة جدا فاستخير اللة واشتري اي واحدة كلة في مشاكل بالجملة

**Ahmed_Ezz** · 06-11-2011 12:54 PM

المشاركة الأصلية كتبت بواسطة wael abbass

انا عايش نفس الحيرة في ناس تقلك الافيو احسن وناس تقلك ابعد عنها نهائي كذلك بالنسبة للفرنا والانوس والوجان من الاخر بعد سؤال ناس كتير اتضح ان جميع العربيات في هذة الفئة السعرية عربيات سيئة جدا فاستخير الله واشتري اي واحدة كلة في مشاكل بالجملة

تماام كل العربيات فيها مشاكل و مش الفئة ديه بس لأ كله فشوف انت حابب ايه علشان لو عربية مش عاجك حتى لو شكلها و فيها مشكلة صغيرة حتحس انها مشكلة كبيرة لكن لو عربية انت حاببها جدااا و فيها اللى فيها حتحس انها مشاكل ولا حاجة و بسيطة باختصار هات اللى انت مرتحلة و عاجبك.

**gebreel** · 06-11-2011 01:08 PM

خليك في اللوجان موتورها مش خشن لكن صوته علي شوية صغيرة و بعد ما بتعمل 10000 كيلو صوته بيبقى طبيعي الى حد كبير

اسعار قطع الغيار نزلت كثير و قربت من الكوري و الحاجات بتاعتها بقت موجودة برة التوكيل عادي و تقليد و اصلي و كل اللي انت عاوزو
اه مش زي الفرنا في انتشار قطع الغيار برة التوكيل بس في طريقها

**medododo** · 11-11-2011 12:07 PM

أبعد عن الافيو وغنيلوا

**mero100** · 11-11-2011 10:37 PM

نصيحة أخ .... بدون تحيز لأي عربيه .... اشتري أي عربيه تعجبك تكون تقفيل بلادها .... يعني لو كوري ...تبقي بالكامل مستوردة من كوريا ....لو فرنسي ...تبقي بالكامل مستوردة من فرنسا ...... عشان متسمعش كلمه ( اصل التقفيل المصري بختك يابو بخيت ) ........معرفش انا ايه دخل بخيت عندنا ف مصر في صناعه مهمه زي صناعه السيارات .... صناعه خلت دول مكنتش تسمع عنها ف اي حاجة بقت من أنجح الدول زي النمور الأسيويه ....اللي من ضمنهم كوريا .... ناس محترمة....حبوا بلدهم .....أخلصوا ف عملهم ..... العالم صدقهم .....نجحوا ....
العامل المصري بيشتغل ف العربيه في المصنع ..متعرفش بقه : هل نايم ؟.... هل عاوز يكدر اللي حيشتري العربيه ؟؟ المقصود هنا عيوب التقفيل اللي كل الاعضاء بيحذروا منها و انا شخصياا عانيت منها ف عربيتي الزيرو ....و فين الرقابه علي الجودة في المصنع اساسا ....و يقولك ازاااااااي ...العربيه يا بيه عليها بادج pdi .....قال يعني المفروض انهاا اتفحص فيها كل قطعه بدقه ...... أونطه يا باشا
و بختك يا بو بخيت :-)
تحياتي
عمرو ابراهيم

**medododo** · 13-11-2011 01:16 PM

المشاركة الأصلية كتبت بواسطة mero100

نصيحة أخ .... بدون تحيز لأي عربيه .... اشتري أي عربيه تعجبك تكون تقفيل بلادها .... يعني لو كوري ...تبقي بالكامل مستوردة من كوريا ....لو فرنسي ...تبقي بالكامل مستوردة من فرنسا ...... عشان متسمعش كلمه ( اصل التقفيل المصري بختك يابو بخيت ) ........معرفش انا ايه دخل بخيت عندنا ف مصر في صناعه مهمه زي صناعه السيارات .... صناعه خلت دول مكنتش تسمع عنها ف اي حاجة بقت من أنجح الدول زي النمور الأسيويه ....اللي من ضمنهم كوريا .... ناس محترمة....حبوا بلدهم .....أخلصوا ف عملهم ..... العالم صدقهم .....نجحوا ....
العامل المصري بيشتغل ف العربيه في المصنع ..متعرفش بقه : هل نايم ؟.... هل عاوز يكدر اللي حيشتري العربيه ؟؟ المقصود هنا عيوب التقفيل اللي كل الاعضاء بيحذروا منها و انا شخصياا عانيت منها ف عربيتي الزيرو ....و فين الرقابه علي الجودة في المصنع اساسا ....و يقولك ازاااااااي ...العربيه يا بيه عليها بادج pdi .....قال يعني المفروض انهاا اتفحص فيها كل قطعه بدقه ...... أونطه يا باشا
و بختك يا بو بخيت :-)
تحياتي
عمرو ابراهيم

يا غالي العامل المصري
بالبلدي كده
عنده غل
اسوء مرتبات وأسوء معيشة وبينتج عربيات أخر موديل عايزه يطلعها كويس ازاي

**mero100** · 13-11-2011 11:01 PM

المشاركة الأصلية كتبت بواسطة medododo

يا غالي العامل المصري
بالبلدي كده
عنده غل
اسوء مرتبات وأسوء معيشة وبينتج عربيات أخر موديل عايزه يطلعها كويس ازاي

مش مقياس .... طب ما العامل الصيني فقير جدا ... و الهندي كذلك ..... و الصين عملت عربيات و الهند كذلك ....المشكله في الضمير .

**elnahrelkhaled** · 16-11-2011 11:16 PM

السيد/الفاضل
معايير شراء العربية كثيرة..........و أراء معظم السادة الأعضــــــــاء صحيحة
يبقى الأتي
1-الفلوس اللي معاك قد إيه لو كانت كاش..........أو القسط اللي هتدفعه كام
2- إرتياحك النفسي
3-قطع الغيار سعرها كام
4-لما تيجي تبيع العربية ..........تتباع غلى طــــــــول ...........وللا تقيلة ف البيع
5-تكون تقفيل بلدها زي ما أحد الأعضـــــــاء الكرام تفضل و قـــــــال
خلاصة ما سبق
حضرتك محكوم في (أفيو ـــــــ نيو أكسنت ـــــــــ كيا ريو ـــــــــ لوجان ـــــــــــ سبرانزا m11
و كل واحدة في اللي فاتت ليها ميزة و ليها عيب........إوعى تصدق إن في عربية ليها........مميزات بصورة مطلقة
فإستخير اللــــــــــه..........و أنا معايا أفيو 2009 .........و مراتي معاها لانوس 2009
و ليا صديق معاه فيرنا
العربيات دي اللي أقدر أحكم حكم دقيق عليها........من واقع التجربة
لو عاوز تســــــأل في حاجة محددة فيهم تحت أمرك
و ربنا يوفقك