كنت عايز اعرف هل لما اسخن العربية استنه لما مؤشر الحرارة يبقى قبل النصف يعنى فى وضعه الطبيعى ولا دقيقتين واطلع وتبقى تكمل تسخن وانا ماشى؟؟؟؟؟؟:question2:
عرض للطباعة
كنت عايز اعرف هل لما اسخن العربية استنه لما مؤشر الحرارة يبقى قبل النصف يعنى فى وضعه الطبيعى ولا دقيقتين واطلع وتبقى تكمل تسخن وانا ماشى؟؟؟؟؟؟:question2:
بص يا باشا
اغلب الناس فى العربيات الجديدة كلها عندها اعتقاد يقين بأن دورة الزيت بتعمل بكامل كفائتها من اول ما تدور العربية وطلمبة الزيت بتضخ الزيت لكافة اجزاء الموتور وانا عن نفسى مش مقتنع بالكلام ده لأنه مهما كان الزيت بياخد وقت لما الموتور بيسخن
عن نفسى ما باتحركش خاصة لو العربية بايتة ومركونة فترة طويلة الا لو المؤشر اتحرك لأول شرطة من تحت او عالاقل ما وصلهاش
انما مش لازم تقعد لحد ما يوصل لنص المؤشر
ولو رجعت فى وسط النهار ونزلت تانى بادور واتحرك عالطول عادى حتى لو المؤشر تحت خالص وثوانى قبل ما اوصل اخر الشارع الاقيه اتحرك مفيش اى مشكلة
أستني لغايه ال rpm
يوصل مع الd
ل700 لفه مع كلام ياسر
لغاية ما يوصل لاول شرطه سودا في المؤشر و ده مكتوب في كتالوج العربيه الي بيتسلم معاها
1000 شكر يا رجالة
بص دور العربية و امسحها كده مسحة حلوة و اطلع بيها علي طول .. و تمتع بالعربية
يعني يكفي دقيقتين و علي فكرة ماتور الصني بيسخن بسرعة جدا :goodnight:
:Ta_clap[1]:ودى ميزة ان الموتور يسخن ويثبت عند مستوى 80-90 درجة طول ما انت ماشى
وبيتهيألى ده راجع لنظام التبريد القوى ومراوح الراديتير الكهربائية لأنه غالبا المحركات المزودة بمروحة تبريد ع الطنبورة بتاخد وقت اطول عقبال ما تسخن وفى الشتاء ممكن اوقات كتير اوى مش بتوصل ل80 درجة
عمر ما كان التسخين علشان دوره الزيت تكتمل لان طرمبه الزيت من نوع positive displacement pump وهو مميز بانه بيدي ضغط عالي جدا من اول تشغيله مما يؤكد ان دوره الزيت بتكتمل من اول ثانيه تشتغل فيها
او بالبلدي اول ما لمبه الزيت في الطابلوه تطفي
ولكن هدف التسخين الرئيسي هو تخفيض لزوجه الزيت علشان ميبقاش حمل زياده علي الموتور
او بالبلدي متاكلش بنزين
طيب ايه الفرق بين العربيات القديمه والجديده
طبعا نظريه صناعه المحركات ثابته باختلاف التكنولوجيا يعني التكنولوجيا هي اللي بتختلف مش الفكره الاساسيه
دلوقتي اضافو حاجه اسمها لمدا سينسور وهو هدفه انه يزود ال ار بي ام باع الموتور عن طريق زياده كميه البنزين للتغلب علي زياده لزوجه الزيت العاليه والختراع ده مكنش موجود في العربيات القديمه وكان بيستبدل بالشفاط وهو يؤدي نفس الوظيفه بس مانيوال
ولو تلاحظ انك لما تدور العربيه في الشتاء بيكون ال ار بي ام علي 1300 وفي الصيف علي 1000 ولو لسه طافي ومدور تاني ربما يكون علي وضعه الطبيعي 700-800
لذلك ينصح بالانتظار حتي يصبح الار بي ام علي وضعه الطيبعي
مفبش حاجه اسمها دقيقه و تطلع او اطلع علطول والكلام الفارغ ده مش بالوقت هي !
حسب الحاله اللي عليها الموتور بتتصرف مش اكتر
طيب لو طلعت علطول هيحصل حاجه
الاجابه لا بس هتاكل شويه بنزين بس لو قرصت جامد ممكن الموتور يسخن بمعدل عالي اوي وده مش كويس لانه مجهد لبلوك الموتور والجوانات نتيجه التغير المفاجئ في درجه الحراره
مشكووووووووووور يا باشمهندس محمد على ردك العلمى
الله على المشاركات واروح والافادة
تسلم ياباشمهندس
الامريكان بيقولوا
worm ingenue is a happy ingenue
المفروض العربية تسخنها عالسلانسيه لمدة 30 ثانية بعد تدويرها (لحد ما تلاقي ال rpm نزل من 1200 إلى 800 مثلا ) وبعد كده تبدأ تمشي بالعربية ولكن بrpm قليل (أقل من نصف القيمة القصوى ) لحد مالعربية توصل لدرجة حرارة التشغيل (ساعتها ال rpm هيكون وصل إلى 650 700) بعدها إمشي على أي rpm.
والطريقة دي تضمنلك أقل زمن للوصول الى درجة حرارة التشغيل ، و تحافظلك على عمر الموتور.
عيب التسخين على السلانسيه : إن درجة حرارة الحريق القصوى أقل من الستاندر (الستايكومتريك)
وكنتيجة لذلك بتحصل مشاكل كتير بداية من التأثير على الأجزاء الداخلية للموتور
إلى تقليل عمر الكاتاليزر(محول الحفز) إلى زيادة معدل صدأ علب الشكمان و....
التفاصيل كلها موجودة في الموضوع ده:
http://www.nilemotors.net/Nile/219993-a.html
والله أعلم.
في باطن الكلام انا شايف انك مش مختلف معايا اوي ولكن في ظاهره انت معارض بشده وانا صراحه مش ضد المعارضه لان كلها افاده بس ياريت تكون علي اساس علمي للافادة
وانت محددتش ايه الكلام اللي مش سليم يعني نوع الطرمبه بتاعه الزيت الصح ايه؟
وان كان ليه بعض الاسئله علي الرغم من عدم وضوح ردك و المفهوم اللي انت عايز توصله ليه او للناس
1- ايه علاقه sticometric air ratio واللي هي نسبه الهواء علي الوقود بالكتله او بالحجم ...بدرجه الحراره القصوي و يعني ايه اصلا درجه الحراره القصوي ؟ يعني جهنم اللي بتولعها البوجيهات في الاوضه اللي اسمها السيلندر درجه حرارتها فيها عظمي وصغري ؟ ولاانت تقصد درجه حراره مية الرادياتير
2- الكاتلتك عمر ما هيجراله حاجه طالما غازات العادم مفهاش مشكله و عمر ماهيبقا فيها مشكله طالما tps ,maf, lmdba sensor مفهمش مشكله و اللمدا سينسور هو اللي بيحل المشكله دي في التسخين
3-اذا كان التسخين علي السلانسيه بيعمل مشكله يبقي التسخين بالمشي يعمل ايه مصيبه؟ مش هتفرق في حاجه خالص غير انه حمل صريح اوي ومباشر علي قلب الموتور
4-ايه مصدر معلومه ال 30 ثانيه تسخين دي ؟ و بناء علي ايه؟ و ها تحت اي ظرف ؟
5- انا معاك هو اللمدا سنسور تجاريااسمه حساس اكسجين بس ده ميلغيش وظيفته في التسخين !
6-ما علاقه ال maf sensor صراحه بتسخين السياره وهو مخصص لتحكم في كميه الهوا اللي داخله للموتور سواء في حاله التسخين او في المشي العادي يعني في التسخين مين اللي بيديله السيجنال لو مش اللمدا سينسور
7-طالما لمدا سنسور مش بديل الشفاط وامال يبقي ايه؟
8- انا معاك ان العربيه هتبقي فيها بنزين زياده في بدايه التشغيل بس مش هتنط يعني و هو حضرتك فاكر الخلوصات دي قد ايه بارد /ساخن وتغيرها بيبقي قد ايه لدرجه انها هتقصف عمر الموتور ده اذا فرضنا ان الموتور البارد مش عايم في زيت لزج تني لسه بيسخن ؟
في ناس كتير -وانا اعرف ناس شخصيا - ركبو عربيات حديثه علطول فبيدور بيلاقيها مظبوطه و100% بيطلع في ثانيه وعاملين 140 و 150 الف والموتور مشتكاش من حاجه خالص الموضوع مش مؤثر في حاجه غير البنزين الزياده لان لمدا سينسور معليا البنزين وانت مزوده بtps والخوف كله من thermal stress
جاوب علي دول و انا هطلعلك بقي كتب الاحتراق الداخلي بتاعه الكليه وهنقطع في بعض
انا طبعامستني نستفيد من بعض ونفيد الاعضاء ونتعلم .
من
wikipedia
A mass air flow sensor is used to find out the mass flowrate of air entering a fuel-injected internal combustion engine. The air mass information is necessary for the engine control unit (ECU) to balance and deliver the correct fuel mass to the engine. Air changes its density as it expands and contracts with temperature and pressure. In automotive applications, air density varies with the ambient temperature, altitudeو خلاصته ان ال ماس وظيفته بيتحكم في كميه الهوا اللي داخله للموتور طبقا لدرجه الحراره والضغط والارتفاع اللي فيه السياره لاختلاف كثافه الهوا باختلاف العوامل دي
wikipedia
When the engine is under low-load conditions (such as when accelerating very gently, or maintaining a constant speed), it is operating in "closed-loop mode." This refers to a feedback loop between the ECU and the oxygen sensor(s) in which the ECU adjusts the quantity of fuel and expects to see a resulting change in the response of the oxygen sensor. This loop forces the engine to operate both slightly lean and slightly rich on successive loops, as it attempts to maintain a mostly stoichiometric ratio on average
يعني في السلانسيه او المشي بالراحه بيقفل الهوا جزئيا طبعا ويعمل دايره مغلقه وبيخلي الخريق شويه فقير وشويه غني (يعني بالبنزين) لحد مال ecu يحس انها وصلت للاستايكومتريك فيعمل open loop مره تانيه والحركه دي بتحسها في هزه خفيفه اوي في الموتور علي فترات وهو بيسخن فبالتالي انا ضامن دايما احسن حريق ممكن تحت اي ظرف طالما العربيه سليمه
عربيتى الهيونداى اللى فاتت كان مكتوب فى الكتالوج ان لو الجو بارد او العربية مركونة بقالها مدة التسخين ميزدش عن 30 ثانية ولو الجو حار متزدش عن 15 ثانية ،،،، لكن فى الصنى مش محددين المدة بالظبط ،،، بس اكيد موتور الصنى مدة تسخينة اطول لان الموتور اقدم ..... والله اعلم....وشكرا لكل اللى شاركوا فى الموضوع
تحياتى
فعلا ..لما بيكون على أساس علمي بيبقى " نقد بناء " وكلنا بنستفيد.
أنا كلامي كان عال لمدا سينسور" بديل الشفاط " ، ومجبتش سيرة طرمبة الزيت في حاجة، بل بالعكس زي ما حضرتك تفضلت وقولت اني متفق معاك في حاجات كتير. وهي ان تسخين الموتور شيء أساسي ، لكن طريقة التسخين هي اللي أصبح فيها جدال كبير !!
والموضوع ده بالذات قعدنا نبحث فيه شهرين في موضوع" تسخين الموتور الصح؟" في القسم التعليمي، وكان فيه العديد من المشاركات العلمية ، وأرجو أن يتسع صدرك للنقاش وانا لي الشرف ان في ناس عندها كم وافر من العلم معانا هنا .. زي حضرتك يا هندسة.
لو الخليط عندك صح والحريق صح وتم تسخين الموتور بطريقة صحيحة فالموتور هيوصل للpeak combustion temperatureأسرع وبالتالي الخليط هيحترق داخل غرفة الحريق إحتراق تام يعني مفيش بقايا وقود غير محترق
وبقايا الوقود الغير محترق بتتكثف وتتراكم على جدران الأسطوانات وراس البوجيهات مما يقلل من كفاءة الحريق فتقل درجة حرارة الحريق ويزداد معدل إستهلاك البنزين ويزيد من معدل تلوث الهواء .. حتى وإن كان بنسبة بسيطة.
إحنا متفقين إننا لازم نسخن العربية لحد ما نوصل لدرجة حرارة التشغيل - تقريبا من 85 إلى 95 سيلزيوس
بإحدى طريقتين:
1- الطريقة الأولى: إنك تفضل بتسخنها عالسلانسيه لحد ما توصل لدرجة حرارة التشغيل.
2- الطريقة التانية: إنك تفضل عالسلانسه 30 ثانية تقريبا ثم تبدا تتحرك بعد ذلك بسرعة متوسطة لحد ما توصل لدرجة حرارة التشغيل.
لو عملت سيرش عل أغلب المواقع والمنتديات العلمية - إن مكنش كلها- هتلاقيهم بيقولوا الطريقة التانية هي الأصح
وكاتالوج المستخدم لمعظم الموديلات اللي شوفتها - بيقولوا الطريقة التانية هي الأصح
والكاتلتك لازم يوصل لدرجة حرارة عادم عالية نسبيا عشان يؤدي وظيفته صح- والطريقة التانية هتوصلنا أسرع للدرجة دي.
طيب لو فرضنا ان أنا بمررعادم عالكاتلتك بإستمرار على درجة حرارة أقل من اللي هوبيشتغل عنده-يعني أقل من 400 إلى 800 سلزيوس تقريبا :هيحصل شيء؟؟
هتتجمع أكاسيد الكبريتات اللي نتجت من إحتراق الوقود وخرجت مع العادم على جدرانه الألومنيوم فتتكون عالجدران كبريتات ألومنيوم مما يضعف من كفائته وأكيد ده هيقلل من عمره.
مصدر المعلومة:
المصدر كتالوج المستخدم لسيارة الحج الوالد النيسان - محرك HR16DE- حيث ذكر بالحرف
http://img33.imageshack.us/img33/8416/warmup.jpg
التسخين:
"اترك المحرك في وضع اللاتعشيق لمدة 30 ثانية على الأقل بعد بدء التشغيل. قم بالقيادة بسرعة متوسطة لمسافة قصيرة أولا، وخاصة عندما يكون الجو باردا."
بناءا على إيه:
توصيات مصنعي السيارات
تحت أي ظروف:
تحت ظروف after start enrichment .. هيتم توضيحه لاحقا.
بصراحة من خلال اللي قريته ودرسته سابقا .. حساس الأكسجين ملهوش علاقة بالتسخين.
لكن ده ميمنعش انه ممكن يكون في أنظمة جديدة بتستخدم السيجنال بتاعته في عملية التسخين .. ووارد جدا ان أكون أنا غلط ،
ياريت حضرتك تنورنا!!
ال MAFsensor بيقيس كمية الهوا اللي داخلة عالموتور بس ، لكن مبيتحكمش فيها.
واللمدا سينسور إستحالة يدي سيجنال لل MAF سينسور.
إزاي يعني : سينسور يدي سيجنال لسينسور..هيستقبلها إزاي؟ ولوإستقبلها هيعمل بيها إيه؟؟
السينسور بيدي السيجنال بتاعته ل control unit فتقوم بدورها هي كمان تدي سيجنال ل actuator .
معلش الرد طويل شوية .. إستحملني.
لما تيجي تدور العربية أول مرة في اليوم.. بتمر بمرحلتين:(بدء الدوارة ، التسخين)
1- cold start بدء الدوارة:
فبيتم ضخ بنزين أكتر لفترة من الزمن ، وده بطريقة من اتنين:
1-1 إما الرشاشات وبمساعدة من حساس مياه التبريد (الرشاشات بترش باستمرار لحظة بدء الإدارة ،وأول مالموتور يدور ترجع كما كانتsequential
1-2 أو رشاش بدء الإدارة (رشاش خامس غير الأربعة التانيين) cold start injector بمساعدة thermo-time switch اللي شبه صباع الحرارة .. والثرموتايم بيحددلك الفترة الزمنية اللي بيفضل فيها cold start injector شغال.
2- warm up التسخين:
الرشاشات بترش بكميات أكبر من المعتاد لحد ما تعدي مرحلة ال after start enrichment اللي سبق ذكرها - بتاعة ال 30 ثانية.
http://img854.imageshack.us/img854/4...rtenrichme.jpg
ثم بعد ذلك تقل كمية البنزين اللي بتخرج من الرشاشات تدريجيا لحد ما حساس مياه التبريد يدي السيجنال اللي كلنا منتظرينها " وهي : الموتور وصل بالسلامة لدرجة حرارة التشغيل 85 :95 درجة مئوية.
نقطة الجدل هي : " الشوية اللي بعد ال 30 ثانية " مطلوب منك تخلي الحرارة تزيد بسرعة لحد درجة حرارة التشغيل.
لو فضلت واقف سلانسيه هتاخد وقت أكبر من انك لو بدأت تمشي بالعربية بسرعة متوسطة.
وده بالنسبة للبنزين .. طيب بالنسبة للهوا (مش إحنا زودنا بنزين .. يبقى لازم نزود هوا : إزاي؟)
المسئول عن الهوا الزيادة اللي بيدخل للموتور هو ال auxiliary air device وهو باختصار بيعمل bypass للبوابة فيعدي هوا زيادة فيحس بيه ال maf فيدي سيجنال للكمبيوتر عشان يزود كمية البنزين كما وضحت سابقا.
وبالتالي بديل الشفاط هو ال auxiliary air device وأعتقد إنه موجود في نيسان باسم AAC واختصارها Auxiliary Air Control valve بجوار الإيدلر.
http://img823.imageshack.us/img823/9245/aacoa.jpg
إثبات تاني أن ال لمدا سينسور ملوش علاقة برفع ال rpm لما تيجي تدوور العربية :
حساس الأكسجين عشان يشتغل صح ويتم الأخذ بالقراءات بتاعته لازم درجة حرارة العادم تعدي 200 مئوية لو هو بسخان أما لو من النوعيات القديمة اللي بدون سخان لازم العادم يسخن عن درجة 350 مئوية.
وبالتالي الكمبيوتر بيتجاهل قراءاته أثناء بدء عملية الدوارة ، فازاي يكون هو السبب وقتها في رفع سرعة الموتور !!!
أنا مقولتش هتقصف عمره .. لو رجعت لمشاركتي هتلاقيني قولت : "طبعا مش من يوم وليلة والموتور هيبوظ .. لكن تكرار الموضوع ده هيقلل العمر الإفتراضي للموتور ككل."
حاجة تانية بردو ساعدت في تقليل زمن التسخين والموتور بارد ومتجبركش انك تقعد تسخن كتير .. وهي التطور الكبير في زيوت المحركات وخصوصا الزيوت التخليقية ثنائية درجة اللزوجة.. والمنتدى كله معندوش غير السيرة دي دلوقتي.
يمكن يكون الموتور فيه سخان في البلوك ، ويمكن السبيكة اللي متصنع منها البلوك ألومنيوم متكلفة وتستحمل إجهادات حرارية عالية.
هههههه ..سيبك من كتب الإحتراق الداخلي .. ودورلي على كتب Bosch بتاعة أنظمة حقن الوقود
بس خلي بالك هتلاقي عليها تراب كتير ... هههه
إذن ، فلتكن الحرب !! :gunsmilie::knight:
جمع ورقك وانزلي .. وانا هجمع ورقي واقابلك " الساعة خمسة أودام الهرم الكبير"
بكرر تاني " الساعة خمسة أودام الهرم الكبير"
وعلى رأي واحد عزيز عليا جدا ا: " متنساش تجيب معاك 2 شورمة كومبو وإزازة بيبسي حجم عائلي" عشان نتسلى في الحرب.
أكيد طبعا ..وانا والله ليا الشرف اني اتحاور مع حضرتك و بأذن الله نوصل للأحسن لينا كلنا.:satelite:
كلام سليم بس هشيل كلمة "بيتحكم " واقول بدلها "بيقيس" وأكيد الفرق كبيييير.
نفس الفرق بين actuator و sensor.
كلامك سليم ..وترجمة الفقرة السابقة: ان الموتور وهو تحت حمل خفيف(تسارع بسيط أو ماشي بسرعة ثابتة)اللمدا سينسور بيبقى في ال closed loop يقوم الكمبيوتر يعدل كمية البنزين اللي رايحة للموتور ويستنى يشوف النتيجة بتاعة التعديل ده من خلال قراءة اللمدا سينسورشوية فقير وشوية غني لحد ما يوصل للنسبة الستايكومتريك .
مصدر الصور السابقة : Bosch Automotive Injection Systems
مزيد من المعلومات وتأكيدا لما سبق:
http://www.cdxe....book.com/fuelSys/...coldstart.html
مش عارف الموقع مبيظهرش ليه .. يمكن عشان تكست بوك.
مزيد من المعلومات وتأكيدا لما سبق:
http://www.cdxe....book.com/fuelSys/...coldstart.html
عالعموم دي صورة للصفحة
http://img683.imageshack.us/img683/8505/coldstart.jpg
فى انتظار الرد وانعقاد الهدنة بين الطرفين :E_braces[1]: ههههههههههههههههه
فعلا مستمتع بالمناظرة العلمية المعملية الفذة دى اللى بتفيد المنتدى عامة والقسم هنا خاصة :hrm_prv:
معلش انا علشان في الشغل دلوقتي هرد علي نقطه واحده لحد مروح ان شاء الله
وهي اعتراضك علي ان الاكسجين سنسور مبيرتبطش ب maf .
من نفس المقاله
When a MAF is used in conjunction with an oxygen sensor, the engine's air/fuel ratio can be controlled very accurately
وده اللينك علشان تازاز في المقال الظريف ده
Mass flow sensor - Wikipedia, the free encyclopedia
ومعلومه الكتالوج دي انا معرفهاش هدور عليها ونكمل في وقت لاحق
المشاركات دى عاوزة تتنقل فى موضوع لوحده لان فى كلام قوى جدا .. عشان المشاركات دى متهوش فى الموضوع !!
مستنين مناظرتكم للافادة الاعضاء
ايه الكلام الجامد ده يا رجالة ، وانا مع أ/ احمد مصطفىahmed.tv لازم المشاركات الجامدة دى تتنقل فى موضوع لوحده لان فى كلام قوى جدا .. علشان متتوهش فى الموضوع !!
ومتاااااااااااااااابع انعقاد الهدنة:B4_611: وال2 شورمة الكومبو وإزازة البيبسي الحجم العائلي:10D5C8w1107::10D5C8w1107:
حقيقه احترت كثيرا بين اني اشكرك او ادعي عليك لانك خلتني اذاكر بتاع 3 ايام- وانا مش فاضي خالص - و سالت طوب الارض وخاصه اني كنت ابن كار وليه معارف كتير فيه ولكن في مجال الديزل حيث عملت سنه في صيانه الكمنز والبيركنز قبل مااشتغل استشاري تكييف 3 سنوات واخيرا مهندس تصميات لمعامل وابار البترول وطبعا بحكم ان الواحد ركب عربيات بدري وكانت كلها من ماركه الشعب فيات دماغي كانت قافله عند نظام الكاربيراتير لاني فاهمه كويس من قبل ما الانجيكشن ينزل قبقي معايا الكاربيراتير والديزل فقلت اشمعني الانجيكشن فاجتهدت فيه فرديا لفتره مش بطاله بس مش عمليا
المهم في الاخر قررت اني اشكرك لاني فعلا استفدت مش منك اه-هههه- بس من الاسئله اللي انا ردمت الناس بيها والاجابات اللي انا لقيتها علي النت واحب اقولك اني معنديش ادني مشكله ان الحاجات اللي كنت متلخبط فيها اعترف بيها بس الحاجات اللي متاكد منها مش هرحمك فيها –هههههههه-
وانا صراحه بحييك انك دعمت ردك بحاجات مكتوبه و الا كان هيتحول الحوار الي سوفسطائيه وياريت لو تعرفنا بمجال شغلك ولا دي هوايه؟
ليس معني كل رد هو معارضه او تاييد في كده وفي كده وفي توضيح زياده مش اكتر
انا هقسم ردي ال 3 اقسام
1- القسم الاول (وده اللي فتحه صاحب الموضوع اصلا ومطالش حاجه انا عارف)
2- القسم الثاني (اللي انا وصلتله و بعض اقتباسات من ردك والردود عليها)
3- القسم الثالث (اللي انا لسه بذاكره وهنكمله مع بعض ان شاء الله حتي تعم الافاده)
1- القسم الاول (وده اللي فتحه صاحب الموضوع اصلا ومطالش حاجه انا عارف)
انت : إحنا متفقين إننا لازم نسخن العربية لحد ما نوصل لدرجة حرارة التشغيل - تقريبا من 85 إلى 95 سيلزيوس
انا :تمام اوي بس ده علشان نقدر نقرص بامان غير كده ممكن نمشي بيها بالراحه عادي جدا من ما تسخن 1 درجه حتي
لان الزيت بيكمل دورته في فانيه
[COLOR="blue"]انت : بإحدى طريقتين:
1- الطريقة الأولى: إنك تفضل بتسخنها عالسلانسيه لحد ما توصل لدرجة حرارة التشغيل.
2 - الطريقة التانية: إنك تفضل عالسلانسه 30 ثانية تقريبا ثم تبدا تتحرك بعد ذلك بسرعة متوسطة لحد ما توصل لدرجة حرارة التشغيل.
انا: الطريقه الاولي هي المثلي والطريقه الثانيه مش غلط وخاصه اني لقيتها مكتوبه فعلا ف الكتالوج بتاع الاستخدام العادي
ولكن انا كراجل مهندس ففي حاجه اسمها لغه المهندسين في الكتابه يعني لو انت بتصمم من كود او استاندارد عالمي وقالك ان البعد بين حاجه وحاجه x علي الاقل فمش من الهندسه ولا الشطاره اني اطبقها علي الحركرك ولكن اطبقها لما اكون مضطر اوي ليها بس اني اعديها ده مقبول علشان هدف تاني حتي لو جمالي اذا كانت المساحه تسمح
انت : "اترك المحرك في وضع اللاتعشيق لمدة 30 ثانية على الأقل بعد بدء التشغيل. قم بالقيادة بسرعة متوسطة لمسافة قصيرة أولا، وخاصة عندما يكون الجو باردا."
انا : فزي مانت ترجمت انا اسيبها علي السلانسيه- بلاش اللا تعشيق دي لا يقولك يعني ادوس دبرياج؟- 30 ثانيه علي الاقل ولكن انت كده زي مابيقولو في خانه اليك طبقت ال minimum بس معملتش الحاجه الperfect يعني عملت اكل يتاكل بس متستطعموش
ومن وجهه نظري العمليه لا يوجد اي ضرر من التحرك علي البارد لو لم تسمح الظروف للتسخين بس ميبقاش كل مره يعني بس متشتكيش من البنزين
انت (تاكيدا لكلامي ) : "طبعا مش من يوم وليلة والموتور هيبوظ .. لكن تكرار الموضوع ده هيقلل العمر الإفتراضي للموتور ككل."
حاجة تانية بردو ساعدت في تقليل زمن التسخين والموتور بارد ومتجبركش انك تقعد تسخن كتير .. وهي التطور الكبير في زيوت المحركات وخصوصا الزيوت التخليقية ثنائية درجة اللزوجة.. والمنتدى كله معندوش غير السيرة دي دلوقتي.
وده لا يمنع ان من وجهه نظر العلم لا بد من تسخين السياره 30 ثانيه علي الاقل و بعد كده اتحرك بيها بالراحه لحد ماتسخن او اروح لطريقتك الاولي " إنك تفضل بتسخنها عالسلانسيه لحد ما توصل لدرجة حرارة التشغيل"
*ارجو ان الاستاذ سامح يكون واصله المفهوم الصح للمكتوب في كتالوجه
انت : لو فضلت واقف سلانسيه هتاخد وقت أكبر من انك لو بدأت تمشي بالعربية بسرعة متوسطة
انا : طيب مهو مفيش حلاوة من غير نار انت راجل مثالي وعايز الموتور بدل ميشتغل 300 الف لا بشتغل 400 الف دي ضريبه بسيطه اني اخد وقت شويه اكتر اللي هو ممكن يبقي دقايق زياده
انت : لكن طريقة التسخين هي اللي أصبح فيها جدال كبير !!
انا : لا يوجد اي نوع من الجدال ولكن يوجد الصح والاصح منه
ده كده بالنسبه لصاحب الموضوع والناس اللي عايزه تعرف عن التسخين
2- القسم الثاني (اللي انا وصلتله و بعض اقتباسات من ردك والردود عليها)
انت : وبالتالي بديل الشفاط هو ال auxiliary air device
انا : تمام معاك حق انا مكنتش اعرف لان الجماعه الالمان بيقولو auxiliary air device علي التربو شارجر والسوبر شارجر فده اللي عمللي لخبطه ففي اختلاف في المسميات لان دول الوحيدين اللي يعتبرو اضافه فعلا وتغيير لخواص الهوا من ضغط ودرجه حراره
مع العلم انه ليس مشابها للشفاط زي ما الحج بوش بيقول – لاحقا- لان الشفاط بيخنق الهوا فبكده كانه زود بنزين من غير لا سحر ولا شعوذه
انت : المسئول عن الهوا الزيادة اللي بيدخل للموتور هو ال auxiliary air device وهو باختصار بيعمل bypass للبوابة فيعدي هوا زياد
انا : ال auxiliary air device هو عباره عن صباع زي صباع الحراره كده بيقيس درجه الحراره عند الكامات ولما بيسخن بيحول ده الي اشاره كهربيه بتروح للecu و منها الي نظام الانجيكشن اتقليل كميه البنزين الي وضعها الطبيعي و ايضا كميه الهوا الزياده بتقفل بعد ما القتيل ده يسخن وتعمل السياره في ال idle mode وده سيستم تاني خالص
Bosch حبيبك: The Auxiliary Air Devices found in the Bosch injected cars are NOT LIKE A
CHOKE! Their function it to supply more air to the downside of the throttle
body when the engine is cold and it is electrically heated to make it close
after the engine starts. The hot cam cover keeps the device closed after
you're underway.
يعني ده عامل كانك بتسخن ال كاربيراتير بانك بتزود برجلك مش مشغل الشفاط
انت : أو رشاش بدء الإدارة (رشاش خامس غير الأربعة التانيين) cold start injector بمساعدة thermo-time switch اللي شبه صباع الحرارة .. والثرموتايم بيحددلك الفترة الزمنية اللي بيفضل فيها cold start injector شغال.
انا : كلام سليم وده نظام تاني خالص وليست مرحله في الدواره ودهو ده اللي اسمه "enrichement" device وده فعلا بديل الشفاط و بوش بيسلم عليك
Bosch:
The non-motronic models equipped with cold start injectors are the "enrichement" device
انت : إما الرشاشات وبمساعدة من حساس مياه التبريد (الرشاشات بترش باستمرار لحظة بدء الإدارة ،وأول مالموتور يدور ترجع كما كانتsequentia
انا : اثبت او اديني فرصه اقرا فيها شويه
انت : إثبات تاني أن ال لمدا سينسور ملوش علاقة برفع ال rpm لما تيجي تدوور العربية :
حساس الأكسجين عشان يشتغل صح ويتم الأخذ بالقراءات بتاعته لازم درجة حرارة العادم تعدي 200 مئوية لو هو بسخان أما لو من النوعيات القديمة اللي بدون سخان لازم العادم يسخن عن درجة 350 مئوية.
وبالتالي الكمبيوتر بيتجاهل قراءاته أثناء بدء عملية الدوارة ، فازاي يكون هو السبب وقتها في رفع سرعة الموتور !!!
انا : اثبت او اديني فرصه اقرا فيها شويه
انت : ل MAFsensor بيقيس كمية الهوا اللي داخلة عالموتور بس ، لكن مبيتحكمش فيها.
انا : الماف او الاير ماس هو وظيفته قياس كميه الهوا عن طريق الكتله وليست الحجم لان في عامل تاني مكانش بيتاخد في الاعتبار وهو الكثافه فبكده انا وفرت شويه تاني في البنزين ومنها بيبعت اشاره لل ecu ومنه ال الانجكشن سيستم وبالتالي يتحكم في كميه الوقود التي تحقن للموتور وده شغال في اي وقت في المشي العادي وفي التسخين
انت : واللمدا سينسور إستحالة يدي سيجنال لل MAF سينسور.
إزاي يعني : سينسور يدي سيجنال لسينسور..
انا : لا بيدي ..ممكن عادي وانا رديت عليك سابقا
وهي اعتراضك علي ان الاكسجين سنسور مبيرتبطش ب maf .
من نفس المقاله
When a MAF is used in conjunction with an oxygen sensor, the engine's air/fuel ratio can be controlled very accurately
انت : هيستقبلها إزاي؟ ولوإستقبلها هيعمل بيها إيه؟؟
انا : ازاي دي معرفش تفاصيلها بس من خبرتي في التكييف كنا بنخلي شركات الكنترول تلعبلنا بالسيجنالز ونخليها تقول بابا وماما كمان
هيعمل بيها ايه ؟ هيدمجها مع قرايه الاير ماس وده هيدي دقه اكتر في قرايه خواص الهوا ومنها كميه البنزين اللي هتتحقن
*معلومه علي الماشي :الالماني كله و الصني وغيرها اكيد بس مش كله فيها اير ماس ورا الافلتر من نوع pbt وشفويا عرفت ان الكورولا مفهاش وبتقيس الهوا بالحجم فقط وجاري تاكيد المعلومه واثباتها بالورق
انت : يمكن يكون الموتور فيه سخان في البلوك ، ويمكن السبيكة اللي متصنع منها البلوك ألومنيوم متكلفة وتستحمل إجهادات حرارية عالية.
انا : علي كده الفيرنا دي جامده اوي
انا : هكلمكم عن الtps وحساس الكرنك لاحقا علشان صدعت وزهقت
-3 القسم الثالث (اللي انا لسه بذاكره وهنكمله مع بعض ان شاء الله حتي تعم الافاده)
1-idling system
2-gasoline injection system and controls
شوف بقي يا ابو حميد لو عايز تفتحه في موضوع جديد
انت منسق القسم بقي
المدير يعني
وليك حق الاخراج النهائي طبعا
يعني تعدل كلمه او تنسيق
[QUOTE=م/محمد;3873958294]حقيقه احترت كثيرا بين اني اشكرك او ادعي عليك لانك خلتني اذاكر بتاع 3 ايام- وانا مش فاضي خالص - و سالت طوب الارض وخاصه اني كنت ابن كار وليه معارف كتير فيه ولكن في مجال الديزل حيث عملت سنه في صيانه الكمنز والبيركنز قبل مااشتغل استشاري تكييف 3 سنوات واخيرا مهندس تصميات لمعامل وابار البترول وطبعا بحكم ان الواحد ركب عربيات بدري وكانت كلها من ماركه الشعب فيات دماغي كانت قافله عند نظام الكاربيراتير لاني فاهمه كويس من قبل ما الانجيكشن ينزل قبقي معايا الكاربيراتير والديزل فقلت اشمعني الانجيكشن فاجتهدت فيه فرديا لفتره مش بطاله بس مش عمليا
المهم في الاخر قررت اني اشكرك لاني فعلا استفدت مش منك اه-هههه- بس من الاسئله اللي انا ردمت الناس بيها والاجابات اللي انا لقيتها علي النت واحب اقولك اني معنديش ادني مشكله ان الحاجات اللي كنت متلخبط فيها اعترف بيها بس الحاجات اللي متاكد منها مش هرحمك فيها –هههههههه-
وانا صراحه بحييك انك دعمت ردك بحاجات مكتوبه و الا كان هيتحول الحوار الي سوفسطائيه وياريت لو تعرفنا بمجال شغلك ولا دي هوايه؟
ليس معني كل رد هو معارضه او تاييد في كده وفي كده وفي توضيح زياده مش اكتر
انا هقسم ردي ال 3 اقسام
1- القسم الاول (وده اللي فتحه صاحب الموضوع اصلا ومطالش حاجه انا عارف)
2- القسم الثاني (اللي انا وصلتله و بعض اقتباسات من ردك والردود عليها)
3- القسم الثالث (اللي انا لسه بذاكره وهنكمله مع بعض ان شاء الله حتي تعم الافاده)
1- القسم الاول (وده اللي فتحه صاحب الموضوع اصلا ومطالش حاجه انا عارف)
انت : إحنا متفقين إننا لازم نسخن العربية لحد ما نوصل لدرجة حرارة التشغيل - تقريبا من 85 إلى 95 سيلزيوس
انا :تمام اوي بس ده علشان نقدر نقرص بامان غير كده ممكن نمشي بيها بالراحه عادي جدا من ما تسخن 1 درجه حتي
لان الزيت بيكمل دورته في فانيه
[COLOR="blue"]انت : بإحدى طريقتين:
1- الطريقة الأولى: إنك تفضل بتسخنها عالسلانسيه لحد ما توصل لدرجة حرارة التشغيل.
2 - الطريقة التانية: إنك تفضل عالسلانسه 30 ثانية تقريبا ثم تبدا تتحرك بعد ذلك بسرعة متوسطة لحد ما توصل لدرجة حرارة التشغيل.
انا: الطريقه الاولي هي المثلي والطريقه الثانيه مش غلط وخاصه اني لقيتها مكتوبه فعلا ف الكتالوج بتاع الاستخدام العادي
ولكن انا كراجل مهندس ففي حاجه اسمها لغه المهندسين في الكتابه يعني لو انت بتصمم من كود او استاندارد عالمي وقالك ان البعد بين حاجه وحاجه x علي الاقل فمش من الهندسه ولا الشطاره اني اطبقها علي الحركرك ولكن اطبقها لما اكون مضطر اوي ليها بس اني اعديها ده مقبول علشان هدف تاني حتي لو جمالي اذا كانت المساحه تسمح
انت : "اترك المحرك في وضع اللاتعشيق لمدة 30 ثانية على الأقل بعد بدء التشغيل. قم بالقيادة بسرعة متوسطة لمسافة قصيرة أولا، وخاصة عندما يكون الجو باردا."
انا : فزي مانت ترجمت انا اسيبها علي السلانسيه- بلاش اللا تعشيق دي لا يقولك يعني ادوس دبرياج؟- 30 ثانيه علي الاقل ولكن انت كده زي مابيقولو في خانه اليك طبقت ال minimum بس معملتش الحاجه الperfect يعني عملت اكل يتاكل بس متستطعموش
ومن وجهه نظري العمليه لا يوجد اي ضرر من التحرك علي البارد لو لم تسمح الظروف للتسخين بس ميبقاش كل مره يعني بس متشتكيش من البنزين
انت (تاكيدا لكلامي ) : "طبعا مش من يوم وليلة والموتور هيبوظ .. لكن تكرار الموضوع ده هيقلل العمر الإفتراضي للموتور ككل."
حاجة تانية بردو ساعدت في تقليل زمن التسخين والموتور بارد ومتجبركش انك تقعد تسخن كتير .. وهي التطور الكبير في زيوت المحركات وخصوصا الزيوت التخليقية ثنائية درجة اللزوجة.. والمنتدى كله معندوش غير السيرة دي دلوقتي.
وده لا يمنع ان من وجهه نظر العلم لا بد من تسخين السياره 30 ثانيه علي الاقل و بعد كده اتحرك بيها بالراحه لحد ماتسخن او اروح لطريقتك الاولي " إنك تفضل بتسخنها عالسلانسيه لحد ما توصل لدرجة حرارة التشغيل"
*ارجو ان الاستاذ سامح يكون واصله المفهوم الصح للمكتوب في كتالوجه
انت : لو فضلت واقف سلانسيه هتاخد وقت أكبر من انك لو بدأت تمشي بالعربية بسرعة متوسطة
انا : طيب مهو مفيش حلاوة من غير نار انت راجل مثالي وعايز الموتور بدل ميشتغل 300 الف لا بشتغل 400 الف دي ضريبه بسيطه اني اخد وقت شويه اكتر اللي هو ممكن يبقي دقايق زياده
انت : لكن طريقة التسخين هي اللي أصبح فيها جدال كبير !!
انا : لا يوجد اي نوع من الجدال ولكن يوجد الصح والاصح منه
ده كده بالنسبه لصاحب الموضوع والناس اللي عايزه تعرف عن التسخين
ا:018A1D~146: نا كده وصلتلى المعلومة وبزيادة كمان ومتشكريين يا بش مهندس على المعلومات البحتة ديه وربنا يجزيك خير
وتحياتى ليك
تاني مرة يا بشمهندس ... تأولني كلام مقولتهوش !!
وعشان اللي متابعينا ميتوهوش .. أنا اسفا كررت الجزئية الخاصة بالكلام ده.
سؤالك:
رد العبد الفقير لله:
وبالنسبة للمقال بتاع ويكيبديا .. فأنا عملت بنصيحتك وأزأزت فيه فعلا ، هههه.
" When a MAF is used in conjunction with an oxygen sensor, the engine's air/fuel ratio can be controlled very accurately. "
هل ده معناه ان الل lambda sensor بيدي السيجنال إلى ال MAF sensor ؟؟؟؟؟
لأ طبعا.
طيب يمكن معناه ان ال Maf بيتحكم في كمية الهوا اللي داخله عالموتور ؟
برضو لأ ، وتم ذكر السبب سابقا .. (الفرق بين sensor - controller - actuator)
والدليل من الجملة اللي حضرتك إقتبستها can be controled مبنية للمجهول passive tense
وبأكد إنه لم يذكر ان اللمدا سينسور بيدي سيجنال لل MAF sensor ...
والله أعلم.
.to be continued
كلام سليم.
http://i1177.photobucket.com/albums/...123/hyowar.jpg
ولمزيد من المعلومات : ده لينك لموضوع هيعجبكم أوي أوي ... ولكن برجاء قرائته بعناية.
أقل ما يقال عنه إنه """ مرجع""" .. ربنا يبارك للعضو اللي نقله.
http://www.nilemotors.net/Nile/257752-a.html
أنا كنت من فترة قريبة مؤمن تماما إنه لازم ولابد من تسخين الموتور عالسلانسيه لحد ما يسخن تمام.
لكن العلم اتطور والدنيا اتغيرت وتكنولوجيا السيارات اتطورت جدا.
زي مانا كنت معتقد برضو انك لما تيجي تدور العربية صباحا ، يستحسن تديها سنة بنزين
ولكن إقتنعت ان الكلام ده اتغير لان الطلمبة أصبحت كهربا ، بل بالعكس انت كده ممكن تعيق عملية بديء الدوارة. ودي بشكر فيها AHMED FBI
to be continued
متايع
موضوع ولا اروع
نظري ضعف من الكتابه بخط صغير كبروا الخط شويه في المناظرات علشان اصحاب النظر الضعيف
الموافق على غلق باب المناقشة والانتقال فوراااااااااا الى جدول الاعمال وعدم استقبال اى طلبات احاطة من السيد العضو / سامح بوند
يتفضل بعمل لايك :plusone2:
ههههههههههههههه ....... حد شافك وانتا جاااااااااااى