المواتير الى ممكن تتسقط لتويوتا ياريس ؟؟؟

**zonfuly** · 25-11-2011 07:42 PM

انا شايف ان ال 1600 كفاية اوي الصراحه

**Ahmod** · 25-11-2011 09:13 PM

المشاركة الأصلية كتبت بواسطة myself112

انا حاطط جنط 17 و مهبط العربية وكل حاجة , بس طبعا مش ناوى اسقط مواتير او الحاجات دى دلوقتى خالص , انا كنت عايز اعرف المعلومة هل ينفع ولا لأ ؟ بس ان شاء الله لما اجى اعمل الشغل ده هسأل على الماتور ال1800 ده هيبقى ايه ظروفه والحوار كله هيخلص على كام ...
ادعيلى انت بس الحوار ده يحصل و هتلاقينى جايلك لغاية عندك بالعربية تجربها وتلف بيها زى ما انت عايز ان شاء الله .

طب ماتقولي يا باشا ايه اخبار الجنط ال 17 معاك ؟ وعامل ايه في العفشة ؟ وكمان انت مهبط العربية ازاي ؟ قصيت السوست ولا ركبت سوست ومساعدين اسبور ؟

وبرضوا ايه الاخبار مع المطبات ؟ وماتورينا كدة صورة

انا كنت عايز احط الجنط ال 17 بس خفت من العفشة

والماتور ال 1500 مش محتاج دعامات ولا اي حاجة لان كدة كدة العربية بداية من موديل 2009 فما فوق بقت بتنزل بالماتور ده استوك

وهو بيطلع 105 حصان وعلى وزن الياريس بيدي اداء جامد اوي

بيديلك تسارع من 0-100 في حدود ال 9 ثواني تقريبا

المشاركة الأصلية كتبت بواسطة medoakef

1.8 سوري هيبقا منك للسحاب :(
لان بدي العربيه خفيف جدا و العربيه الدينيماكيه بتعتها بردو مش ممتازه يعني مستحيل توصل لثبات كويس مع السرعات بتعته و بردو عمرك ما هتوصل لفرامل محترمه حتي لو جنط 18 لان مع السيرعه وزن العربيه بيكون مهم جدا
رئيي الشخصي ال1.5 بتعها و يتسقط في مكان نظيف عشان حتي لو حبيت تبيع العربيه متشلشي ولا تغير حاجه تعتبرها ستوك ;)
بس بردو لازم تعديل فرامل و جنط اقل حاجه 17 و تهبيطه و لو في دعامات هتبقا ممتازه و هتفرق معاك كتير

انا مش مع حضرتك في الموضوع ده على فكرة

لان وزن الياريس يعتبر قريب من وزن الكورولا الشكل القديم والشاسيه متقارب بشكل كبير

ومع ذلك الكورولا الشكل القديم بتنزل برة بالماتور ال 1.8 استوك عادي جدا !

كل اللى محتاجه ممكن شوية دعامات بس عشان يبقى في الامان

الفرامل طبعا هتحتاج تعدلها ومش محتاج جنط 18

والعفشة تركب عفشة اسبور ومات الكلام في قصة الثبات

وفي الاخر انا مانصحش انه يسقط الماتور ال 1500 لانه كدة كدة مش هيديله الاحساس اللى في دماغه لانه اصلا بينزل استوك هو طبعا افضل من ال 1300 بس مش الفرق اللى يدفع فيه فلوس ويسقط ويتعب نفسه

ويعتبر قريب من العربيات ال 1600 اللى في السوق يعني مش هتحس انك سقطت لان الفرق مش كبير

اه هتعلم على اغلب ال 1600 اللى في السوق بس مش بكتير لو عربية جراية هتلاقيها جمبك او وراك بحجات بسيطة

يعني هيديلك مثلا فرق ثانيتين في التسارع من 0-100

لو انت شايف ان ده الاداء اللى انت عايزه يبقى توكل على الله

لان الموضوع في التسقيط بيبقى معتمد اساسا على انت عايز توصل العربية لكام حصان ؟ وعايز الاداء يبقى عامل ازاي ؟ ؟

معلش هو يعنى ايه عربية project ?? و بعدين هو الماتور ال1800 ده بيدى كام حصان على كده لوحده ؟

هو قصده انك طالما كدة كدة نويت تسقط

يبقى سقط وركب تربو وعفشة سبور واظبط الدنيا على الاخر وخليها تعلى فوق ال 200 حصان ! بس طبعا دي كلها حجات هتفتح الميزانية معاك بكتير

الى غير اني افضل ان يبقى معاك مكنة استوك من تويوتا افضل من تعديلات التربو والكلام ده << مجرد وجهة نظر

طب هو ال1500 ده هيعمل كام فلوس وهل هيحتاج دعامات والكلام ده ولا بيتسقط وخلاص ؟؟

هيعمل كام فلوس مش عارف

بس اعتقد القصة دي ممكن تتعمل في التوكيل طالما العربية بقت بتنزل بالماتور ده

ومش عارف اذا كان فيه امكانية ياخدو ماتورك ويدولك الماتور ده وتدفع انت الفرق

طبعا التوكيل اضمن واحسن بس هتدفع اكتر

ممكن تتصل بفرق ابورواش تسال ولو ينفع قلنا القصة هتكلف كام

**Ahmod** · 25-11-2011 09:17 PM

المشاركة الأصلية كتبت بواسطة zonfuly

انا شايف ان ال 1600 كفاية اوي الصراحه

ممكن برضوا يسقط ماتور الكرولا ال 1600 الشيب القديم

بس في النهاية زي ماقلت الموضوع كله يتوقف على انت عايز توصل العربية لكام حصان وعايز منها اداء عامل ازاي ؟ ؟ والميزانية طبعا

**Ahmod** · 26-11-2011 12:49 AM

المشاركة الأصلية كتبت بواسطة myself112

و الله الجنط ال17 زى الفل و حسيت فعلا بفرق فى الثبات , بس الطارة تقلت شوية عن الاول , و بالنسبة لتوطية العربية انا الاول كنت قصيت السوست و بعدين الحوار ما عجبنيش رجعت جبت سوست تانية اقصر وانشف شوية و دى العفشجى هو الى جابهم .
المشكلة فى الجنط ال17 والكاوتش الرفيع انه محتاج مشى بالهادى اوى فى الحتت الكسرة حتى لو تكسير خفيف , ودى حاجة مش فيا الحقيقة و مش عارف امشى بالراحة فكل شوية الاقى الكاوتش عمل بلالين و حركات ملهاش لازمة خالص فبضطر اغير الكاوتش , حتى انا لغاية دلوقتى عندى فردتين عايزين يتغيروا , رحت شايل الجنط و ركبت ال15 لغاية ما ربنا يكرم بفلوس اجيب فردتين جداد ..... غير كده الجنط ال17 مفيش منه مشكلة انا مركب 215\ 40 و تمام و زى الفل ... كنت ناوى برده اغير العفشة واجيب واحدة سبور بس لاقيت الموضوع هيعدى جامد و ماكنش فيه فلوس ساعتها , بس ان شاء الله ناوى تانى اعمل شغل فى العربية بس مستنى احوش مبلغ محترم علشان اعمل الشغل كله مرة واحدة

مانا كنت خايف من الجنط ال 17 عشان قصة البلالين دي

ومع العرض 215 لازم الطارة تتقل بكتير

بس مش بتحك عندك في الرفارف الداخلية ؟ ؟ اصل انت كدة عرضت بكتير

انا لما قررت اجنط حطيت 195/50/16 وشايف انه يعتبر احسن مقاس للياريس مدي شكل كويس للجنط وفي نفس الوقت مافيش خوف من البلالين والكلام ده

ومحسن الثبات بشكل معقول

**myself112** · 27-11-2011 11:06 AM

المشاركة الأصلية كتبت بواسطة ahmod

مانا كنت خايف من الجنط ال 17 عشان قصة البلالين دي

ومع العرض 215 لازم الطارة تتقل بكتير

بس مش بتحك عندك في الرفارف الداخلية ؟ ؟ اصل انت كدة عرضت بكتير

انا لما قررت اجنط حطيت 195/50/16 وشايف انه يعتبر احسن مقاس للياريس مدي شكل كويس للجنط وفي نفس الوقت مافيش خوف من البلالين والكلام ده

ومحسن الثبات بشكل معقول

الكاوتش كان بيحك فى الاول فى الشفف بتاعه الرفرف , بس لما تنيتهم شوية الحوار ده انتهى ....
انا اعرف واحد فى المنصورة مركب للياريس جنط 18

, هو تقريبا معدل فى العفشة بس بسم الله ما شاء الله على العربية دى مزبطها صح اوى .

**Ahmod** · 28-11-2011 12:09 AM

المشاركة الأصلية كتبت بواسطة medoakef

عن الوزن اظن ان اليارس كانت 1000 و حاجه بسيطه و الكورولا 1100و كسر علي ما افتكر يعني بردو مش فرق قليل
و اظن ان قاعده عجل اليارس اديق من الكورولا بفرق ملحوظ
و كمان مشكله اليارس الصعبه جدا انها علي دنجل و دي مصيبه لوحدها زي عندي :(
انا متفق معاك ان فعلا ال1.5 ممكن ميعجبهوش و هيبقا ملهاش لزمه الليله بس يبقا ال1.6 بتاع الكورولا ممتاز ما شاء الله كفايا لاني مش مفتنع الحقيقه ان لو اليارس اتحط فيها 1.8 بجبروته و عزم الرهيب العربيه هتقدر توقفه
انا اسمع ان اليارس بتنزل بره بحجات مختلفه هي بينزل فيها مواتير كبيره لان لو في يبقا اكيد في تعديلات بتفرق كتير بتتعمل لاني علي سوقتي ليها ريشه بس نفاسه

هيا من نحية ريشة فمعاك حق ريشة وصباح التعويم

اخطف الغرزة والعربية تعرض وحاول تعدل بقى يا معلم

بس والله انا بعد ماركبت الجنط ال 16 وكاوتش 195 (اعرض من الاستوك) الموضوع اتظبط نوعا ما وبقت العربية ماسكة نفسها عن الاول بفرق ملحوظ

وده يعتبر مجرد تعديل بسيط مابالك بواحد هيسقط ماتور 1800 يبقى اكيد هيحط جنط 17 وكاوتش اعرض وهيهبط العربية ويعدل العفشة

اعتقد كل ده هيظبط الكلام بما فيه الكفاية

والياريس فعلا بتنزل برة فئة اسمها TS ودي اعتقد بتنزل بماتور 1800 ! ! وفيه كمان 1800 تربو

Toyota Yaris TS 1.8 0-100 - YouTube